Matyu 18:14 - Saniyo-Hiyewe

¹⁴ Eimane ta ma'e irowa su, Tai fene lo omo hire ma'e onunamitorowa ape, le marepi orese a'i totenamitorowa. Ei. Tai fene lo marepi apou totesiya, ‘Ane eimane werese werese mi mi pasi pasi temeniye wou ta'ama.’”

Matyu 18:14 ပူးပေါင်းရင်းမြစ်များ

Matyu 18:13

Ane peri pefine a'i fene ma'e au te'esiya. Meni ape fe sipsip ipo sahe siyeyei su, le marepi wisere erasi a'i nine'inamirowa. Fe sipsip werese tere'e ne, le marepi wisere a'i nine'irowata. Lowe werese wisere a'i ironamirowa. Le fe sipsip werese nine'inamirowa. Ahowa, fe sipsip ape, ipo ma'e erauwiyeye ape, le marepi erasi pefine a'i nine'inamisiya.

Matyu 18:15

“Sosu a'i pe kaiyemo fene lo ta Owane Sitewi lo peri umasisiya ape, yo seni luwaru a'i fene ma'e irorowa su, fene meni ape ma'e eresene a'i ire. Fene le ma'e apou eire, ‘Ne yo seni luwaru a'i irowei ape, ne au te'e fareraiyere. no wanu umasiyei su, etiri wisere a'i tene! Serai ne kaiyemo ape Owane Sitewi ma'e si tame henetirowa.

Matyu 5:16

Fene mi erasi ape aiwawe a'i ne. Fene yo seni aseyaro a'i irowei su, lu taune yo seni fene lo siyeteyei. Sosu lowe lai tai fene lo omo hire ma'e irosiya ape, lowe iyape lo ei ani aroweyei.”

Matyu 6:32

Etiri werese ape mo lu taune Owane Sitewi lo peri umasi ta'ame ape, lowe etiri ape mo siyeyei ne nehi tohotesiya. Tai fene lo hire ma'e irosiya ape, etiri ape mo fene po'utesiya ape, le so'oruwe a'i ne. Fene etiri ape anirowa. Serai fene marepi orese a'i owe ape totete.

Matyu 6:9

Serai fene Owane Sitewi ma'e au te'eyei su, fene apou eire, ‘Tai nomo lo, ne hire ma'e onunamisiya. Nomo ne ma'e au te'esiya, Iyape no mi mi weriyei wara'i a'i fa ironamite.’

Jisas Krais lo Peri Heneruwe, Luk leseteye ape ne 12:32

Fene marepi ano umasisiya ape, fene taweiru sawa! Tai fene lo, hire ma'e irosiya ape, le marepi lo se omo lo fene ma'e aureme.

Jisas Krasi lo Peri Heneruwe, Jon leseteye ape ne 17:12

Ane lowe mase ironamiteye su, ane lowe iyape no se anite tawesinamiteye. Iyape no ape ne ane ma'e auwe. Ane lowe werese tote tawesiyewe, au noweinoweiye. Lu taune werese ape mo mi mi pasi pasi kairefi a'i teiteye. Ahowa, meni ta'i le a'i lai omo yehe ma'e iyei. Le omo yehe iyei su, peri no tu naifa weriyei au te'e areiyeteye ape, peri ape wiyeme a'i heneraiyei.

Jisas Krasi lo Peri Heneruwe, Jon leseteye ape ne 21:15

Sosu lowe ene a tepa'asiye su, Jisas Pita ma'e ei toweriye, “Saimon, Jon lo meni eime, Ne ane ne marepi tote wawesiyesiya awere? Ne lu feni ano tere'e fu ani ararosiya awere?” Pita itiya'u eiye, “Ei, owane, Ne marepi ano siye so'oruwe tepa'asiye. Ane ne marepi erasi a'i totesiya.” Serai Jisas le ma'e itiya'u eiye, “Ne fe sipsip yene ano au ene are.”

2 Timoti 2:10

Serai lu taune tamo Owane Sitewi lo peri heneruwe wisere a'i wanu umasiyei su, ane fara'u fofowei erasi terite wisereye nine'irowa. Lowe Owane Sitewi lo peri heneruwe wanu umasiyei su, Owane Sitewi lai lowe ma'e marepi hepene he'i a'i aurowa. Marepi hepene he'i ape Krais Jisas sahe Owane Sitewi lo mitaiyeyei erasi mase mi mi pasi pasi weriyei irotorowa.

Hibru 12:13

Fene yo seni farere a'i ape se irote. “Apou wou yo mai farere a'i ape se inamiteye.” Snd 4:26 Fene yo seni luwaru a'i irowei su, marepi hepene fene lo afofo kerikeriye wou a'i henerairowa. Ahowa, fene yo seni wara'i a'i ironamiyei su, marepi hepene fene lo farere wisere a'i henerairowa.

2 Pita 3:9

Lu taune tamo apou totesiya, “Owane Sitewi lo peri te'e naneiyei ape, ‘Ane meni Jisas hi awei ma'e si tame eimawe arosawirowa.’ Le peri ape au te'eye. Ahowa, Le meni ape witane a'i se si tame eimawe arosai ta'ama. Le ninawe momoteiyesiya.” Ahowa, meni Owane Pefine a'i lai fene ne marepi momotei a'i ne. Le lu taune werese ma'e marepi ferafereiyei a'i se au iro ninawe momoteiyesiya. Lu taune yehe omo ma'e irowa su, etiri luwaru a'i ne. Ane lowe yehe omo ma'e iyei wou ta'ama. Le apou eiye, “Ane lowe ne ninawe ninaweteyei. Lowe yo seni luwaru a'i lowe me'iyeni ma'e atati awetowei su, ane lowe ma'e marepi hepene he'i a'i aurowa.”