Pol One Towe eite Omo Rom maꞌe Lese Ausawi 16:20 - Saniyo-Hiyewe

²⁰ Sosu a'i pe Owane Sitewi Pefine a'i marepi momotei fetane a'i ausiya ape, le a'i lai nowe i'ero a'i sepei luwaru a'i Satan hi ani fu ararorowa. Le a'i lai fene ma'e kairefi erasi a'i aurowa. Serai fene aiwawe a'i sepei Satan hi ani ararorowa. Ane fene ne Owane Sitewi ma'e au ei towerisiya, Meni Owane Krais lo ferafereiyei fene ma'e ironamitorowa.

Pol One Towe eite Omo Rom maꞌe Lese Ausawi 16:20 ပူးပေါင်းရင်းမြစ်များ

Matyu 4:10

Sosu Jisas le ma'e itiya'u eiye, “Satan, Ne ire! Ane marepi no umasirowata. Owane Sitewi lo peri one towe sahe apou leseye, ‘Ne Owane Sitewi Meni Owane Pefine a'i no ne au te'e wisereyete. Ne le ne a'i wiyawi au irote.’” Lo 6:13

Jisas Krais lo Peri Heneruwe, Luk leseteye ape ne 10:19

Peri ano wanure! Ane fene ma'e kairefiyeyei ano auwe. Fene haru aimesi, heripahari werese, fene lowe fene lo hire ma'e uweiti arowatowei su, lowe fene lo sahe tomuwei su, fene fofowei se teriterowata. Kairefiyeyei ano se fene lai sepei luwaru werese a'i hi ani ararowe. Lowe werese fene ma'e au luwaruwerowata.

Pol One Towe eite Omo Rom maꞌe Lese Ausawi 15:33

Ane Owane Sitewi ma'e fene ne ei towerisiya. Owane Sitewi lai, marepi wisere fetane a'i auwe ape, fene werese mase ironamitorowa. Peri werese pefine a'i tene!

Pol One Towe eite Omo Rom maꞌe Lese Ausawi 16:23

Nomo werese meni Gaius lo wesi saro irosiya. Lu taune tomu ne'ese a'i wesi lo sahe Owane Sitewi ma'e au nine'i wisereyenamiyei ne ta'uweraiteye. Gaius lai aiwawe a'i fene ma'e au te'e nine'i wisereyesawisiya. Meni Erastus, omo weniyei lo ma'aru au noweinoweisiya ape, sosu meni Kwartus kaiyemo nomo lo, lowesi fene ma'e au te'e nine'i wisereyesawisiya.

Pol One Towe eite Omo Rom maꞌe Lese Ausawi 16:24

{Meni Owane Jisas Krais lo ferafereiyei fene werese mase ironamitorowa.}

Pol One Towe eite Omo Rom maꞌe Lese Ausawi 8:37

Ahowa, lu taune ape mo nomo ma'e au luwaruweyei su, Krais lai nomo werese marepi erasi pefine a'i au atuatunamisiya. Serai etiri luwaru werese a'i lowe nomo ma'e au irowei ape, nomo etiri luwaru werese ape mo erasi pefine a'i ani fu ararosiya.

1 Korin 16:23

Sosu Owane Jisas Krais lo ferafereiyei fene ma'e ironamiteyei.

Galesia 6:18

Serai kaiyemo mo, Owane Jisas Krais lo ferafereiye marepi hepene fene lo mase ironamite. Peri wiyeme a'i tene!

Filipai 4:23

Meni Owane Jisas Krais lo ferafereiyei marepi hepene fene lo mase ironamitorowa.

1 Tesalonaika 5:28

Meni Owane Jisas Krais lo ferafereiyei fene mase ironamiteyei.

2 Tesalonaika 3:18

Meni Owane Jisas Krais fene mase Owane Sitewi lo marepi neri a'i aurowa.

2 Timoti 4:22

Sosu a'i pe Meni Owane Pefine a'i nomo lo hepene no aiwawe a'i iroteyei. Owane Sitewi lo marepi ferafereiye ne mase ironamiteyei. One towe eite tepa'asiye. Papera.

Filemon 1:25

Sosu a'i pe ane Owane Sitewi ma'e apou ei toweriyei, Meni Owane Krais Jisas lo marepi fetaneye a'i hepene no saro aiwawe ironamiteyei. One towe eite papera.

1 Jon 3:8

Sepei luwaru a'i pefine a'i, Satan, tu naifa weriyei weriyei yo seni luwaru a'i ironamiteye. Serai lu taune tamo yo seni luwaru a'i ironamiyei su, le Satan ma'e fai. Sosu Owane Sitewi lo meni eime itorai su, le a'i lai sepei Satan lo wiyawi au ani luwaruwe po'uteyei ne itorai.

Kamapim Tok Hait 12:10

Sosu ane peri no'u erasi ta ni'arawe hire ma'e apou uteye ape wanuwe, “Pereye nowe eite se Owane Sitewi lai lu taune werese awei sahe eite mo si ete hene aniye. Owane Sitewi lo kairefi erasi a'i, omo ni'arawe hire ma'e irosiya ape, sosu Krais lo iyape erasi a'i amerame a'i henerai tepa'asiye. Piyene awere? Ipari luwaru a'i ape, Satan, Owane Sitewi lo lu feni werese ma'e mi mi pasi pasi weriyei Owane Sitewi nomo lo ma'e peri wawero apou au fu te'enamisiya ape, Owane Sitewi lai le hi awei sahe eito ani fu arosai.

Kamapim Tok Hait 22:21

Serai Meni Owane Jisas lo seremareyeyei nomo werese ma'e Owane Sitewi lo peri tote umasisiya ape, fa ironamite. Peri werese ape wiyeme a'i ne.