Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Krais lo Peri Heneruwe, Mak leseteye ape ne 12:29 - Saniyo-Hiyewe

29 Sosu Jisas le ma'e itiya'u eiye, “Owane Sitewi lo yo peri tutawe apou a'i te'esiya. ‘Israel lo lu taune werese, Peri ano wanu etire! Owane Sitewi Pefine a'i nomo lo ne. Le Owane Sitewi Meni Owane Pefine ta'i a'i tene!’ Lo 6:4-5

အခန်းကိုကြည့်ပါ။ ကော်ပီ




Krais lo Peri Heneruwe, Mak leseteye ape ne 12:29
16 ပူးပေါင်းရင်းမြစ်များ  

Meni ta aite mai lo ne marepi erasi tote wawesiyeyei su, sosu ane ne marepi oso a'i tote wawesiyeyei su, ane le ne marepi erasi a'i tote wawesiyerowata. Aiwawe a'i meni ta eimane lo ne marepi erasi a'i tote wawesiyenamiyei su, sosu le ane ne marepi oso a'i tote wawesiyeyei su, ane lai meni ape marepi erasi a'i tote wawesiyerowata.


Lu tere'e fene ma'e owe ape te'ete. ‘Ne tai ano ne.’ Fene tai pefine a'i irosiya. Owane Sitewi Pefine a'i, omo hire ma'e ironamitorowa ape, le a'i lai tai pefine a'i fene lo ne.


Meni ape Jisas ma'e itiya'u eiye, “Ne Meni Owane Pefine a'i marepi erasi a'i tote wawesiyenamite. Ne marepi hepene werese no se, hepene werese no se, kairefi werese no se, sosu marepi werese no se, ne etiri werese ape se, ne Meni Owane Pefine a'i ne, marepi erasi a'i tote wawesiyenamite. Ne lu taune werese ne aiwawe a'i marepi erasi a'i tote wawesiyenamite. Ne tahe pa'are topo no ape ne marepi erasi a'i tote wawesiyeyei su, sosu aiwawe a'i ne lu taune tere'e werese ne marepi erasi a'i tote wawesiyenamite.” Lo 6:5; Wkp 19:18


Owane Sitewi ta'i a'i ironamisiya su, lu taune werese werese marepi he'i a'i lo fu wanu tote tawesi umasiyei. Le Juda lu taune werese tote tawesiyei su yo seni aseyaro wara'i a'i au irorowa. Aiwawe a'i le lu tewi tere'e aiheiye a'i tote tawesiyei se yo seni aseyaro wara'i a'i au irorowa.


Serai fe lo'u tewi ene ayei ne, lowe god wawero ma'e au heseye ape, ane fene ma'e au te'esiya. Fene fe lo'u tewi ene ayei su, fene yo seni luwaru a'i iro ta'ame. Nomo etiri ape so'oruwe tene! Omo omo werese sahe god wawero werese a'i yahowa'i a'i ne. Owane Sitewi wiyeme ta'i a'i ne! God wawero tere'e tere'e tamo se ta'ama.


Owane Sitewi Juda lo lu taune ma'e yo peri lo auwe su, etiri hesi heta iroteye. Owane Sitewi yo peri ape auwe. Juda lo lu taune yo peri ape fu tote umasite. Sosu Meni ta ponei sahe teiteye. Ahowa, Owane Sitewi peri te'e naneiyei lo au te'eye su, le ta'i a'i etiri ape irowe. Serai meni ta ponei sahe teiteye ape iro ta'ame. Piyene awere? Lu taune le peri te'e naneiyei au te'eye ape, lowe etiri ta ironamirowata.


Peri kairefi a'i ano ape lo sitewi apou a'i te'esiya, Lu taune marepi erasi a'i tote wawesiyenamiyei su, lowe marepi wara'i a'i ironamite. Lowe yo seni aseyaro ironamite. Sosu lowe Owane Sitewi ne tote tawesi umasinamite.


Meni ta, menitani ta Owane Sitewi ma'e aiyeyei ne totesiya su, le meni ta'i a'i se Owane Sitewi ma'e aiyerowa. Meni ape iyape Krais Jisas.


Fene Owane Sitewi ta'i a'i tote tawesiyei awere? Ei, wisere a'i ne. Sepei luwaru werese a'i Owane Sitewi ta'i a'i ape tote tawesisiya. Lowe werese tahe erasi a'i auseriyesiya. Lowe atoweiye erasi ironamisiya. Serai fene Owane Sitewi ne erasi a'i atoweiyete. Sosu peri werese lo wanu umasinamite.


Meni Owane Jisas Krais lo iyape se nomo Owane Sitewi pefine a'i lo iyape ei ani arowete. Le Owane Sitewi Pefine ta'i a'i ne. Le yo seni luwaru a'i nomo lo au sasarisawi tepa'asiyewe, marepi hepene he'i a'i nomo ma'e auwe. Nomo mitaiyeyei pefine a'i le ma'e ei ani arowete. Le kairefi pefine a'i ironamisiya. Le Meni Owane tutawe pefine a'i ne. Le tu naifa weriyei weriyei aiwawe a'i ironamiteye. Sosu aiwawe a'i le nowe mi mi pasi pasi weriyei ironamitorowa. Wiyeme a'i tene!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ