Matyu 21:42 - Saniyo-Hiyewe

⁴² Jisas lowe ma'e ei toweriye, “Fene Owane Sitewi lo one towe sahe peri ape siye te'e ta'ame awere? Owane Sitewi lo peri apou te'esiya, ‘Me tou pefine a'i ne wesi ta'aneyei siye lu lai ani fu arosawi ape, me tou pefine ape lai wesi me tou tutawe henerairowa. Owane Sitewi lai me tou ape aniyewe, wesi lo ape me tou tutawe iro henerai. Lu taune ape mo me tou ape siyeye su, lowe apou toteye, Siyere! Meni owane pefine a'i lai, me tou ape wesi ta'aneyei siye lu ani fu arosawi po'uteye ape, le me tou wesi me tou tutawe iro henerai. Meni Owane Pefine a'i wiyawi ape ta'aneye, sosu nomo marepi wisere erasi a'i totenamisiya.’ Sng 118:22-23

Matyu 21:42 ပူးပေါင်းရင်းမြစ်များ

Matyu 21:43

Serai ane fene ma'e au te'esiya, Owane Sitewi lai kairefiyeyei fene lo, Owane Sitewi lo wiyawi au noweinoweiteye ape, ani po'uterowawe, lu tewi tere'e ma'e aurowa. Lu tewi ape mo lai Owane Sitewi lo wiyawi au noweinoweirowawe, Owane Sitewi lo marepi tote umasinamitorowa.”

Aposel 4:11

Tu naifa weriyei meni ta Devit, meni ape ne toteye. Le Owane Sitewi lo one towe sahe apou leseye, ‘Tapiye ta, wesi ta'ane siye lu ani fu arosawi ape, Owane Sitewi lai tapiye eite tutawe heneraiyei ne au irowe.’ Sng 118:22

Pol One Towe eite Omo Rom maꞌe Lese Ausawi 9:33

Owane Sitewi lo one towe sahe apou leseye, “Ane tapiye ta omo Saion sahe au fuwe. Lu taune tomu ne'ese tapiye ape sahe lowe lowe lo tewiyeyewe, winetai erenamisiya. Tapiye ape lai lu taune ape mo atu tipaterisiyawe, winetai eresiya. Sosu aiwawe a'i lu taune tamo tapiye ape ne tote tawesi umasinamitorowa su, lowe marepi neritaseyerowata.” Ais 28:16

Efesus 2:20

Fene Owane Sitewi lo wesi tewi a'i wou henerai. Owane Sitewi lo wesi ape sahe Krais Jisas lai me tou sitewi a'i ne. Sosu lu tamo tu Krais lo peri au te'eteye ape, sosu lu feni pefine a'i lo lowe wesi ape lo me tou tere'e tere'e henerai.