Jisas Krais lo Peri Heneruwe, Luk leseteye ape ne 21:23 - Saniyo-Hiyewe

²³ Nowe ape se Owane Sitewi lo ai marepi lu taune werese ma'e irotorowa. Serai taune werese eime tahe se marepi orese a'i henerairowa. Taune werese eimane mo'u au arowa ape, lowe aiwawe a'i, marepi orese a'i teritenamirowa. Owane Sitewi lai awei pani werese fene lo ma'e au luwaruwerowa.

Jisas Krais lo Peri Heneruwe, Luk leseteye ape ne 21:23 ပူးပေါင်းရင်းမြစ်များ

Matyu 21:16

Lowe le ma'e te'e toweriye, “Ne peri ape eimane uteteye ape, wanusiya awere?” Sosu Jisas lowe ma'e itiya'u eiye, “Ei, fene Owane Sitewi lo peri one towe lo sahe peri ape apou siye te'eye awere? Owane Sitewi lo peri apou te'esiya, ‘Eimane oso werese a'i, eimane osu mai lo mo'u ani asiya ape, lowe ane ne au wisereyeyei ne totesiya. Serai lowe werese ane ne au te'e wisereyenamirowa.’” Sng 8:2

Matyu 21:41

Sosu lowe itiya'u eiye, “Le aiyerowa su, le wiyawi ani siye lu luwaru werese a'i lo ape ereti aniteyewe, sosu le lowe ma'e aine tera'erowa. Lowe werese temeniyerowa su, meni owane ape wiyawi ani siye lu tewi tere'e eteyei ne nehitirowa. Nowe me'iye henerairowa su wiyawi ani siye lu ape mo lowe meni owane ma'e wain sa'i tewi a'i si itiya'u aurowa.”

Matyu 21:44

{“Meni ta me tou ape hire sahe winetairowa su, me tou ape lai meni ape aine towesi haroharowerowa. Ahowa, me tou ape lai meni ta hire ma'e winetairowa su, meni ape awei peperi wou henerairowa. Fiyaru lai awei peperi ape fiyarisawirowa.”}

Matyu 24:19

Taune tamo, eimane tahe se irorowa ape, fene marepi orese erasi a'i teriterowa. Fene Weiyai! Taune tamo, eimane ma'e mo'u au arowa ape, fene weiyai! Fene marepi orese a'i teriterowa.

Krais lo Peri Heneruwe, Mak leseteye ape ne 13:17

Ahowa, taune eime tahe se, sosu taune, eimane towafi lowe lo mo'u au arowa ape, lowe weiyai! Lowe fofowei erasi teriterowa.

Jisas Krais lo Peri Heneruwe, Luk leseteye ape ne 19:27

Serai ane lu tewi tere'e ne au totesiya, lowe ane ne ai marepi erasi a'i totenamiteye. Lowe yo ano, meni owane wiyeme heneraiyei ne einamitereme. Ahowa, ane meni owane tutawe a'i henerai tepa'asiye. Serai fene lu tewi ape mo ane ma'e heneta. Fene lowe werese nihe ano se aine tera'ere!”

Jisas Krais lo Peri Heneruwe, Luk leseteye ape ne 19:43

Nowe me'iye su, ai lu tamo lai fene erasi aine tera'eyei ne toterowa. Lowe tapiye fisahe pite a'i omo ape sahe yoseti ta'ane ti tawesirowa. Lowe lu taune werese, papu irorowa ape, titairu tawesiyei ne toteye. Fene nowe ma'e itero henerowata.

Jisas Krais lo Peri Heneruwe, Luk leseteye ape ne 23:29

Wanure! Nowe ape se, lu tamo apou eiyei, ‘Taune werese waiyari a'i ape, taune werese mo'u fi foro'o a'i ta'ame ape, fene werese marepi wisere a'i nine'iteyei.’

1 Korin 7:26

Nowe pereye eite se nomo marepi orese luwaru a'i tamo teritesiya. Serai ane marepi ano fene ma'e au te'esiya. Meni ta yo'orei ki irosiya ape, le yo'orei ki ironamiteyei. Meni ta naituwei irosiya ape, le apou a'i ironamiteyei. Yo seni eite wisere a'i tene!

1 Tesalonaika 2:16

Nomo lu tewi tere'e Owane Sitewi lo peri au te'e fiyariye su, Juda lo lu tewi ape lai ahi nomo lo au einamiyei ne toteye. Lowe lu tewi tere'e, Jisas lo peri umasiteye ape, einamiyei ne toteye. Juda lo marepi sahe yo seni luwaru a'i teme'eriyeye. Yo seni luwaru a'i teme'eriyeye su, Owane Sitewi lai lowe ma'e ai marepi erasi toteye.

Hibru 13:16

Sosu aiwawe a'i fene lu taune ma'e yo seni wisere a'i irowei ne owe ape tote i'ane tiyatite. Fene lu taune ma'e, Jisas ne tote umasisiya ape, ma'e au feraferei tiyatite. Fene yo seni apou ape irowei su, fene etiri wisere a'i ta Owane Sitewi ma'e wou au heseyei. Sosu le fene ne wisereye nine'inamiteyei.

Jems 5:1

Sosu a'i pe fene werese, ma'aru etiri tomu ne'ese irosiya ape, ane fene ma'e au te'esiya. Nowe me'iye su fene marepi orese erasi a'i teritenamiyei. Fene luwei erasi irote. Fene etiri luwaru orese a'i teriteyei su, fene fofowei erasi a'i ne hare utete.

1 Pita 4:17

Nowe ataheyewa. Owane Sitewi lai yo seni werese au hese ereirowa. Nomo Jisas lo peri wanu tote tawesi umasisiya ape, pereye nowe eite se le yo seni nomo lo tu au hese ereisiya. Serai nomo fofowei oso a'i teritesiya. Lu taune tere'e, Owane Sitewi lo peri heneruwe me'iyeni ma'e atati awetowei ape, le yo seni lowe lo mo'o au hese ereirowa. Le lowe au hese erei tepa'asirowa su, le lowe ma'e fofowei erasi a'i au irowei.