Jisas Krais lo Peri Heneruwe, Luk leseteye ape ne 21:31 - Saniyo-Hiyewe

³¹ Fene totere. Etiri werese awei sahe henerairowa ape fene siye so'oruwerowa su, fene aiwawe a'i Owane Sitewi lo nowe ape ataheyewa.

Jisas Krais lo Peri Heneruwe, Luk leseteye ape ne 21:31 ပူးပေါင်းရင်းမြစ်များ

Matyu 3:2

“Fene werese yo seni luwaru a'i me'iyeni ma'e atati arunatite! Wanure! Nowe ape Owane Sitewi lu taune werese au noweinoweinamirowa ape ataheyewa.”

Jisas Krais lo Peri Heneruwe, Luk leseteye ape ne 21:32

Ane peri wiyeme a'i fene ma'e au te'esiya. Wanure! Lu tewi werese awei sahe irorowa ape, lowe werese etiri werese ape mo siyerowa. Lu taune tamo temeniyerowata. Ahowa, etiri werese henerai tepa'asirowa su, lowe ta'i ta'i a'i temeniyerowa.

Hibru 10:37

Wiyeme a'i ne! Owane Sitewi lo one towe sahe apou te'esiya, “Nowe oso a'i su le si tame itorairowa. Ahowa, le witane a'i si itorairowa.

Jems 5:9

Meni ta peri luwaru a'i fene ma'e au te'eyei su, fene le ma'e ai peri itiya'u owe ape au te'ere. Fene meni ape lo yo seni owe ape au hese ereire. Fene le ma'e au hese ereiyei su, Meni Owane Pefine lai fene ma'e au hese eti ereiyei. Wanure! Meni Owane Pefine lu taune werese lo yo seni au hese ereiyei ape, ataheyeraiwa.

1 Pita 4:7

Nowe ye'ewi ataheyewa. Serai fene marepi wisere a'i tote etire. Fene yo seni wara'i a'i irote! Fene marepi wisere a'i toteyei su, fene fara'u Owane Sitewi ma'e au te'e tiyatiteyei.