Pol One Towe eite Omo Rom maꞌe Lese Ausawi 13:9 - Saniyo-Hiyewe

⁹ Owane Sitewi lo yo peri apou te'eye, “Fene tafa'e yo seni owe ape irote. Fene meni ta owe ape aine tera'ere. Fene lu tere'e lo etiri tamo ta'arei owe ape anite. Fene lu taune lo etiri werese owe ape siye wisereyete.” Kis 20:13-15,17 Owane Sitewi lo peri werese ape mo lai peri sitewi ta'i a'i irosiya. “Fene lai lu taune tere'e tiyati ma'e marepi wisere erasi a'i au tote wawesiyenamite. Fene lu taune tere'e tiyati ma'e tahe pa'are towafi fene lo noweinoweisiya apou ape a'i lowe ma'e au tote wawesiyenamite.” Wkp 19:18

Pol One Towe eite Omo Rom maꞌe Lese Ausawi 13:9 ပူးပေါင်းရင်းမြစ်များ

Matyu 22:39

Yo peri to'uresi apou aiwawe a'i te'esiya. ‘Ne lu taune topo ne ne wawesiyeyei ape aiwawe a'i tote wawesiyenamite!’ Wkp 19:18

Krais lo Peri Heneruwe, Mak leseteye ape ne 10:19

Ne Owane Sitewi lo yo peri so'oruwesiya tene! ‘Ne meni ta owe ape aine tera'ete. Ne tafa'e yo seni luwaru a'i owe ape irote. Ne etiri ta owe ape ta'areite. Ne peri wawero owe ape te'ete! Ne lu taune ma'e owe ape arearete. Ne aite mai no peri lowesi lo ape a'i wanu umasite.’” Kis 20:12-17; Lo 5:16-20

Krais lo Peri Heneruwe, Mak leseteye ape ne 12:31

Owane Sitewi lo yo peri to'uresi apou wou a'i ne. ‘Fene lu taune tere'e tere'e ma'e marepi erasi a'i tote wawesiyenamite.’ Wkp 19:18 Owane Sitewi lo yo peri ape mo lowe hesi erasi pefine a'i tene. Yo peri tere'e lai lowesi ma'e unahi irosiya.”

Jisas Krais lo Peri Heneruwe, Luk leseteye ape ne 10:27

Meni ape Jisas ma'e itiya'u eiye, “Ne Meni Owane Pefine a'i marepi erasi a'i tote wawesiyenamite. Ne marepi hepene werese no se, hepene werese no se, kairefi werese no se, sosu marepi werese no se, ne etiri werese ape se, ne Meni Owane Pefine a'i ne, marepi erasi a'i tote wawesiyenamite. Ne lu taune werese ne aiwawe a'i marepi erasi a'i tote wawesiyenamite. Ne tahe pa'are topo no ape ne marepi erasi a'i tote wawesiyeyei su, sosu aiwawe a'i ne lu taune tere'e werese ne marepi erasi a'i tote wawesiyenamite.” Lo 6:5; Wkp 19:18

Jisas Krais lo Peri Heneruwe, Luk leseteye ape ne 18:20

Ne Moses lo yo peri so'oruwesiya awere? ‘Ne taune tafa'e yo seni luwaru a'i owe ape irore! Ne meni ta owe ape aine tera'ere! Ne etiri tamo owe ape ta'arei anire! Ne lu tere'e tamo ne peri wawero owe ape au te'ere. Ne tai mai no marepi erasi a'i totenamite!’” Kis 20:12-16; Lo 5:17-20

Galesia 5:13

Sosu a'i pe kaiyemo mo, Owane Sitewi lai fene marepi fetane a'i se ei aniye. Serai marepi hepene fene lo yo peri lo kairefi unahi ironamitorowata. Ahowa, fene apou owe ape totere, “Nomo marepi fetane a'i irosiya su, nomo fara'u yo seni luwaru a'i irorowa.” Ahowa, fene lu taune tere'e ma'e tote tiyati wawesiye ferafereite.