Krais lo Peri Heneruwe, Mak leseteye ape ne 4:31 - Saniyo-Hiyewe

³¹ Owane Sitewi lo marepi saiyoho so wou a'i ne. Saiyoho so ta'aneyei awei sahe ani teroso fiyariyei su, me so ape oso oso a'i ne. Me so tere'e werese erasi a'i ne.

Krais lo Peri Heneruwe, Mak leseteye ape ne 4:31 ပူးပေါင်းရင်းမြစ်များ

Krais lo Peri Heneruwe, Mak leseteye ape ne 4:30

Sosu a'i pe le apou te'eye, “Owane Sitewi lo marepi, eiwerou ane fene ma'e au te'e atuaturowa awere? Piye peri anowe ta ane au te'e atuaturowa awere? Serai fene Owane Sitewi lo marepi amerame a'i wanu tote areiyerowa.

Krais lo Peri Heneruwe, Mak leseteye ape ne 4:32

Saiyoho so ape awei sahe ani terosowei su, le perati wirairowa. Saiyoho lo meni patiye erasi a'i teirowa. Saiyoho nei erasi a'i irorowa. Serai irowe tamo nei lo sahe onurowa. Aiwawe a'i lowe uri lowe lo saiyoho nei ape sahe ta'anerowa.”

Jisas Krais lo Peri Heneruwe, Luk leseteye ape ne 17:6

Sosu Meni Owane Pefine a'i lowe ma'e itiya'u eiye, “Tote tawesiyei fene lo ne, saiyoho so oso a'i aiwawe a'i irosiya su, fene me saiyoho ape ma'e apou eiyei, ‘Saiyoho ne me napi mase tahe auwere, sosu sa'i erasi ponei sahe teirire.’ Saiyoho peri no wanurowawe, umasirowa.

Aposel 19:20

Lu taune tomu ne'ese Owane Sitewi lo peri au te'e fiyariye. Lu taune tomu ne'ese peri ape wanuwe su, lowe Jisas lo marepi umasiteye.

Aposel 2:41

Serai lu taune peri lo wanu umasiye su, lu taune tomu ne'ese sa'i au ani huwe. Sosu lu taune tomu ne'ese (3,000 aiwawe a'i) Jisas lo peri wanu tote tawesi umasiye. Lowe werese Jisas lo lu feni aiwawe a'i henerai.

Aposel 21:20

Sosu a'i pe lowe Pol lo peri wanuwe su, lowe Owane Sitewi ma'e au te'e wisereyeye. Sosu lowe Pol ma'e apou eiye, “Kaiyemo Pol, ne etiri eite so'oruwesiya. Juda lo lu taune tomu ne'ese a'i Jisas lo peri tote umasiteye. Lu feni werese ape mo aiwawe a'i Moses lo yo peri umasiteye.

Aposel 4:4

Nowe poweiye tamo i tepa'asiye su, lu taune tomu ne'ese Owane Sitewi lo wesi iroteye su, lowe peri lowesi lo wanuwe. Lu taune tomu ne'ese Jisas lo peri tote tawesi umasiteye. Lu tomu ne'ese a'i (5,000 aiwawe a'i) Jisas ne tote tawesiye. Taune tomu ne'ese aiwawe a'i peri lowesi lo wanu tote tawesi umasiteye.

Aposel 5:14

Lu taune tomu ne'ese a'i Jisas lo peri wanuwewe, le ne tote tawesi umasiteye.

Kamapim Tok Hait 11:15

Sosu a'i pe Owane Sitewi lo ipari to'u mene'e mapefuwe lo fateye. Sosu peri erasi tamo ni'arawe ma'e kairefi a'i apou uteye, “Owane Sitewi nomo lo sosu meni ape le hi awei ma'e eimawe arosai ape, lowesi lai yo seni luwaru a'i ape mo hi ani araro sasari pamoweteye. Lowesi meni Owane tutawe heneraiyewe, lu taune omo omo pani werese irosiya ape, au noweinoweinamitorowa.”