Krais lo Peri Heneruwe, Mak leseteye ape ne 12:9 - Saniyo-Hiyewe

⁹ Meni owane ape, le ta'aneyei awei lo wiyawi lu ape ma'e eiwerou irorowa awere? Wanure! Le lai aiyerowawe, wiyawi lu ape mo werese aine tera'erowa. Sosu le wiyawi lu tere'e tamo ta'aneyei awei ape au noweinoweiyei su, ane lu tere'e he'i ape au eterowa.

Krais lo Peri Heneruwe, Mak leseteye ape ne 12:9 ပူးပေါင်းရင်းမြစ်များ

Matyu 12:45

Sosu sepei luwaru a'i ape meni ape arunatiyewe, sepei ape le pinasu lo tamo nehiyei ne fi. Le sepei pinasu luwaru a'i ereti feni werese feni hesi a'i meni ape papu hene wiye. Sosu meni ape lo lirewawe papu weriyei ironamiteye. Sepei luwaru a'i ape mo lowe lai meni ape au ani luwaruweteye. Serai meni ape yo seni luwaru werese werese a'i ironamiteye. Tu meni ape yo seni luwaru oso a'i iroteye.” Sosu aiwawe a'i lu taune pereye nowe eite se, yo seni luwaru erasi a'i marepi hepene lowe lo au luwaruwerowa.

Matyu 21:34

Nowe me'iye su, wain sa'i ta'ane tepa'asiye su, meni owane ape wiyawi yahowa'i ani siye lu tamo awei lo ma'e wain sa'i tewi a'i aniyei ne eimawesawi.

Matyu 21:43

Serai ane fene ma'e au te'esiya, Owane Sitewi lai kairefiyeyei fene lo, Owane Sitewi lo wiyawi au noweinoweiteye ape, ani po'uterowawe, lu tewi tere'e ma'e aurowa. Lu tewi ape mo lai Owane Sitewi lo wiyawi au noweinoweirowawe, Owane Sitewi lo marepi tote umasinamitorowa.”

Matyu 22:7

Awei meni owane tutawe ape peri heneruwe ape wanuwe su, le ai marepi erasi a'i lowe ma'e totenamiteye. Serai le ai atu siye lu tomu ne'ese omo lowe lo ma'e yehe se taiso fuwei ne eimawesawi. Lowe lu taune ape mo wiyawi, yahowa'i ani siye lu lo aine tera'eye ape, lowe werese aine tera'e tepa'asiye.

Krais lo Peri Heneruwe, Mak leseteye ape ne 12:10

Fene Owane Sitewi lo peri one towe sahe siye te'eteye awere? Wanure! ‘Me tou ape wiyawi lu werese lai ani nowe ma'e ani fusawi. Me tou ape tutawe wesi sahe henerairowa.

Krais lo Peri Heneruwe, Mak leseteye ape ne 12:8

Sosu lowe meni eime ape aine tera'eye su, lowe tahe pa'are lo ta'aneyei awei nowe ma'e ani fu arosawi.

Jisas Krais lo Peri Heneruwe, Luk leseteye ape ne 19:27

Serai ane lu tewi tere'e ne au totesiya, lowe ane ne ai marepi erasi a'i totenamiteye. Lowe yo ano, meni owane wiyeme heneraiyei ne einamitereme. Ahowa, ane meni owane tutawe a'i henerai tepa'asiye. Serai fene lu tewi ape mo ane ma'e heneta. Fene lowe werese nihe ano se aine tera'ere!”

Pol One Towe eite Omo Rom maꞌe Lese Ausawi 10:20

Nowe me'iye su, meni Aisaia marepi kairefi a'i se lu tewi tere'e ne apou au te'eye, “Owane Sitewi apou eiye, 'Lu taune ape mo ane siye nehi ta'ame ape, lowe ane siye areiyeye. Lu taune tamo ane te'e ne te'e toweri ta'ame ape, ane lowe ma'e yaru amerame a'i henerai.’” Ais 65:1