Matyu 6:21 - Saniyo-Hiyewe

²¹ Fene awei sahe etiri tomu ne'ese ta'uwe ani fuwei su, marepi fene lo aiwawe a'i awei lo etiri ape a'i toteyei. Fene etiri fene lo Owane Sitewi lo omo hire ma'e ta'uwe ani fuwei su, marepi fene lo Owane Sitewi ne totenamirowa.”

Matyu 6:21 ပူးပေါင်းရင်းမြစ်များ

Matyu 12:34

Fene werese haru aimesi wou aiwawe a'i ne. Yo seni werese fene lo luwaru a'i tene. Fene piyene peri wara'i a'i au te'esiya awere? Peri werese fene lo wawero a'i tene! Fene peri ta au te'eyei su, peri ape marepi papu ma'e henerai.

Matyu 6:22

“Nihe fene lo yehe erei wou a'i ne. Nihe fene lo amerame a'i siyeyei su, tahe pa'are werese fene lo mitaiyeyei a'i ironamirowa.

Jisas Krais lo Peri Heneruwe, Luk leseteye ape ne 12:34

Fene awei lo etiri ne marepi erasi a'i totenamiyei su, fene awei lo marepi tote umasinamiyei. Aiwawe a'i fene etiri werese, Owane Sitewi ma'e fai ape, marepi erasi a'i totenamirowa su, fene Owane Sitewi lo marepi tote umasinamirowa.”

Aposel 8:21

Ne Owane Sitewi lo wiyawi tewi a'i nomo mase ta'anerowata. Marepi hepene no, Owane Sitewi lai siyeye ape, unou pefine a'i ne.

2 Korin 4:18

Serai etiri werese awei sahe nomo siyesiya ape, nomo owe ape siye etinamite. Ahowa, nomo etiri werese hire ma'e nomo siye ta'ame ape, nomo etiri ape mo siye etinamite. Etiri werese ape mo, awei sahe irosiya ape, witane a'i uwasenamiyei. Sosu etiri werese hire ma'e nomo siye ta'ame ape, etiri ape mo mi mi pasi werese ironamitorowa.

Filemon 1:19

Ane Pol one towe eite ereti ano a'i ne ma'e lese ausawisiya. Ane etiri werese meni ape ta'areiye ape, ne ma'e itiya'u auwei. Ane ne ma'e peri ape au te'ereme ta'ama. Tu naifa ane Jisas lo peri ne ma'e au te'eye. Ne peri ano wanuwe su, ne Jisas lo marepi tote tawesi umasinamiteye. Serai, apou wou a'i ane marepi hepene he'i a'i auwe. Serai ne etiri ta ane ma'e neri a'i itiya'u pei aure.

Filemon 1:3

Fene werese lu taune yahowa'i a'i ne. Owane Sitewi lai marepi wisere a'i lo fene ma'e aunamiyei. Sosu Owane Sitewi, Tai nomo lo, sosu aiwawe Meni Owane Jisas Krais, lowesi marepi fetane a'i fene ma'e auwei.

Hibru 3:12

Sosu a'i pe kaiyemo mo ano, fene Krais ne tote tawesisiya ape, fene tamo yo seni luwaru a'i ironamiyei su, fene weiyai! Meni ta, fene mase irosiya ape, yo seni luwaru a'i irowei su, sosu le Owane Sitewi ne tote tawesi ta'ame su, le lai Owane Sitewi, norohuwe ironamitesiya ape, me'iyeni ma'e atati arunatirowa. Marepi apou ape ne, fene weiyai!