Matyu 5:33 - Saniyo-Hiyewe

³³ “Sosu a'i pe ane peri tere'e fene ma'e au te'e areiyesiya. Ya'ariyei fene lo apou au te'eye, ‘Fene peri yahowa'i a'i owe ape te'e nanei arearete! Fene peri wiyeme te'e naneiyei su, fene peri wiyeme a'i ape Meni Owane Pefine a'i lo nihe se fa umasire!’ Wkp 19:12; Nam 30:2

Matyu 5:33 ပူးပေါင်းရင်းမြစ်များ

Matyu 5:21

“Peri ape ya'ariyei fene lo ma'e, te'eteye ape, wanu tepa'asiye. Lowe apou te'eye, ‘Fene meni ta owe ape aine tera'ere.’ Kis 20:13; Lo 5:17 Meni ta meni tere'e aine tera'eyei su, awei lo meni owane lai meni ape etirowa.

Matyu 5:27

“Sosu a'i pe Owane Sitewi lo yo peri Moses leseye ape, apou te'eye, ‘Fene tafa'e yo seni owe ape irote.’ Kis 20:14; Lo 5:18 Fene peri ape mi mi weriyei wanu tepa'asiye.

1 Timoti 1:10

Sosu lu tamo lai taune tafa'e yo seni luwaru a'i irowe su, Owane Sitewi yo peri lowe ma'e au te'e atuatuwei. Meni ta meni tere'e se tafa'e yo seni irowe su, yo seni lowe lo luwaru a'i ne. Sosu lu tamo lai lu tere'e ma'e au te'e arearesiya ape, sosu lu tamo Owane Sitewi lo peri ma'e au te'e luwaruwsiya ape, serai Owane Sitewi lai yo peri lowe ma'e au te'e atuatusiya. Sosu peri wawero au te'esiya ape, Owane Sitewi lo yo peri lowe ma'e au te'e atuatusiya.