Krais lo Peri Heneruwe, Mak leseteye ape ne 9:5 - Saniyo-Hiyewe

⁵ Sosu Pita Jisas ma'e apou eiye, “Atuatu siye meni owane, nomo lai ne mase irosiya. Eite wisere a'i ne. Nomo ipo wesi hesi heta ta'aneyei. Wesi no ta'i au ta'aneyei, Wesi ta'i Moses lo au ta'aneyei, sosu wesi ta'i Elaija lo au ta'aneyei.”

Krais lo Peri Heneruwe, Mak leseteye ape ne 9:5 ပူးပေါင်းရင်းမြစ်များ

Matyu 17:4

Sosu Pita Jisas ma'e itiya'u eiye, “Meni Owane, nomo ne mase saro irosiya. Etiri ape wisere a'i ne. Nomo fara'u wesi ipo oso hesi heta ta'anerowa. Wesi ta'i ne fara'u onu fetaneyerowa. Ta'i a'i Moses lo, sosu ta'i a'i Elaija lo ta'aneyei. Ane marepi no umasiyei.”

Matyu 23:7

Lowe omo amerame a'i uweiteyei su, lowe apou totesiya, ‘Lu taune lai nomo ma'e weriyei weriyei fa au te'e wisereye ani arowete.’ Lu taune lowe ma'e apou te'eyei, ‘Fene atuatu siye meni nomo lo ne.’

Matyu 23:8

Ahowa, lu taune fene ne atuatu siye lu owe ape te'ete. Fene lai atuatu siye meni ta'i a'i irosiya. Atuatu siye meni ape Owane Sitewi Pefine a'i ne. Fene werese kaiyemo mo aiwawe a'i ne.

Krais lo Peri Heneruwe, Mak leseteye ape ne 9:4

Sosu lu hesi Owane Sitewi lo omo ma'e itoraiyewe, Jisas mase teiteye. Lu hesi lo iyape Elaija, sosu Moses. Lowesi Jisas mase te'e tiyateye.

Krais lo Peri Heneruwe, Mak leseteye ape ne 9:6

Pita peri ape te'eye su, le marepi topo lo ape so'oru ta'ama. Lowe werese atoweiye erasi iroteye.

Jisas Krais lo Peri Heneruwe, Luk leseteye ape ne 9:33

Lu disaipel lowe ma'e siyeye su, lu hesi, itorai ape, ni'arawe hire ma'e si tame siye aroweye. Serai Pita Jisas ma'e eiye, “Meni Owane, nomo ne mase sato irosiya. Eite wisere a'i ne. Nomo ipo wesi hesi heta fara'u ta'aneyei. Ipo wesi ta'i ne ne ta'aneyei, ta'i Moses lo ne, ta'i Elaija lo ne ta'aneyei.” Pita peri topo lo so'oru ta'ama.

Jisas Krasi lo Peri Heneruwe, Jon leseteye ape ne 4:31

Menitani omo ma'e arunati su, Jisas lo lu disaipel le ma'e apou ei toweriye, “Atuatu siye meni, Ne etiri ta are.”

Filipai 1:23

Ane piye marepi tote umasirowa awere? Etiri kairefi a'i tene! Ane so'oru ta'ama. Ane awei sahe sato arunatiyei ne totesiya su, sosu mi mi pasi pasi weriyei Krais mase ironamitorowa. Etiri ape wisere pefine a'i tene!

1 Jon 3:2

Kaiyemo mo ano! Nowe pereye a'i nomo Owane Sitewi lo eimane henerai. Sosu nowe ye'ewi su, nomo piye henerairowa awere? Nomo so'oru ta'ama. Ahowa, sosu etiri ta nomo so'oruwesiya. Krais si tame itoraiyei su, nomo le siyerowa. Serai nowe ape se nomo le wou aiwawe a'i heneraiyei. Sosu marepi hepene nomo lo wara'i a'i henerairowa.