Matyu 22:31 - Saniyo-Hiyewe

³¹ Serai ane fene ma'e si tame sineyei lo peri au te'esiya. Fene Owane Sitewi lo peri one towe sahe leseye ape siye te'e ta'ama awere? Owane Sitewi lai fene ma'e apou au te'eye,

Matyu 22:31 ပူးပေါင်းရင်းမြစ်များ

Matyu 12:3

Ahowa, Jisas lowe ma'e itiya'u eiye. “Ya'ariyei meni owane nomo lo Devit, le lu feni mase lau mase iroteye su, le piye irowe awere? Fene piye Owane Sitewi lo one towe sahe siye te'eye awere?

Matyu 12:7

Owane Sitewi lo peri au te'e siye meni ta apou leseye, ‘Ane, Owane Sitewi Pefine a'i fene ma'e te'esiya, ane ayei fene lo ape au hesesiya ape, ane aniyei wou ta'ama. Ahowa, fene lu taune werese ma'e au seremareyere.’ Hos 6:6 Fene peri lo sitewi ape wanu tote umasisiya su, fene lu feni ano ne peri te'e narurowata. Owane Sitewi lo nihe se lowe yo seni luwaru a'i irote ta'ame.

Matyu 21:16

Lowe le ma'e te'e toweriye, “Ne peri ape eimane uteteye ape, wanusiya awere?” Sosu Jisas lowe ma'e itiya'u eiye, “Ei, fene Owane Sitewi lo peri one towe lo sahe peri ape apou siye te'eye awere? Owane Sitewi lo peri apou te'esiya, ‘Eimane oso werese a'i, eimane osu mai lo mo'u ani asiya ape, lowe ane ne au wisereyeyei ne totesiya. Serai lowe werese ane ne au te'e wisereyenamirowa.’” Sng 8:2

Matyu 21:42

Jisas lowe ma'e ei toweriye, “Fene Owane Sitewi lo one towe sahe peri ape siye te'e ta'ame awere? Owane Sitewi lo peri apou te'esiya, ‘Me tou pefine a'i ne wesi ta'aneyei siye lu lai ani fu arosawi ape, me tou pefine ape lai wesi me tou tutawe henerairowa. Owane Sitewi lai me tou ape aniyewe, wesi lo ape me tou tutawe iro henerai. Lu taune ape mo me tou ape siyeye su, lowe apou toteye, Siyere! Meni owane pefine a'i lai, me tou ape wesi ta'aneyei siye lu ani fu arosawi po'uteye ape, le me tou wesi me tou tutawe iro henerai. Meni Owane Pefine a'i wiyawi ape ta'aneye, sosu nomo marepi wisere erasi a'i totenamisiya.’ Sng 118:22-23

Matyu 22:30

Nowe ye'ewi se lu taune si tame sinerowa ape, lowe naituwei se irorowata. Lowe taune tamo eterowata. Lu taune werese Owane Sitewi lo omo hire ma'e wirowa ape, lowe Owane Sitewi lo ipari wisere a'i (ensel) wou ironamitorowa.

Matyu 22:32

‘Ane a'i lai Abraham lo Owane Sitewi Pefine a'i ne. Ane Aisak lo Owane Sitewi Pefine a'i ne. Sosu ane Jakop lo Owane Sitewi Pefine a'i ne. Kis 3:6 Owane Sitewi lai, lu taune werese temeniyeye ape, au noweinowei se ta'ame. Ahowa, le a'i lai lu taune werese, hepene norohuwe se ironamisiya ape, au noweinoweinamitorowa.’”

Matyu 9:13

Ane fene ma'e eisiya, Owane Sitewi lo peri sitewi wanu so'oruwerire! Ane ayei ta fene lo au heseye ape, ani wou ta'ama. Ahowa, fene lu taune ma'e au atuatu seremareyete. Ane yo seni apou ape siyereme. Ane lu taune yo seni aseyaro a'i irosiya ape, ei aniyei ne fai ta'ama. Ahowa, ane lu taune werese yo seni luwaru a'i irosiya ape mase, hene ta'uwe aniyei ne fai.” Hos 6:6