Matyu 26:56 - Saniyo-Hiyewe

⁵⁶ Tu naifa weriyei Owane Sitewi lo peri au te'e siye lu fene ne leseye. Serai yo seni fene lo fene irowe ape, wiyeme henerai tepa'asiye.” Sosu Jisas peri te'e tepa'asiye su, lu feni werese lo Jisas arunatiyewe, atoweiye iteroti.

Matyu 26:56 ပူးပေါင်းရင်းမြစ်များ

Matyu 21:42

Jisas lowe ma'e ei toweriye, “Fene Owane Sitewi lo one towe sahe peri ape siye te'e ta'ame awere? Owane Sitewi lo peri apou te'esiya, ‘Me tou pefine a'i ne wesi ta'aneyei siye lu lai ani fu arosawi ape, me tou pefine ape lai wesi me tou tutawe henerairowa. Owane Sitewi lai me tou ape aniyewe, wesi lo ape me tou tutawe iro henerai. Lu taune ape mo me tou ape siyeye su, lowe apou toteye, Siyere! Meni owane pefine a'i lai, me tou ape wesi ta'aneyei siye lu ani fu arosawi po'uteye ape, le me tou wesi me tou tutawe iro henerai. Meni Owane Pefine a'i wiyawi ape ta'aneye, sosu nomo marepi wisere erasi a'i totenamisiya.’ Sng 118:22-23

Matyu 26:24

Owane Sitewi lo peri ane ne apou te'esiya, ‘Meni ape hire ma'e itorai ape, le temeniyerowa. Ahowa! Meni ape lai le lu owane ma'e henetirowa ape, meni ape weiyai! Meni ape lo mai le autei ta'ame su, etiri wisere a'i tene. Piyene etiri ape wisere a'i awere? Mai lo auteiye su, marepi lirewawe luwaru a'i papu le ma'e henerairowa.

Matyu 26:31

Sosu a'i pe Jisas lowe ma'e eiye, “Wanure! Nowe pasi eite se lu owane lai ane ereti aniteye su, fene werese ane ne me'iyeni ma'e atati arunatirowa. Owane Sitewi lo peri tu naifa weriyei apou te'eye, ‘Ane fe sipsip au noweinowei siye meni ape aine tera'erowa. Serai fe sipsip werese lo atoweiye itero fiyari howeirowa.’ Sek 13:7

Matyu 26:54

Wanure! Ane Owane Sitewi lo ipari wisere a'i (ensel) ape ane fa ferafereiyei ne ute aniyei su, Owane Sitewi lo peri, tu naifa leseye ape, pefine henerairowata.”

Jisas Krasi lo Peri Heneruwe, Jon leseteye ape ne 16:32

Wanure! Nowe ta ataheyewa. Ahowa, nowe ape henerai tepa'asiye. Fene werese wesi fene lo ma'e fiyaritiyei. Fene ane ma'e arunatiyei. Ane woto a'i irowei. Ahowa, ane woto a'i iro ta'ame. Owane Sitewi Tai Pefine a'i ano ane mase ironamiyei.

Aposel 1:16

Sosu Pita apou te'eye, “Lu feni ano fene Jisas lo peri wanu tote tawesisiya ape, wanure. Tu naifa, Owane Sitewi lo Hepene Wara'i a'i meni Devit ma'e peri wiyeme te'eteye. Sosu Devit meni Judas ne leseye, ‘Kaiyemo ano ai atu siye lu tamo Jisas ma'e heneti.’

Aposel 2:23

Owane Sitewi lai marepi lo se meni ape fene ma'e eimawe arosai. Tu naifa Owane Sitewi lai etiri werese siye so'oruweteye. Lu luwaru a'i tamo Jisas ma'e au luwaruweye su, Owane Sitewi lai siye so'oruweteye! Sosu lowe Jisas me tape'i sahe aine tawere tera'eye su, Owane Sitewi lai siye so'oruweye! Tu naifa weriyei le lai etiri werese ape mo siye so'oruweye.

2 Timoti 4:16

Sosu a'i pe lu tamo tu ane ma'e etiye su, lu taune werese ane au pati feraferei ta'ame. Lu taune werese ane arunati iteroti. Ane lowe ma'e marepi luwaru a'i tote ta'ame. Sosu Owane Sitewi aiwawe lowe ma'e marepi luwaru a'i tote ta'ame.