Jisas Krais lo Peri Heneruwe, Luk leseteye ape ne 22:43 - Saniyo-Hiyewe

⁴³ {Jisas peri lo au te'e tepa'asiye su, Owane Sitewi lo ipari wisere a'i ta hi ma'e Jisas lo marepi au kairefiyeyei ne itorai.

Jisas Krais lo Peri Heneruwe, Luk leseteye ape ne 22:43 ပူးပေါင်းရင်းမြစ်များ

Matyu 26:53

Piyene ne yo seni ape irowe awere? Ne apou totere. Ane tai ano ma'e fara'u au pati aniyei ne uterowa. Serai le a'i lai fara'u ipari wisere a'i (ensel) tomu ne'ese lo ane ma'e au ferafereiyei ne eimawe arosairowa.

Matyu 4:11

Sosu sepei luwaru a'i Satan le arunatiyewe, fi. Owane Sitewi lo ipari wisere a'i le ma'e au pati ani kairefiyeyei ne itorai.

Matyu 4:6

Le Jisas ma'e eiye, “Ne Owane Sitewi lo meni eime ta'ame! Ne Owane Sitewi lo meni eime su, ne fara'u wesi me'iye hi awei ma'e ye'i arore. Ne hi ma'e ye'i arowei su, Owane Sitewi lo peri one towe sahe apou leseye, ‘Owane Sitewi lai le ne ipari wisere tomu ne'ese lo au noweinoweiyei ne eimawe arosaiyei. Lowe le ne ereti lowe lo se au noweinowei kairefiyeyei. Serai le tapiye sahe lowe lo ninapune winetairowata.’ Serai ne hi ma'e ye'i arore. Ne fofowei erasi teriterowata.” Sng 91:11-12

Jisas Krais lo Peri Heneruwe, Luk leseteye ape ne 22:32

Ahowa, ane lai Owane Sitewi ma'e ne ne au ei toweriye. Serai tote tawesiyei no kairefi a'i teinamiteyei. Aiwawe a'i tote tawesiyei no ani fu aro luwaruwerowata. Sosu sepei Satan lai tote tawesiyei no au siye hese eti tepa'asiyei su, ne tame tei kairefiyerowa. Ne tame tei kairefiyeyei su, ne lu feni ano au pati tei kairefiyete.”

Aposel 14:22

Omo ape mo sahe lowesi lu taune werese lo marepi au te'e kairefiyeteye. Lowesi apou te'eye, “Fene Jisas lo marepi tote tawesite. Nomo werese Owane Sitewi lo marepi umasisiya su, etiri luwaru tomu ne'ese a'i nomo aiwawe henerairowa. Serai fene werese Jisas lo marepi tote tawesi umasite.”

Aposel 18:23

Le omo Antiok ma'e henerai. Poweiye mi tomu ne'ese saro iroteye. Omo Antiok arunati su, le omo tere'e tere'e ma'e heneri. Le pani Galesia, pani Frigia ma'e au te'e fiyariti. Le peri lo se Jisas lo lu feni werese ma'e au kairefiyeteye.

1 Timoti 3:16

Wiyeme a'i! Peri fareyare a'i henerai. Yo seni wara'i a'i lo sitewi nomo ma'e amerame a'i henerai. Owane Sitewi lo marepi Jisas ne apou a'i toteteye ape, meni ape hi awei ma'e tahe pa'are mase itorai. Sosu lu taune werese le siyeye. Owane Sitewi lo ipari wisere a'i meni ape siyeye. Serai lu taune tamo omo omo werese meni ape lo peri au te'e fiyariye. Lu taune tamo omo omo werese sahe meni ape lo peri wanu umasiye. Sosu wiyawi lo tepa'asiye su, Owane Sitewi lai meni ape kairefi a'i se omo hire ma'e hene ani wiye.”

Hibru 1:14

Serai Owane Sitewi lo ipari ne, lowe ape mo ne eiwerai awere? Lowe ipari aiwawe a'i ne. Lowe Owane Sitewi lo wiyawi au ta'anesiya. Sosu aiwawe a'i le lowe hi awei ma'e lu taune le ne tote tawesirowa ape, au pati ferafereiyei ne eimawe arosairowa.

Hibru 1:6

Sosu aiwawe a'i le meni eime poto hi awei ma'e eimawe arosai su, le ipari werese lo ma'e apou eiye, “Fene werese le ma'e lowe uporo ape'i onurowawe, le ma'e au te'e wisereye nine'inamite.” Lo 32:43

Hibru 2:17

Serai peri ape lo sitewi apou te'esiya, meni ape, Jisas, le kaiyemo mo lo marepi, sosu yo seni werese aiwawe a'i fa heneraire. Serai le Owane Sitewi lo marepi tote umasiteye su, le lai Meni Owane, Owane Sitewi metete nihari sahe teisiya ape, henerairowa. Le fisa'i topo lo Owane Sitewi ma'e nomo ne au au heseye su, Owane Sitewi lai yo seni luwaru werese nomo lo au sasari po'utesawirowa. Serai Owane Sitewi lo nihe se nomo lu taune wara'i a'i irorowa.