Jisas Krais lo Peri Heneruwe, Luk leseteye ape ne 24:20 - Saniyo-Hiyewe

²⁰ Au heseyei lu owane tamo, awei lu owane aiwawe a'i lowe Jisas etiyei ne heneti. Lowe apou eiye, “Le fa temeniyere. Serai lowe le me tape'i sahe aine tawere tera'eye.

Jisas Krais lo Peri Heneruwe, Luk leseteye ape ne 24:20 ပူးပေါင်းရင်းမြစ်များ

Matyu 23:33

Fene haru luwaru wou a'i ne. Fene hare aimesi weneri wou a'i tene! Owane Sitewi lai fene werese yehe omo ma'e eimawe arosawirowa. Serai fene mi mi pasi pasi yehe omo sahe ironamitorowa.

Matyu 27:20

Ahowa, au heseyei lu owane tamo, awei ya'ariyei lu tamo, lowe lu taune werese ma'e peri kairefi a'i au te'eye, “Fene meni Barabas kalabus wesi nowe ma'e ei ani heneraire! Fene awei meni owane ma'e Jisas aine tera'eyei ne au te'ere.”

Krais lo Peri Heneruwe, Mak leseteye ape ne 15:1

Esi pasi a'i su au heseyei lu owane, ya'ariyei lu owane tamo, sosu Owane Sitewi lo yo peri so'oruwe siye lu tamo, lu owane tere'e lowe wesi erasi ape sahe ta'uwerai. “Etiri lowe irowei ape, tote te'e eti tiyatiye. Nomo eiwerou irowei awere?” Sosu lowe Jisas lo ereti wafei se ti tawesiyewe, awei meni owane, iyape Pailat, ma'e eimawesawi.

Jisas Krais lo Peri Heneruwe, Luk leseteye ape ne 22:66

Nowe esi mitaiyeye su, Owane Sitewi lo wesi ya'ariyei lu ta'uwerai. Au heseyei lu owane tutawe, Owane Sitewi lo peri lese siye lu tamo, lowe Jisas ta'uweyei wesi ma'e te'e toweriyei ne heneti.

Jisas Krais lo Peri Heneruwe, Luk leseteye ape ne 23:13

Sosu a'i pe lowe Jisas meni Pailat si tame henetai su, Pailat lai, au heseyei lu owane werese awei lu owane werese, lu taune werese, le lowe werese ta'uweyei wesi ma'e ei aniye.

Aposel 2:23

Owane Sitewi lai marepi lo se meni ape fene ma'e eimawe arosai. Tu naifa Owane Sitewi lai etiri werese siye so'oruweteye. Lu luwaru a'i tamo Jisas ma'e au luwaruweye su, Owane Sitewi lai siye so'oruweteye! Sosu lowe Jisas me tape'i sahe aine tawere tera'eye su, Owane Sitewi lai siye so'oruweye! Tu naifa weriyei le lai etiri werese ape mo siye so'oruweye.

1 Tesalonaika 2:15

Juda lo lu tewi ape mo, lowe Jisas me tape'i sahe aine tera'eye. Aiwawe a'i lowe Owane Sitewi lo au te'e siye lu tamo aine tera'eye. Lu tewi ape lai nomo omo pani ape nowe ma'e ani fu arosawi. Serai Owane Sitewi lai lu tewi ape ne ai marepi totenamiteye. Ahowa, lu tewi ape lu taune werese ma'e ai atu tiyatiteye.