Krais lo Peri Heneruwe, Mak leseteye ape ne 10:46 - Saniyo-Hiyewe

⁴⁶ Sosu a'i pe Jisas lu disaipel lo mase omo Jeriko ma'e henerai. Lowe lu taune tomu ne'ese mase omo Jeriko nowe ma'e arunatiyewe fi su, meni ta nihe pokowe niso'uwe tawesiteye ape, yo mai tewiye sahe onuteye. Meni ape iyape Bartimeus. Aite lo iyape Timeus. Le yo tewiye sahe lu taune lo ma'aru yahowa'i ei aniyei ne onuteye.

Krais lo Peri Heneruwe, Mak leseteye ape ne 10:46 ပူးပေါင်းရင်းမြစ်များ

Matyu 13:4

Le kewi so ta'aneyei awei sahe sameye fiyariye su, kewi so tamo yo mai yo'u tewiye sahe wiyeineye. Irowe tamo me'iye faiyewe, kewi so ape so aye.

Jisas Krais lo Peri Heneruwe, Luk leseteye ape ne 16:20

Meni yahowa'i a'i ta enite tomu ne'ese tahe werese lo ya'orenamiteye. Lu tamo meni ape, iyape Lasarus, meni owane ape lo yo sahe hene onuteye.

Jisas Krais lo Peri Heneruwe, Luk leseteye ape ne 16:22

Nowe me'iye su, meni Lasarus temeniyeye. Owane Sitewi lo ipari wisere a'i tamo meni ape lo hepene hire ma'e, meni Abraham mase ironamiteye ape, hene wiye. Aiwawe a'i meni owane temeniyeye. Lu tamo tahe pa'are lo awei fisiye yo sahe fuwe. Owane Sitewi lai hepene lo yehe omo ma'e eimawe arosawi.

Jisas Krais lo Peri Heneruwe, Luk leseteye ape ne 18:35

Sosu a'i pe lowe omo Jerusalem ma'e yaneyei ne toteye. Sosu lowe omo Jeriko atahe ma'e henerai su, meni ta nihe pokoweyei se yo mai tewiye sahe onuteye. Le lu taune werese ma'e ma'aru ei aniteye.

Jisas Krais lo Peri Heneruwe, Luk leseteye ape ne 19:1

Sosu a'i pe Jisas lu disaipel lo mase omo Jeriko ma'e wiye. Lowe omo ape sahe uweiteye su, lu taune tomu ne'ese Jisas mo'o umasiteye.

Jisas Krasi lo Peri Heneruwe, Jon leseteye ape ne 9:8

Lu taune tamo meni ape lo omo irosiya ape, lowe le siyeye apou eiye, “Nomo meni ta, nihe pokoweyei tawesiye ape, iroteye. Le yo sahe ma'aru onu ei towerinamiteye. Meni ape lai awere?”