Matyu 27:46 - Saniyo-Hiyewe

⁴⁶ Sosu nowe neriwei (3 klok) Jisas peri kairefi erasi a'i apou uteye, Eloi, Eloi lama sabaktani! Peri ape Hibru lo peri apou te'eye, “Owane Sitewi ano, Owane Sitewi ano, piyene ne ane ne me'iyeni ma'e atati aruwe awere?” Sng 22:1

Matyu 27:46 ပူးပေါင်းရင်းမြစ်များ

Matyu 27:47

Sosu lu tamo me tape'i atahe sahe teiteye ape peri lo ape wanuwe su, lowe apou te'eye, “Meni Elaija ute anisiya awere?”

Krais lo Peri Heneruwe, Mak leseteye ape ne 15:34

Sosu poweiye wati su, Jisas peri erasi a'i hare uteye, Eloi, Eloi, lama sabaktani? Peri ape lo sitewi apou wou a'i ne, “Owane Sitewi ano, Owane Sitewi ano, piyene ne ane ne me'iyeni ma'e atati arunati awere?” Sng 22:1

Jisas Krais lo Peri Heneruwe, Luk leseteye ape ne 23:46

Sosu Jisas peri erasi uteye, “Tai ano! Ane hepene ano ereti no ma'e auwei.” Sosu Jisas peri ape te'e tepa'asiye su, le temeniyeye.

Hibru 5:7

Tu naifa Jisas hi awei sato iroteye su, le Owane Sitewi ma'e te'e tiyatiteye. Sosu le etiri tamo ne le ma'e ei toweriteye. Le Owane Sitewi ma'e peri erasi a'i se, sosu marepi orese a'i nihe sa'i se itowe ape, au te'e tiyatiteye. Le Owane Sitewi ma'e apou te'eye, “Tai ano, ane temeniyeyei wou ta'ama. Ne ane ne au ferafereire.” Marepi lo momotei eresene a'i, sosu le mi mi weriyei Owane Sitewi lo marepi tote umasinamiteye su, Owane Sitewi lai peri lo wanuwe.