Jisas Krais lo Peri Heneruwe, Luk leseteye ape ne 4:1 - Saniyo-Hiyewe

¹ Owane Sitewi lo Hepene Wara'i a'i Jisas lo marepi papu teme'eriyeye. Jisas Sa'i Jordan arunati su, Owane Sitewi lo Hepene Wara'i a'i lai le pani ariye a'i ma'e heneti.

Jisas Krais lo Peri Heneruwe, Luk leseteye ape ne 4:1 ပူးပေါင်းရင်းမြစ်များ

Matyu 3:16

Jon Jisas sa'i au hu tepa'asiye su, Jisas pereye a'i sa'i papu si sineye. Sineye su, Jon ni'arawe hire ma'e ponei peratiye ape, siyeye. Le Owane Sitewi lo Hepene Wara'i a'i irowe sapuwe aiwawe a'i Jisas ma'e itorai.

Jisas Krais lo Peri Heneruwe, Luk leseteye ape ne 2:27

Nowe ape se Josep, Maria aiwawe a'i, lowesi meni eime Jisas Owane Sitewi lo wesi ma'e heneti su, lowesi Owane Sitewi lo yo peri umasiyei ne toteye. Nowe ape se Owane Sitewi lo Hepene Wara'i a'i meni ape Simeon Owane Sitewi lo wesi ma'e eimawesawi.

Jisas Krais lo Peri Heneruwe, Luk leseteye ape ne 3:3

Le Owane Sitewi lo peri wanuwe su, le pani ariye a'i arunatiyewe, Sa'i Jordan tewiye feni ma'e fi. Le lu taune werese ma'e apou eiye, “Fene werese yo seni luwaru a'i fene lo me'iyeni ma'e atati arunatire. Owane Sitewi ma'e si tame atati awetotire. Fene Owane Sitewi ma'e si tame atati awetotiyei su, ane fene werese sa'i se au huwei. Owane Sitewi lai yo seni luwaru werese a'i fene lo au sasari pamoweyei.”

Jisas Krais lo Peri Heneruwe, Luk leseteye ape ne 3:38

Enos, Set lo meni eime. Set, Adam lo meni eime. Adam, Owane Sitewi lo meni eime. Owane Sitewi lai Adam awei peperi se ta'aneye. Stt 4:25-26

Jisas Krais lo Peri Heneruwe, Luk leseteye ape ne 4:14

Owane Sitewi lo Hepene Wara'i a'i lo kairefiyeyei Jisas mase ironamiteye. Jisas omo pani Galili si tame fi. Pani Galili ma'e heneri su, lu taune tomu ne'ese omo omo werese sahe Jisas fai ape ne, peri heneruwe lo wanuwei ne ta'uwerai.

Jisas Krais lo Peri Heneruwe, Luk leseteye ape ne 4:18

‘Meni Owane Pefine lo Hepene ane mase ironamisiya. Le ane lu taune ma'e etiri ariye a'i irosiya ape, Owane Sitewi lo peri au te'eyei ne ariariyeye. Le ane ma'e apou te'eye. Ne kalabus lo wesi ma'e ire. Lu taune werese, kalabus wesi irosiya ape, ma'e eire, fene werese kalabus wesi fu arunatire. Le ane lu taune werese nihe pokowe se ma'e eimawesawi. Ane ma'e apou eiye, Ne lu taune nihe pokowe se werese nihe lowe lo au petanere. Ai atu siye lu tamo lu taune ma'e au luwaruweyei su, ne lowe ma'e au pati ta'aneyei ne ire.

Jisas Krasi lo Peri Heneruwe, Jon leseteye ape ne 1:32

Sosu a'i pe Jon peri ape apou au te'eye, “Ane Owane Sitewi lo Hepene Wara'i a'i ni'arawe ma'e itorai siyeye. Irowe sapuwe wou a'i itorai. Sosu iyo'o lo hire ma'e onurai.

Jisas Krasi lo Peri Heneruwe, Jon leseteye ape ne 3:34

Serai Owane Sitewi lai meni ape hi ma'e eimawe arosai. Le a'i lai Owane Sitewi lo peri werese au te'e fiyarisiya. Meni ape hi ma'e itorai su, Owane Sitewi lai le ma'e Hepene Wara'i a'i lo auwe. Sosu Owane Sitewi lo Hepene Wara'i meni ape lo marepi teme'eriye ironamiyei.

Aposel 1:2

Jisas awei sahe iroteye su, le Owane Sitewi lo Hepene Wara'i a'i se lu disaipel lo ma'e apou te'eye, “Fene omo omo werese ire! Lu taune werese ma'e peri ano au te'e atuatute.” Lu feni, Jisas lai ariariyeye ape, peri ape Owane Sitewi lo Hepene Wara'i a'i se wanuwe. Sosu Jisas temeniyeye. Mo'o Owane Sitewi lai si tame ta'ane norohuwe hene aniye su, lu disaipel lo ma'e saro henerai. Poweiye lu hesi werese (40) Jisas lu disaipel lo ma'e nowe poweiye tomu ne'ese saro henerai. Lowe Jisas siyeye su, lowe le ne marepi tote tawesiteye. Nowe poweiye saro henerai su, Jisas lu feni ma'e Owane Sitewi lo marepi werese au te'e atuatuwe. Sosu a'i pe nowe ta'i se Jisas lu feni ma'e saro henerai ape, le apou eiye, “Fene omo Jerusalem ma'e owe ape arunatire. Ahowa, weiya! Owane Sitewi lo peri te'e naneiyei, le fene ma'e au te'e naneiye ape, henerairowa. Ane lai fene ma'e tu au te'eye. Tu naifa Jon lai lu taune werese sa'i au huwe. Nowe oso a'i su, Owane Sitewi lai fene ma'e Hepene Wara'i a'i lo au hurowa.” Sosu Owane Sitewi lai Jisas hire ni'arawe ma'e wiye. Ane etiri werese ape mo one towe sahe lese tepa'asiye.

Aposel 10:38

Fene etiri ape mo, etiri werese mo'o henerai ape, so'oruwesiya. God lai Hepene Wara'i lo kairefi lo mase Jisas omo Nasaret lo meni ma'e auwe. Sosu le omo tere'e tere'e ma'e lu taune tomu ne'ese wiyawi erasi au ta'aneteye. Le lu taune werese, sepei Satan marepi hepene papu iroteye ape, au ta'ane sasarisawi. Owane Sitewi lo kairefi le mase iroteye.

Aposel 8:39

Sosu lowe sa'i arunati su, Meni Owane Pefine a'i lo Hepene Wara'i a'i, le Filip hene itero po'utenati. Sosu meni owane ape Filip tame siyeye ta'ame. Sosu le wai papu wi atowe su, omo topo lo marepi erasi a'i si tame wisereye nine'iti.