Matyu 24:31 - Saniyo-Hiyewe

³¹ Ane si tame itorairowa su, ane Owane Sitewi lo ipari wisere a'i (ensel) omo omo werese ma'e eimawesawirowa. Lowe metaiyei erasi a'i ainerowa. Lowe lu taune eimane werese werese peri ano umasinamirowa ape, hene ta'uwe anirowa. Lu feni ano omo werese sahe poweiye wirai siye ma'e, omo werese sahe poweiye itori siye ma'e, lu feni ano omo werese eyate feni ma'e irorowa ape, lu feni ano omo werese opi feni ma'e irorowa ape, Owane Sitewi lo ipari wisere a'i (ensel) lowe werese hene ta'uwe anirowa.”

Matyu 24:31 ပူးပေါင်းရင်းမြစ်များ

Matyu 13:41

Nowe ye'ewi se ane, meni hire ma'e itorai ape, ane Owane Sitewi lo ipari wisere a'i omo omo werese ma'e lu taune werese yo seni luwaru a'i ironamiteye ape, ane lowe lu tewi ape mo ta'uweyei ne eimawesairowa. Le etiri werese lu taune yo seni luwaru a'i irowei ne ani ta'uwe sasarisawirowa.

Matyu 24:22

Nowe ape se Owane Sitewi lai fofowei luwaru a'i erasi a'i einami ta'ame su, lu taune eimane werese temeniyerowa. Serai Owane Sitewi lu taune lo ariariyeye ape ne, le lai fofowei erasi ape einamirowa.

Matyu 24:24

Lu tomu ne'ese fene ma'e henerairowa. Lowe peri wawero a'i apou au te'e fiyarirowa, ‘Ane meni ape, Krais, Owane Sitewi hi awei ma'e eimawe arosai.’ Peri wawero a'i au te'e siye lu tomu ne'ese henerairowa. Lowe wiyawi erasi pefine a'i lu taune ma'e au atuaturowa. Lowe yaru erasi pefine a'i lu taune ma'e au atuaturowa. Lowe lu taune tomu ne'ese au te'e arearerowa. Lu feni ano Owane Sitewi tu naifa ariariyeye ape, lowe lai marepi lowe lo tore tatai anirowawe, lowe lu feni ano areareyei ne toterowa. Fene wiyawi lowe lo siyerowa su, fene peri lowe lo owe ape umasire.

Matyu 24:32

Sosu a'i pe Jisas lu feni lo ma'e apou eiye, “Fene me owarape lo peri anowe wanure. Fene peri anowe lo sitewi wanu so'oruwere. Me owarape lo me nei he'i a'i siyeyei su, towe lo ataheyewa. Fene towe he'i a'i siyeyei su, fene apou totesiya. Nowe ape se me ape so atahe a'i ta'eyei.

Matyu 25:31

“Ahowa, ane, meni hi awei ma'e itorai ape, mitaiyeyei erasi se si tame itorairowa. Ane Owane Sitewi lo ipari wisere a'i (ensel) mase aiwawe itorairowa. Ane a'i lai meni owane tutawe lo me to'u onunamitorowa.

Matyu 28:18

Sosu Jisas lowe ma'e henerai su, le lowe ma'e apou eiye, “Owane Sitewi lai ane ma'e kairefi erasi a'i auwe. Kairefiyeyei werese hire ma'e irosiya ape, le ane ma'e au tepa'asiye. Aiwawe a'i kairefiyeyei werese hi awei sahe irosiya ape, le ane ma'e au tepa'asiye.

Krais lo Peri Heneruwe, Mak leseteye ape ne 13:27

Le itorairowa su, le Owane Sitewi lo ipari wisere a'i (ensel) omo omo werese eimawe fiyarisawirowa. Lowe lu taune werese, Owane Sitewi lo yo peri wanu umasisiya ape, hene ta'uwe anirowa. Lu taune werese omo omo eyeri ma'e hene ta'uwe anirowa. Lowe lu taune, ni'arawe sahe irosiya ape, eyeri ma'e aiwawe a'i hene ta'uwe anirowa.”

Jisas Krais lo Peri Heneruwe, Luk leseteye ape ne 24:47

Jisas si tame norohuwe sineteye su, serai nomo Jisas lo iyape se lu taune werese ma'e fa au te'e fiyarirowa. Nomo tu omo Jerusalem sahe fa au te'e fiyarirowa. Mo'o omo omo pani werese sahe Jisas lo peri fa au te'e fiyarirowa. Lowe werese yo seni luwaru a'i me'iyeni ma'e atati arurowa. Serai Jisas lai yo seni luwaru werese a'i lowe lo ani pamowerowa.’

Jisas Krasi lo Peri Heneruwe, Jon leseteye ape ne 11:52

Sosu Jisas temeniyeyei su, le Juda lo lu taune werese ne au temeniyeyei. Sosu aiwawe a'i le lu taune werese ne omo tere'e tere'e ma'e au temeniyeyei. Sosu le Owane Sitewi lo eime werese a'i le ma'e ani ta'uwerai.

Pol One Towe eite Omo Rom maꞌe Lese Ausawi 10:18

Ahowa, ane fene ma'e ei towerisiya. Israel lo lu taune werese lowe Owane Sitewi lo peri heneruwe wisere a'i wanu aniteye awere? Ei. Lowe werese Owane Sitewi lo peri wanu tepa'asiye. Owane Sitewi lo one towe sahe apou te'esiya. “Owane Sitewi lo peri heneruwe wisere a'i lu taune werese ma'e au te'e areiye fiyariteye. Lowe Owane Sitewi lo peri werese omo omo werese ma'e au te'e areiye fiyariteye.” Sng 19:4

1 Korin 15:52

Sosu nowe ye'ewi se Owane Sitewi lo ipari wisere a'i mene'e mapefuwe erasi faterowa. Mene'e mapefuwe faterowa su, Owane Sitewi lai tahe pa'are nomo lo witane mera'o aiwawe a'i tahe pa'are he'i a'i aurowa. Lowe mene'e mapefuwe lo no'u erasi wanurowa su, lu taune werese temeniye tepa'asiye ape, Owane Sitewi lai lowe si tame norohuwe hene anirowa. Serai lowe mi mi pasi pasi weriyei ironamirowa. Sosu nomo werese tahe pa'are he'i a'i anirowa.

Efesus 1:10

Serai marepi sitewi lo apou a'i ne, Nowe pefine a'i henerairowa su, le marepi werese lo lu taune atuatu areiyerowa. Marepi pefine a'i lo apou a'i ne. Etiri werese hire ma'e irosiya ape, sosu etiri werese hi awei sahe irosiya ape, etiri werese werese lefeifo ta'uwerairowa. Serai Owane Sitewi lai Krais etiri werese lo sitewi pefine a'i au iro henerairowawe, etiri werese au noweinoweirowa.

1 Tesalonaika 4:16

Sosu a'i pe Owane Sitewi Pefine a'i lai si tame itoraiyei su, le peri kairefi a'i hare uterowa. Sosu aiwawe a'i Owane Sitewi lo ipari tutawe peri erasi hare uterowa. Sosu aiwawe no'u erasi Owane Sitewi lo mapefuwe faterowa. No'u wanuwei su, Krais lo lu taune temeniye tepa'asiye ape, le lowe werese tu si tame ta'ane norohuwe hene ani wirowa.

2 Tesalonaika 2:1

Sosu a'i pe nomo peri ta au te'eyei. Nowe ta su Meni Owane Jisas Krais si tame itorairowa su, Owane Sitewi lai lu taune werese, Jisas lo yo seni umasiye ape, le ma'e si tame hene ta'uwe anirowa. Serai nomo fene ma'e, kaiyemo mo werese, au te'eyei.

Hibru 12:19

Sosu lowe mene'e mapefuwe ape erasi a'i fateye ape, wanuwe. Lowe Owane Sitewi lo peri erasi a'i uteye ape, wanuwe. Lowe peri lo ape wanuwe su, lowe atoweiye erasi irowewe, serai lowe meni Moses se apou te'eye, “Nomo peri tere'e lo ape me'iye wanuwei wou ta'ama.”

Kamapim Tok Hait 1:20

Sosu eiwariyemi ereti feni werese feni hesi a'i (7) ne, ne ereti eyate feni ano sahe siyeye ape, peri anowe ape tu naifa lu taune ma'e fareyareteye. Peri anowe ape lo sitewi ape apou ne. Eiwariyemi ereti feni werese feni hesi a'i, lowe Owane Sitewi lo ipari wisere a'i ereti feni werese feni hesi a'i ne. Lowe lu taune Owane Sitewi lo peri tote tawesi umasiteye ape, au noweinoweinamisiya. Sosu wari oso oso a'i tapiye gol se ta'aneye ape, lowe lu taune Owane Sitewi lo peri umasisiya ape, omo ereti feni werese feni hesi a'i (7) irosiya ape, apou a'i ne.”

Kamapim Tok Hait 11:15

Sosu a'i pe Owane Sitewi lo ipari to'u mene'e mapefuwe lo fateye. Sosu peri erasi tamo ni'arawe ma'e kairefi a'i apou uteye, “Owane Sitewi nomo lo sosu meni ape le hi awei ma'e eimawe arosai ape, lowesi lai yo seni luwaru a'i ape mo hi ani araro sasari pamoweteye. Lowesi meni Owane tutawe heneraiyewe, lu taune omo omo pani werese irosiya ape, au noweinoweinamitorowa.”

Kamapim Tok Hait 7:1

Sosu mo'o a'i pe ane Owane Sitewi lo ipari wisere a'i hesiyo hesiyo siyeye. Ta'i ta poweiye wiraisiya ape ma'e teiteye, ta'i ta poweiye itorisiya ape ma'e, teiteye, sosu heta eyate feni ma'e, heta epi feni ma'e teiteye. Lowe fiyaru hesiyo hesiyo awei sahe henerai ape, anite tawesiteye. Serai owe fiyaru ta, omo pani werese, sa'i sa'i werese, me etiri werese sahe faterowata.

Kamapim Tok Hait 8:2

Sosu ane Owane Sitewi lo ipari wisere a'i ereti feni werese feni hesi a'i (7), Owane Sitewi lo nihari saro teiteye ape, Owane Sitewi lai lowe ma'e mene'e mapefuwe ereti feni werese feni hesi a'i ereti lowe lo sahe aniteyei ne auwe.