Jisas Krais lo Peri Heneruwe, Luk leseteye ape ne 7:13 - Saniyo-Hiyewe

¹³ Jisas menitani weiname siyeye su, le weiname ape ne marepi erasi a'i ewiteye. Le le ma'e eiye, “Luwei sawa!”

Jisas Krais lo Peri Heneruwe, Luk leseteye ape ne 7:13 ပူးပေါင်းရင်းမြစ်များ

Krais lo Peri Heneruwe, Mak leseteye ape ne 8:2

“Ane lu taune werese marepi erasi a'i ewite totesiya. Ayei werese lowe lo ariye pefine a'i ne. Lowe poweiye hesi heta ane mase iroteye. Serai lowe lau erasi irosiya.

Jisas Krais lo Peri Heneruwe, Luk leseteye ape ne 10:1

Mo'o a'i pe Meni Owane Jisas lu feni tere'e tomu ne'ese (72 aiwawe a'i ne), Owane Sitewi lo peri au te'e fiyariyei ne ariariyeye. Le lowe werese hesi a'i hesi a'i omo omo werese ma'e eimawesawi. Nowe me'iye su omo omo werese lu hesi a'i hesi a'i au te'eye ape, le mo'o umasiyei.

Jisas Krais lo Peri Heneruwe, Luk leseteye ape ne 11:1

Nowe mo'o su Jisas Mata lo wesi arunatiyewe fi su, le lu disaipel lo aiwawe a'i omo pani ta Owane Sitewi ma'e au te'eyei ne fi. Le Owane Sitewi ma'e au te'e tepa'asiye su, meni disaipel lo ta Jisas ma'e eirai. “Meni Owane, meni Jon sa'i au hu siye meni lu feni lo Owane Sitewi ma'e au te'eyei ne au atuatuwe. Ne nomo aiwawe a'i Owane Sitewi ma'e au te'eyei ne atuature.”

Jisas Krais lo Peri Heneruwe, Luk leseteye ape ne 11:39

Ahowa, Meni Owane Jisas le ma'e eiye, “Ne peri ano wanure! Lu weneri Farisi werese, fene siye auwe, wahu aiwawe a'i nowe ma'e sa'i se au huteye. Ahowa, marepi fene lo papu unou a'i teme'eriyenamisiya. Fene yo seni ta'arei tamo seni luwaru tere'e tere'e ironamisiya.

Jisas Krais lo Peri Heneruwe, Luk leseteye ape ne 12:42

Sosu Meni Owane lai le ma'e itiya'u eiye, “Ane lu taune werese ma'e peri ano wanu umasinamisiya ape, au te'esiya. Ane lu taune werese ma'e marepi wisere a'i ironamisiya ape, aiwawe lu taune werese ma'e marepi aseyaro a'i totenamisiya ape, au te'esiya. Ane lu owane werese ano ma'e apou eiyei, ‘Fene werese wiyawi ta'ane siye lu ano au noweinoweite.’

Jisas Krais lo Peri Heneruwe, Luk leseteye ape ne 13:15

Ahowa, Meni Owane Jisas le ma'e itiya'u eiye. Fene, marepi hesi a'i umasinamisiya ape, wanure, nowe amou se fene fe bulmakau, fe donki wesi lo sahe wafei se ani eraurowawe, sa'i ma'e au ayei ne henetirowa awere?”

Jisas Krais lo Peri Heneruwe, Luk leseteye ape ne 17:5

Sosu a'i pe Jisas lo lu feni ta le ma'e apou eiye, “Meni Owane, peri ape no kairefi a'i ne. Ne tote tawesiyei nomo lo au kairefiyere!”

Jisas Krais lo Peri Heneruwe, Luk leseteye ape ne 17:6

Sosu Meni Owane Pefine a'i lowe ma'e itiya'u eiye, “Tote tawesiyei fene lo ne, saiyoho so oso a'i aiwawe a'i irosiya su, fene me saiyoho ape ma'e apou eiyei, ‘Saiyoho ne me napi mase tahe auwere, sosu sa'i erasi ponei sahe teirire.’ Saiyoho peri no wanurowawe, umasirowa.

Jisas Krais lo Peri Heneruwe, Luk leseteye ape ne 18:6

Sosu meni owane wiyeme apou eiye, “Peri wanu eti siye meni owane luwaru a'i ape ne, fene peri ape lo wanu etire!

Jisas Krais lo Peri Heneruwe, Luk leseteye ape ne 19:8

Sosu Sakius peri lowe lo wanuwe su, le sine teiyewe, Jisas ma'e eiye, “Meni Owane, weiya! Wanure! Etiri werese ano ne, ane tewi erasi a'i lu taune ma'aru etiri ariye a'i ape mo aurowa. Ane lu taune tamo ma'aru ta'i areareye su, ane lowe ma'e etiri ma'aru hesiyo hesiyo si itiya'u tame auwei.”

Jisas Krais lo Peri Heneruwe, Luk leseteye ape ne 22:61

Sosu Jisas Pita ma'e atati siye etiye. Sosu Pita Jisas lo peri tu au te'eye ape marepi tote tawesiye. Apou a'i toteye, “Ne irowe kakaruk peri uteyei wanuwei su, ne nowe hesi heta ane ne me'iyeni ma'e atati aruwei.”

Jisas Krais lo Peri Heneruwe, Luk leseteye ape ne 24:3

Lowe fisiye yo papu wiye su, Meni Owane Jisas lo tahe pa'are siye ariye.

Jisas Krais lo Peri Heneruwe, Luk leseteye ape ne 24:34

“Meni Owane nomo lo, le si tame norohuwe sineteye tene! Le Saimon ma'e heneri.”

Jisas Krais lo Peri Heneruwe, Luk leseteye ape ne 7:12

Sosu lowe omo ape lo yo tewiye ahi ta'o heneri su, lu tamo meni temeniyeye ape, omo nowe ma'e fisiye yo papu fuwei ne sutaiteti. Menitani weiname lu taune tomu ne'ese aiwawe a'i fai. Meni temeniyeye ape ne, menitani weiname meni eime ta'i a'i auteiye.

Jisas Krais lo Peri Heneruwe, Luk leseteye ape ne 7:14

Sosu le meni ape lo wari ma'e atahe a'i teiye. Le ereti lo wari sahe fuwe. Lu ape mo, wari sutaitetai ape saro a'i teiteye. Jisas meni ma'e, temeniyeye ape, apou eiye, “Yo'orei meni, ane ne ma'e eisiya. Ne si sinere!”

Jisas Krais lo Peri Heneruwe, Luk leseteye ape ne 7:19

Meni Jon Jisas lo peri heneruwe wanuwe su, le lu feni hesi a'i lo ei aniye. Le lowesi Owane Jisas ma'e peri ta te'e toweriyei ne eimawesawi. Lowesi le ma'e apou te'e toweriyei, “Owane Sitewi lai meni owane hi awei ma'e eimawe arosairowa. Ne meni ape awere? Nomo meni tere'e siye nehi ninaweteyei awere?”

Jisas Krais lo Peri Heneruwe, Luk leseteye ape ne 8:52

Lowe wesi tewi papu wiye su, lu taune tomu ne'ese ewite luwei erasi irowe. Sosu Jisas lowe werese ma'e eiye, “Luwei sawa! Eime taune ape temeniye ta'ame. Le nihe howeisiya.”

Jisas Krasi lo Peri Heneruwe, Jon leseteye ape ne 11:2

Tu naifa Maria, Jisas lo lowe sa'i heneri se au ani teineye. Sosu le mato towe lo Jisas lo lowe au ani teine foro'oweye.

Jisas Krasi lo Peri Heneruwe, Jon leseteye ape ne 11:3

Sosu Lasarus u tahe erasi a'i su, taune einei hesi Jisas ma'e peri ta ausawi. Lowesi apou eiye, “Meni Owane, kaiyemo no u tahe erasi a'i lai ya'oresiya. Ne le ne marepi erasi a'i tote wawesiyesiya.”

Jisas Krasi lo Peri Heneruwe, Jon leseteye ape ne 20:13

Sosu lowesi le ma'e te'e toweriye, “Menitani, ne piyene lusiya awere? Ne eiwerai siye nehisiya awere?” Menitani lowesi ma'e itiya'u eiye, “Lowe meni owane ano lo tahe pa'are ta'arei aiti. Lowe eiwerou ma'e fuwe awere? Ane so'oru ta'ama.”

Jisas Krasi lo Peri Heneruwe, Jon leseteye ape ne 20:15

Sosu Jisas le ma'e ei toweriye, “Menitani ne piyene lusiya awere? Ne eiwerai siye nehisiya awere?” Menitani lo marepi apou a'i toteye, “Meni eite awei pani au noweinowei siye meni ne.” Serai le meni ape apou ei toweriye, “Kaiyemo, ne tahe pa'are ani aiti su, eiwerou ma'e fuwe awere? Ane fara'u tahe pa'are lo ani aiti.”

Jisas Krasi lo Peri Heneruwe, Jon leseteye ape ne 4:1

Nowe ta se a'i pe meni ta iyape Jon, lu taune tamo sa'i au huteye. Sosu Jisas lu taune tomu ne'ese sa'i au huteye Ahowa, Jisas lai lu taune ma'e sa'i au hu ta'ame. Ahowa, lu disaipel lo lowe ma'e sa'i au huteye. Sosu, lu tewi iyape Farisi lowe apou wanuwe, “Jisas lai lu taune tomu ne'ese sa'i au huwewe, Jon lu taune Jisas lo sa'i ani hu tepa'asiye ape, lowe Jisas lo lu disaipel henerai. Sosu Jon lu taune oso a'i sa'i au huwe. Jisas lai Jon ma'e hi ani ararowe.”

Jisas Krasi lo Peri Heneruwe, Jon leseteye ape ne 6:23

Lu taune tamo omo Taiberias ma'e fai ape, lowe wai papu wiye, hare ite tonerai. Omo eite sahe liyewe Jisas nau ta'ase Owane Sitewi ma'e au te'e wisereyeyewe, sosu lu taune werese ma'e au nonetiteye. Lowe wai sa'i tewi eite ma'e furi.

1 Korin 7:30

Lu taune ape mo marepi orese a'i se lusiya ape, lowe marepi orese towafi lowe lo owe ape totenamite. Ahowa, lowe Owane Sitewi ne tote tawesi etinamite. Lowe marepi erasi se niyeyeisiya ape, lowe lu taune marepi orese a'i teritesiya ape, fa irote. Lowe etiri tamo etesiya ape, lowe lu taune etiri eterowata ape, fa irote.

1 Tesalonaika 4:13

Kaiyemo peri ano wanure. Fene peri ape fu wanu so'oruwere. Lu taune tamo temeniye tepa'asiye. Fene lowe ne ewiteyei erasi owe ape irote. Fene fara'u marepi orese oso a'i teriteyei. Lu taune tomu ne'ese Jisas lo yo peri umasi ta'ame ape, lowe ewiteyei erasi a'i au irowe. Fene yo seni apou ape owe ape umasite.

Hibru 2:17

Serai peri ape lo sitewi apou te'esiya, meni ape, Jisas, le kaiyemo mo lo marepi, sosu yo seni werese aiwawe a'i fa heneraire. Serai le Owane Sitewi lo marepi tote umasiteye su, le lai Meni Owane, Owane Sitewi metete nihari sahe teisiya ape, henerairowa. Le fisa'i topo lo Owane Sitewi ma'e nomo ne au au heseye su, Owane Sitewi lai yo seni luwaru werese nomo lo au sasari po'utesawirowa. Serai Owane Sitewi lo nihe se nomo lu taune wara'i a'i irorowa.

Hibru 4:15

Meni Owane tutawe nomo lo ape, Owane Sitewi lo nihari sahe teinamisiya ape, le tahe pere'e werese a'i nomo lo, sosu yo seni luwaru a'i nomo lo siye so'oruwe ewitesiya. Ei. Meni Owane tutawe nomo lo Sepei Satan lai yo seni luwaru a'i le ma'e aresearese meme'iteye. Ahowa, Meni Owane nomo lo kairefiye teinamiteye. Le yo seni luwaru a'i iro ta'ame.