Matyu 26:35 - Saniyo-Hiyewe

³⁵ Pita le ma'e itiya'u eiye, “Ahowa! Ane ne ne au temeniyerowa. Ane mi mi weriyei ne ne me'iyeni ma'e atati arunatirowata.” Lu disaipel lo ape werese peri aiwawe a'i le ma'e au te'eye.

Matyu 26:35 ပူးပေါင်းရင်းမြစ်များ

Matyu 10:33

Meni ta ane ne amerame a'i sahe apou te'erowa su, ‘Ane Jisas so'oru ta'ama.’ Ane le ne aiwawe a'i tai ano ma'e omo hire ma'e ironamisiya ape, apou te'erowa, ‘Ane meni ape so'oru ta'ama.’”

Jisas Krasi lo Peri Heneruwe, Jon leseteye ape ne 13:37

Sosu Pita le ma'e ei toweriye, “Owane, pereye a'i ne omo ma'e iyei su, piyene ane ne umasirowata awere? Ane ne ne au temeniyeyei.”

Pol One Towe eite Omo Rom maꞌe Lese Ausawi 11:20

Ei. Peri ape wiyeme pefine a'i ne. Juda lo lu tewi ape, lowe Owane Sitewi ne tote tawesi ta'ame. Lowe Owane Sitewi me'iyeni ma'e atati aruwe. Serai Owane Sitewi lai lowe aine tou sasarinamiye. Ahowa, fene le ne tote tawesinamisiya. Fene marepi luwaru a'i lowe owe ape totete. Serai fene atoweiye erasi Owane Sitewi ne a'i ma'e atoweiyete.

1 Korin 10:12

Serai meni ta apou totesiya su, “Ane kairefi a'i teinamiteye. Ane yo seni luwaru a'i iro ta'ame.” Weiyai! Le marepi apou wou a'i totesiya su, le yo seni lo winetaiyei. Le yo seni luwaru a'i ironamiyei.

Filipai 2:12

Sosu a'i pe kaiyemo mo ano, fene weriyei weriyei peri ano wanu umasinamiteye. Ane fene mase iroteye su, fene Owane Sitewi lo peri wanu tote umasinamiteye. Ahowa, pereye nowe eite se ane pani eyeri ma'e kalabus wesi sahe irosiya. Ane fene mase sato ariye su, fene Owane Sitewi lo peri werese fa wanu tote umasinamiyei ne tote etite. Owane Sitewi lai fene si hene ani tepa'asiye. Serai fene Owane Sitewi lo marepi werese siye so'oruweyei ne tote etinamite. Marepi hepene he'i a'i Owane Sitewi lai fene ma'e au te'e naneiye ape, fene mi mi weriyei tei kairefinamite. Fene marepi hepene fene lo ironamiyei su, fene Owane Sitewi ne atoweiye su'arinamite. Le kairefi erasi a'i ne.

1 Pita 1:17

Fene Owane Sitewi pefine ne apou au te'esiya, “Ne Tai Pefine nomo lo ne.” Owane Sitewi lai lu taune ta'i ta'i a'i lo yo seni werese aiwawe a'i siye eti ereiyei. Serai fene awei sato irosiya su, fene yo seni fene lo ne marepi erasi a'i tote etire. Fene Tai fene lo ne atoweiye a'i ironamite.