Matyu 22:36 - Saniyo-Hiyewe

³⁶ “Atuatu siye meni. Owane Sitewi lo yo peri werese totere. Piye yo peri tutawe irosiya awere?”

Matyu 22:36 ပူးပေါင်းရင်းမြစ်များ

Matyu 15:6

Fene ya'ariyei lo yo peri ape wanu umasiteye, fene Owane Sitewi lo yo peri wiyeme a'i ani ararowe. Ya'ariyei fene lo, lo yo peri apou eiye, ‘Fene mai tai fene lo lo iyape owe ape ei ani arowere.’ Marepi fene lo se Owane Sitewi lo peri yahowa'i henerai.

Matyu 22:35

Meni ta'i yo peri siye so'oruwe siye meni le Jisas ma'e peri areareyei ne toteye. Le Jisas ma'e apou ei toweriye.

Matyu 22:37

Jisas le ma'e itiya'u eiye, “Ne Owane Sitewi pefine a'i no marepi werese se tote wawesiyere. Ne aiwawe a'i marepi hepene werese se le ma'e tote wawesiyere. Sosu kairefiyeyei werese no le ma'e tote wawesiyere.” Lo 6:5

Jisas Krais lo Peri Heneruwe, Luk leseteye ape ne 11:42

Fene Farisi werese weiyai! Fene haiye werese, one werese ani loto ta'uwe ereiyei su, fene ereti feni hesi (10) au ani ta'uwe ani lotowei. Fene tewi ta'i a'i (1) Owane Sitewi ma'e si tame auwei. Fene tewi tere'e werese fene ta'u ene ayei. Wisere a'i ne. Ahowa, fene etiri tere'e tamo awera'iyenati. Meni ta etiri luwaru a'i meni tere'e ma'e yahowa'i a'i se au luwaruweyei su, fene lai yo seni luwaru a'i ne me'iyeni ma'e atati aruwei. Aiwawe a'i fene meni ta marepi orese a'i se siyeyei su, fene Owane Sitewi lo marepi erasi a'i arisiyei. Serai fene meni ape ne au pati ta'aneyei ta'ama. Etiri ape fene werese awera'iyenati. Sosu fene etiri yahowa'i a'i umasi etinamisiya.