Krais lo Peri Heneruwe, Mak leseteye ape ne 7:20 - Saniyo-Hiyewe

²⁰ Jisas lowe ma'e apou te'eye, “Etiri werese ape mo marepi nowe ma'e henerowa. Etiri werese ape mo lai meni ape au luwaru unouwerowa.

Krais lo Peri Heneruwe, Mak leseteye ape ne 7:20 ပူးပေါင်းရင်းမြစ်များ

Matyu 15:18

Etiri ape mo ahi nowe ma'e heneraisiya ape, lowe marepi ma'e heneraisiya. Etiri ape mo lowe lu taune lo marepi hepene au unouwesiya.

Matyu 4:4

Sosu Jisas le ma'e itiya'u eiye, “Owane Sitewi lo peri one towe sahe apou leseye, ‘Lu taune werese nau ta'ase a'i ene ateyei su, lowe marepi hepene se mi mi pasi pasi irorowata. Ahowa, lu taune hepene se mi mi pasi pasi ironamitereme su, lowe Owane Sitewi lo peri werese fa wanu umasite.’” Lo 8:3

Krais lo Peri Heneruwe, Mak leseteye ape ne 7:15

Etiri werese lu taune tamo ene ayei su, ayei ape lire papu wirowa. Ayei werese ape lire ma'e unou a'i au irorowata. Ahowa, etiri werese, marepi papu irosiya ape, ahi nowe ma'e heneraiyei su, etiri ape mo lai meni ape au luwaru unouwerowa.”

Krais lo Peri Heneruwe, Mak leseteye ape ne 7:21

Etiri tomu ne'ese, marepi sahe irosiya ape, sosu ahi nowe ma'e henerowa su, etiri ape mo lai lu taune werese au luwaru unouwerowa. Marepi luwaru a'i toteyei, tafa'e yo seni luwaru a'i toteyei, etiri ta'arei aniyei ne toteyei, meni ta aine tera'eyei marepi toteyei. Naituwei au luwaruweyei.

Krais lo Peri Heneruwe, Mak leseteye ape ne 7:23

Etiri luwaru werese a'i ape, marepi papu irosiya ape lai, ahi nowe ma'e heneraisiya. Etiri werese ape mo lai lu taune werese au luwaruwe unouwesiya.”

Hibru 7:6

Meni Melkisedek le Abraham lo eimane auwe se ta'ama. Meni Abraham yo sahe aiyeteye su, Melkisedek le yo se saro siye naituri. Melkisedek le ma'e au te'e wisere nine'iye. Sosu Abraham etiri werese ani hese futi su, Melkisedek ne tomu ta'i ta auwe. Tu naifa Owane Sitewi lai Abraham ma'e peri te'e naneiyei lo ape mo au te'eye.

Jems 3:6

Sorowe nomo lo yehe wou a'i ne. Yo seni luwaru a'i eito eite ahi nomo lo se au te'esiya. Yo seni luwaru werese a'i ahi sahe tu au te'esiya. Yo seni luwaru a'i ahi sahe heneyei su, lowe etiri tewi oso a'i ne. Nowe me'iye se yo seni luwaru a'i ape erasi a'i heneraiyei. Yo seni luwaru a'i ape tahe pa'are nomo lo au luwaruweyei. Nomo yo seni luwaru a'i ahi sahe heneyei ape, umasiyei su, marepi hepene werese nomo lo au luwaruwe po'uteyei. Yo seni luwaru werese a'i yehe omo ma'e fai.

Jems 4:1

Sosu a'i pe ane peri tere'e fene ma'e au te'esiya. Ane ai peri fene lo wanusiya. Fene piyene ai peri te'e te'e tiyatisiya awere? Ai marepi werese ape lai marepi luwaru a'i, fene iroreme ape, ma'e fai. Marepi luwaru a'i ape lai marepi wisere a'i ai atu tiyatinamisiya.