Krais lo Peri Heneruwe, Mak leseteye ape ne 1:3 - Saniyo-Hiyewe

³ Meni ape pani ariye a'i sahe peri au te'e areiye fiyarisiya. Le apou eiye, “Fene meni ape lo yo, aiyeyei ape, au ta'uwe naneite.” Meni ape lai lu taune werese ma'e peri erasi au te'e fiyarirowa. “Lu taune werese wanute! Fene etiri luwaru werese a'i fu arunatire. Owane Sitewi lo meni eime pefine a'i aiyerowa.” Ais 40:3

Krais lo Peri Heneruwe, Mak leseteye ape ne 1:3 ပူးပေါင်းရင်းမြစ်များ

Matyu 3:1

Sosu a'i pe meni ta iyape Jon sa'i au hu siye meni Juda lo pani tewi ariye a'i sahe Owane Sitewi lo peri au te'e fiyarirai. Le apou au te'eye.

Matyu 3:3

Owane Sitewi lo peri au te'e siye meni iyape, Aisaia, meni ape ne, apou leseye, “Meni ta pani tewi ariye a'i sahe peri erasi a'i uterowa, fene Meni Owane Pefine a'i lo yo wisere a'i au ta'anere. Yo lo ape au ta'ane fareraiyere.” Ais 40:3

Jisas Krais lo Peri Heneruwe, Luk leseteye ape ne 3:2

Nowe ape se au heseyei lu owane hesi a'i iyape Anas, sosu Kaiafas, lowesi Owane Sitewi lo wesi tutawe au noweinoweiteye. Sosu a'i pe Owane Sitewi lai meni Jon ma'e peri ta au te'eye. Jon Sekaraia lo meni eime pani ariye a'i saro howeiteye.

Jisas Krasi lo Peri Heneruwe, Jon leseteye ape ne 1:15

Meni ape Jon, le ne au te'e fiyariye. Le peri erasi apou hare uteye, “Meni ape ne ane lai, le ne tu au te'eye ape, apou eiye, ‘Meni ape ane mo'o aiyerowa. Wiyawi ano ani tepa'asiyei su, le wiyawi lo heneraiyei. Le a'i lai ane hi ani ararosiya. Piyene awere? Le tu mi mi pasi pasi weriyei ironamiteye.’”