Pol One Towe eite Omo Rom maꞌe Lese Ausawi 11:30 - Saniyo-Hiyewe

³⁰ Fene aiwawe a'i. Tu naifa fene Owane Sitewi lo peri me'iyeni ma'e atati arunati. Ahowa, Israel lo lu tewi ape Owane Sitewi lo peri arisinamiteye su, Owane Sitewi fene ma'e au ferafereinamiteye.

Pol One Towe eite Omo Rom maꞌe Lese Ausawi 11:30 ပူးပေါင်းရင်းမြစ်များ

Pol One Towe eite Omo Rom maꞌe Lese Ausawi 11:29

Tu naifa weriyei Owane Sitewi lai Israel lo lu tewi ape mo ariariyeye. Le lowe ma'e etiri tomu ne'ese auteye. Serai le lowe ne marepi topo lo atati toterowata.

Pol One Towe eite Omo Rom maꞌe Lese Ausawi 11:31

Serai Israel lo lu tewi ape lai Owane Sitewi lo peri arisinamisiya. Nowe me'iye su, lowe Owane Sitewi lo ferafereiyei, le fene ma'e auwe ape, siyerowa su, lowe Owane Sitewi ma'e si tame atati aiyerowa. Sosu Owane Sitewi lai lowe ma'e au ferafereirowa.

Pol One Towe eite Omo Rom maꞌe Lese Ausawi 15:9

Owane Sitewi lo peri te'e naneiyei werese ape lu tewi tere'e tere'e ma'e aiwawe a'i au te'eye. Owane Krais lowe ma'e Owane Sitewi lo ferafereiyei au atuatu areiyeyei ne fai. Serai lowe Owane Sitewi lo iyape pefine a'i ape ne te'e nine'i arowetorowa. Meni owane Devit, Owane Sitewi lo peri one towe sahe aiwawe a'i leseye, “Wanure! Ane lu tewi tere'e mase iroterowawe, Owane Sitewi Pefine ma'e au te'e wisereye nine'inamirowa. Ane iyape no ma'e peri wisere a'i au te'e wisereyerowa.” Sng 18:49

1 Korin 7:25

Sosu a'i pe ane taune wati'are ne au te'esiya. Meni Owane Pefine ane ma'e fene ne au te'e ta'ame. Ahowa, ane marepi ano fene ma'e au te'esiya. Meni Owane Pefine a'i lai ferafereiyei lo se ane ma'e marepi wisere a'i auwe. Serai peri ano wiyeme a'i ne.

2 Korin 4:1

Owane Sitewi lai ferafereiyei se ane ma'e wiyawi lo ta'aneyei ne ei aniye. Serai ane marepi eresene momotei a'i se wiyawi lo ta'anenamirowa.

Kolosi 3:7

Sosu tu naifa fene Krais ne tote tawesi ta'ame su, fene ta'u yo seni luwaru a'i apou ape aiwawe a'i iroteye.

1 Timoti 1:18

Sosu a'i pe Timoti ne peri ano wanure. Ne meni eime ano wou a'i ne. Tu naifa meni ta peri wiyeme a'i ne ne au te'eye. Ne peri wiyeme ape wanu umasire. Ne peri ape umasiyei su, ne fara'u tote tawesiyei no se tei kairefiyeyei.

Hibru 3:18

Owane Sitewi peri te'e naneiyei kairefi a'i apou au te'eye, “Lowe omo pani ano ma'e, ane lowe ne au ariariyeye ape, wirowata. Ane omo pani ano ma'e aiyeyei ape au itawiye. Lowe mi mi weriyei awei pani ape sahe onu fetaneyerowata.” Owane Sitewi lai eiwerai ne te'esiya awere? Le lowe ne peri werese lo arisiteye ape mo, sosu le ne me'iyeni ma'e atati arunatiteye ape, au te'eteye.

1 Pita 2:10

Tu naifa fene werese lu tewi yahowa'i ne. Ahowa, pereye nowe eite se fene Owane Sitewi lo lu tewi henerai. Tu naifa Owane Sitewi fene ma'e au seremareye ta'ame. Pereye nowe eite se Owane Sitewi lai fene ma'e au seremareyeye.