Jisas Krais lo Peri Heneruwe, Luk leseteye ape ne 22:36 - Saniyo-Hiyewe

³⁶ Sosu le lowe ma'e eiye, “Ahowa, weiya! Ane fene Owane Sitewi lo peri tame au te'e fiyariyei ne eimawesawiyei. Fene iyei su, fene ma'aru niye irosiya ape, fene fara'u aitire. Aiwawe a'i fene niye irosiya ape, fene fara'u aitire. Fene ipari mene'e pite a'i ariye su, fene ipari tahe fene lo meni ta fa etere. Sosu ma'aru aniyei su, fene ipari mene'e pite a'i etere.

Jisas Krais lo Peri Heneruwe, Luk leseteye ape ne 22:36 ပူးပေါင်းရင်းမြစ်များ

Matyu 10:10

Fene Owane Sitewi lo peri au te'eyei su, lu taune tamo fene ma'e etiri ayei ta aurowa. Serai fene niye ta owe ape aiti. Fene apou owe ape totere, ‘Ane lowe tahe hesi a'i fara'u aitiyei. Ane ipari tahe hesi a'i aiwawe a'i aitirowa.’ Ahowa, fene iyei su, ipari tahe ta'i ani asire. Sosu ire! Fene me epi owe ape aiti. Wiyawi meni ta wiyawi aniyei su, lu tamo etiri lo le ma'e fa aure.

Jisas Krais lo Peri Heneruwe, Luk leseteye ape ne 22:35

Sosu a'i pe Jisas lu disaipel lo ma'e te'eye, “Tu naifa ane fene Owane Sitewi lo peri au te'eyei ne eimawesawi su, fene ma'aru ipi, lowe tahe, niye fene lo aiti ta'ama. Ahowa, fene lau mase iroteye awere? Fene wesi sahe nihe howeiteye awere?” Lowe le ma'e itiya'u eiye, “Ahowa, nomo wisere a'i teinamiteye. Etiri werese po'ute se ta'ame.”

Jisas Krais lo Peri Heneruwe, Luk leseteye ape ne 22:37

Ane fene ma'e eisiya. Wanure! Tu naifa Owane Sitewi lo au te'e siye meni ta, le ane ne apou leseye, ‘Lu tamo meni ape kalabus wesi ma'e henetirowa su, le lu luwaru a'i mase irorowa.’ Ais 53:12 Aisaia ane ne apou leseye. Peri ape le leseye ape wiyeme a'i heneraiyei.”

Jisas Krais lo Peri Heneruwe, Luk leseteye ape ne 22:38

Sosu Jisas lo lu feni le ma'e itiya'u eiye, “Meni Owane ne siyere! Nomo ipari mene'e pite hesi a'i sato irosiya.” Sosu Jisas itiya'u eiye, “Fara'u papa. Nomo iyei ne.”

Jisas Krasi lo Peri Heneruwe, Jon leseteye ape ne 15:20

Lu tamo ane ma'e au luwaruweyei su, lowe fene ma'e aiwawe a'i au luwaruweyei. Lu taune tamo peri ano wanu umasiyei su, lowe peri fene lo aiwawe a'i wanu umasiyei. Peri ano tote tawesinamite. Tu ane fene ma'e apou au te'eye. Wiyawi yahowa'i siye meni lai wiyawi owane lo marepi unahi irosiya.

Jisas Krasi lo Peri Heneruwe, Jon leseteye ape ne 16:33

Peri werese ape ano ane fene ma'e au te'eye. Fene yo ano umasiyei su, fene marepi fetane a'i ani ironamiyei. Fene awei sato ironamisiya su, lowe fene ma'e au luwaruweyei. Fene marepi kairefi a'i totere. Ane lai awei lo yo seni werese a'i hi ani araro tepa'asiye.”

1 Tesalonaika 3:4

Pefine a'i nomo fene mase tu iroteye su, mi mi werese nomo fene ma'e apou au te'eteye, “Lu tewi tamo etiri luwaru a'i nomo werese ma'e au irorowa.” Serai lu tewi tamo fene ma'e au luwaruweye su, fene peri nomo lo tote anite tawesiye. Fene etiri ape so'oruwesiya.

1 Pita 4:1

Lu tamo owane Krais ma'e fofowei erasi au irowe su, serai fene yo seni lo erasi a'i totere! Fene yo seni lo apou ape umasinamite! Lu taune tamo Krais lo wiyawi ta'anerowawe, tahe pa'are lowe lo ma'e fofowei erasi a'i teriteyei su, lowe yo seni luwaru a'i marepi hepene towafi lowe lo papu iro ta'ame.