Krais lo Peri Heneruwe, Mak leseteye ape ne 10:19 - Saniyo-Hiyewe

¹⁹ Ne Owane Sitewi lo yo peri so'oruwesiya tene! ‘Ne meni ta owe ape aine tera'ete. Ne tafa'e yo seni luwaru a'i owe ape irote. Ne etiri ta owe ape ta'areite. Ne peri wawero owe ape te'ete! Ne lu taune ma'e owe ape arearete. Ne aite mai no peri lowesi lo ape a'i wanu umasite.’” Kis 20:12-17; Lo 5:16-20

Krais lo Peri Heneruwe, Mak leseteye ape ne 10:19 ပူးပေါင်းရင်းမြစ်များ

Krais lo Peri Heneruwe, Mak leseteye ape ne 10:18

Sosu Jisas le ma'e itiya'u eiye, “Ne piyene ane meni wisere a'i te'eye awere? Owane Sitewi ta'i a'i wisere a'i tene!

Jisas Krais lo Peri Heneruwe, Luk leseteye ape ne 18:20

Ne Moses lo yo peri so'oruwesiya awere? ‘Ne taune tafa'e yo seni luwaru a'i owe ape irore! Ne meni ta owe ape aine tera'ere! Ne etiri tamo owe ape ta'arei anire! Ne lu tere'e tamo ne peri wawero owe ape au te'ere. Ne tai mai no marepi erasi a'i totenamite!’” Kis 20:12-16; Lo 5:17-20

Pol One Towe eite Omo Rom maꞌe Lese Ausawi 13:9

Owane Sitewi lo yo peri apou te'eye, “Fene tafa'e yo seni owe ape irote. Fene meni ta owe ape aine tera'ere. Fene lu tere'e lo etiri tamo ta'arei owe ape anite. Fene lu taune lo etiri werese owe ape siye wisereyete.” Kis 20:13-15,17 Owane Sitewi lo peri werese ape mo lai peri sitewi ta'i a'i irosiya. “Fene lai lu taune tere'e tiyati ma'e marepi wisere erasi a'i au tote wawesiyenamite. Fene lu taune tere'e tiyati ma'e tahe pa'are towafi fene lo noweinoweisiya apou ape a'i lowe ma'e au tote wawesiyenamite.” Wkp 19:18

Pol One Towe eite Omo Rom maꞌe Lese Ausawi 3:20

Fene Owane Sitewi lo yo peri werese wanu umasiyei ne toteyei su, fene Owane Sitewi lo nihe sahe aseyaro a'i irotorowata. Ahowa, Owane Sitewi lai yo peri lo nomo ma'e yo seni luwaru a'i au atuatu areiyesiya.

Galesia 4:21

Fene ane ma'e peri si itiya'u au te'ere! Fene Moses lo yo peri unahi irowei ne totesiya ape, fene Moses lo yo peri pefine wanu eti umasisiya awere?

Galesia 5:14

Moses lo yo peri lo sitewi apou a'i te'esiya. Peri sitewi ape tutawe pefine a'i ne. Fene lu tewi towafi fene lo marepi erasi a'i tote wawesiyeteyei su, fene lu taune tere'e ma'e aiwawe a'i fa tote wawesiyenamite.

1 Tesalonaika 4:6

Fene werese lu tamo ma'e etiri luwaru a'i owe ape irote. Ahowa, fene kaiyemo mo werese ma'e owe ape arearete. Fene meni tere'e ta lo tani ma'e tafa'e yo seni luwaru a'i owe ape irote. Fene etiri luwaru a'i apou ape irowei su, Owane Sitewi lai fene ma'e etiri orese a'i itiya'u aurowa.

Jems 2:11

Owane Sitewi lai yo peri lo sahe apou eiye, “Fene tafa'e yo seni luwaru a'i owe ape irote.” Kis 20:14; Lo 5:18 Le aiwawe a'i yo peri lo sahe apou eiye, “Fene meni tere'e ta owe ape aine tera'ere.” Kis 20:13; Lo 5:17 Serai ne tafa'e yo seni luwaru a'i iro ta'ame su, ahowa, ne meni ta aine tera'eyei su, ne Owane Sitewi lo yo peri werese arisi tepa'asiyei.