Krais lo Peri Heneruwe, Mak leseteye ape ne 10:41 - Saniyo-Hiyewe

⁴¹ Lu feni tere'e werese lo peri lowesi lo wanuwe su, lowe Jems, Jon ne ai peri erasi toteye.

Krais lo Peri Heneruwe, Mak leseteye ape ne 10:41 ပူးပေါင်းရင်းမြစ်များ

Matyu 20:24

Sosu lu feni tere'e ereti feni hesi peri ape wanuwe su, lowe lu nairi ma'e ai marepi erasi a'i toteteye.

Krais lo Peri Heneruwe, Mak leseteye ape ne 10:42

Sosu Jisas lu feni werese lo le ma'e ei aniyewe, lowe ma'e eiye, “Awei lo lu owane werese, lowe lu taune lowe lo ma'e kairefi se au noweinowei te ta'ame. Lu taune werese ape mo lowe lai lu owane lowe lo se ai peri ape wanuwe su, lowe marepi hepene tahe lowe lo orese erasi a'i teriteteye.

Jisas Krais lo Peri Heneruwe, Luk leseteye ape ne 22:24

Lowe a'i lai te'e tepa'asiye su, lowe ai peri ta au te'eye. Lowe apou te'e toweriye, “Nomo lo meni tutawe eiwerai henerairowa awere?”

Jisas Krais lo Peri Heneruwe, Luk leseteye ape ne 22:25

Sosu Jisas peri lowe lo wanuwe su, le lowe ma'e itiya'u te'eye, “Lu tewi tere'e lowe meni owane tutawe irosiya. Meni owane tutawe, le lu taune topo lo ma'e wiyawi erasi au none ereisiya. Lu taune topo lo lowe ma'e apou eisiya, ‘Meni Owane lowe kaiyemo mo nomo lo ne.’”

Pol One Towe eite Omo Rom maꞌe Lese Ausawi 12:10

Fene lai Owane Sitewi lo lu taune werese ma'e marepi erasi a'i nati wafei wou totenamite. Fene nati wafei fene lo, lo iyape erasi wisere a'i ei ani arowete. Aiwawe a'i fene iyape fene lo hi ani ararote.

Filipai 2:3

Fene yo seni apou ape umasiyei su, marepi towafi fene lo a'i owe ape umasite. Fene ai atu kuseriyei a'i owe ape umasite. Ahowa, fene marepi towafi fene lo hi tote ani ararote. Sosu fene lu taune tere'e ma'e iyape erasi a'i te'e ani arowete. Ei, fene iyape towafi fene lo hi tote ani ararote.

Jems 4:5

Peri eite wiyeme a'i tene! Fene Owane Sitewi lo peri one towe lo sahe wanure! “Owane Sitewi lo Hepene Wara'i a'i, Owane Sitewi lai nomo ma'e auwe ape, le marepi nomo lo papu ironamisiya. Le a'i lai marepi nomo lo au noweinoweinamisiya. Le marepi tere'e tere'e ma'e ai atunamisiya.” Le apou te'esiya, “Ane marepi hepene fene lo papu ironamisiya su, fene marepi tere'e tere'e owe ape umasite.” Serai fene apou owe ape totere, “Owane Sitewi lo peri sitewi se ta'ama.”