Jisas Krais lo Peri Heneruwe, Luk leseteye ape ne 8:54 - Saniyo-Hiyewe

⁵⁴ Serai Jisas eime taune lo wari sahe atahe teiye su, le eime taune lo ereti aniteyewe, le ma'e eiye, “Eime taune, ne sinere!”

Jisas Krais lo Peri Heneruwe, Luk leseteye ape ne 8:54 ပူးပေါင်းရင်းမြစ်များ

Matyu 9:25

Jisas lowe werese wesi nowe ma'e eimawe fiyarisawi su, le wesi ape tewi wesi papu eime tani howeiteye ape ma'e wiye. Le eime taune lo ereti aniteyewe, meni owane ape lo eime taune ape au ani sine onuwe.

Krais lo Peri Heneruwe, Mak leseteye ape ne 1:31

Sosu Jisas menitani ape ma'e fi. Le menitani ape lo ereti sahe isawi hetesiyewe apou eiye, “Ne sine teire!” Sosu Jisas peri ape te'eye su, menitani ape lo tahe umeri a'i fara'uweyewe, arunati.

Krais lo Peri Heneruwe, Mak leseteye ape ne 8:23

Sosu Jisas meni ape ereti se aniteyewe, omo nowe ma'e heneti. Sosu le pisa'i nihe lo ma'e topohowe. Sosu le ereti lo se meni ape hire ma'e isawi hetesiyeye. Jisas lai le se peri ta ei toweriye, “Ne etiri ta siyesiya awere? Piyete awere?”

Krais lo Peri Heneruwe, Mak leseteye ape ne 9:27

Ahowa, Jisas meni eime ereti se aniteyewe, si au ta'ane norohuwe sineye. Sosu meni eime sineteye.

Jisas Krais lo Peri Heneruwe, Luk leseteye ape ne 8:51

Serai lowe Jairus lo wesi heneri su, le lu taune werese wesi papu wiyei ape, einamiye. Lu disaipel lo hesi heta, Pita, Jems, Jon, eime taune lo tai mai, le lowe a'i wesi tewi papu hene wiye.

Jisas Krais lo Peri Heneruwe, Luk leseteye ape ne 8:53

Lu taune werese peri lo wanuwe su, lowe Jisas ma'e niyeyei erasi irowe. Lowe eime taune temeniyeyei so'oruweye a'i ne.

Jisas Krais lo Peri Heneruwe, Luk leseteye ape ne 8:55

Pereye a'i eime taune lo hepene tahe pa'are papu si tame wiye. Le wari lo sahe sine onuwe. Eime taune sine onuwe su, Jisas lowe ma'e eiye, “Fene eime taune ape ma'e ayei ta au are!”

Jisas Krasi lo Peri Heneruwe, Jon leseteye ape ne 11:43

Sosu Owane Sitewi ma'e te'e tepa'asiye su, le peri erasi a'i uteye, “Lasarus, ne nowe ma'e aiya.”

Jisas Krasi lo Peri Heneruwe, Jon leseteye ape ne 5:21

Serai Owane Sitewi Tai Pefine a'i ano lu tamo, temeniyeyei ape, si tame ta'ane norohuwe hene aniyei. Sosu lowe ma'e hepene aurowa. Sosu aiwawe ane meni eime lo lu taune tamo ma'e marepi hepene he'i aurowa. Marepi ano a'i ne.

Aposel 9:40

Sosu Pita lu taune werese wesi tutu nowe ma'e eimawesawi. Sosu le lowe uporo ape'i onuwe su, le Owane Sitewi ma'e te'eye. Sosu le menitani lo tahe pa'are ma'e atati onuwe. Sosu le menitani ma'e eiye, “Tabita sinere!” Sosu menitani nihe lo petaneye. Sosu le Pita ma'e siyeye, le sine onuwe.

Pol One Towe eite Omo Rom maꞌe Lese Ausawi 4:17

Nomo peri ape wiyeme a'i so'oruwesiya. Meni ta Owane Sitewi lo peri one towe sahe apou leseye. Owane Sitewi apou eiye, “Ne lu taune tomu ne'ese lo ya'ariyei sitewi henerairowa.” Stt 17:5 Owane Sitewi lo nihe se peri te'e naneiyei ape pefine a'i henerai. Owane Sitewi ape, meni Abraham le ne tote tawesiteye ape, le lai lu taune, temeniyeye irosiya ape, au ta'ane norohu sineteye. Etiri werese awei sahe henerai ta'ame irosiya ape, Owane Sitewi Pefine a'i lai au ta'ane henerairowa.