Pol One Towe eite Omo Rom maꞌe Lese Ausawi 15:32 - Saniyo-Hiyewe

³² Sosu Owane Sitewi lo marepi ane ne apou toterowa, “Ne ma'aru etiri ape mo, omo Jerusalem ma'e aiti tepa'asirowa su, ne omo Spen ma'e ire!” Owane Sitewi lo marepi ane ne toteyei su, ane fene ma'e sewiyeyei ne irowa. Ane marepi erasi wisere a'i fene ma'e nine'itairowa. Ane fene ma'e henerairowa su, fene ane marepi fetane a'i iro tiyatinamirowa.

Pol One Towe eite Omo Rom maꞌe Lese Ausawi 15:32 ပူးပေါင်းရင်းမြစ်များ

Aposel 18:21

Sosu le arunati su, le apou te'eye, “Owane Sitewi lo marepi ane ma'e te'eye su, ane heta su si tame aiyerowa.” Sosu le omo Efesus arunatiyewe, wai se iyatuti.

Aposel 27:1

Meni owane lo peri te'e naneiyei tepa'asiye. Pol Pani Itali ma'e iyei ne toteyei su, le kalabus wesi lu tere'e tamo aiwawe ai atu siye meni owane ma'e iyape Julius heneti. Meni ape ai atu siye lu tomu ne'ese iyape Rom meni owane pefine lo ai atu siye lu, au noweinoweiteye. Ane Pol lo lu feni aiwawe iyei.

Pol One Towe eite Omo Rom maꞌe Lese Ausawi 15:29

Etiri ta ane so'oruwe tepa'asiye. Ane fene ma'e sewiyeyei su, ane Meni Owane Krais lo wisereyeyei erasi a'i fene ma'e aitairowa. Krais lo wisereyeyei ape, fene papu ani asi teme'eriyerowa.

1 Korin 16:18

Lowe ane ma'e fai su, lowe peri heneruwe wisere a'i fene ne ane ma'e au te'esai. Lowe marepi wisere a'i ane ma'e auwe. Sosu fene peri ano wanuwei su, marepi fene lo aiwawe a'i au te'e wisereyeyei. Serai fene lu ape mo ne au te'e wisereyere.

1 Korin 4:19

Meni Owane Pefine a'i marepi lo ane ma'e au te'e atuatu areiyerowa su, ane i'ero a'i fene ma'e sewiyeyei ne aiyerowa. Ane aiyeyei su, ane kuseriyei lu ape mo wanu so'oruwerowa. Ane peri lowe lo wanuwei ta'ama. Ahowa, ane kairefi lowe lo siye so'oruwerowa.

2 Korin 7:13

Serai etiri werese ape mo se nomo marepi fetane a'i ironamiteye. Nomo marepi fetane a'i ironamiteye su, nomo meni Taitus ne marepi erasi a'i au wisereye nine'iteye. Le fene mase iroteye su, fene marepi lo au te'e wisereyeteye. Serai yo seni fene lo ne le marepi erasi a'i au te'e nine'iteye.

2 Timoti 1:16

Ahowa, meni tere'e ane ne au noweinoweisiya. Meni iyape Onesiforus, ane Owane Sitewi ma'e le ne apou ei towerisiya, “Owane Sitewi, ne meni ape, awaripi lo aiwawe, ferafereiyei erasi no lowe ma'e ironamite.” Ane kalabus wesi sahe irosiya su, le ane ne neritaseye ta'ame. Sosu le marepi ano au kairefiyeteye.

Filemon 1:20

Marepi ano apou a'i toteye. Kaiyemo ano, Jisas lo iyape se, ne lai marepi ano au kairefiyere. Serai ne marepi ano Krais lo kairefi se ne lai marepi ano au fetaneyere.

Filemon 1:7

Ne ane ne marepi erasi a'i totenamisiya. Ne, kaiyemo, lu taune werese ma'e Jisas lo peri wanu umasinamisiya ape, ne marepi lowe lo au kairefiyeye. Serai ane Owane Sitewi ma'e ne ne au te'e wisereyesiya.

Jems 4:15

Ahowa, fene marepi towafi fene lo owe ape tote umasite. Fene peri ape apou te'ere, “Ane Meni Owane Pefine a'i lo marepi umasisiya. Le ane ne apou toteyei su, “Nowe aperi ne sato iroteyei.” Serai ane fara'u wiyawi ano aniyei. Le ane ma'e apou au te'eyei su, “Ne wiyawi eite pei irore.” Serai ane fara'u wiyawi ape fu irowei.