Jisas Krais lo Peri Heneruwe, Luk leseteye ape ne 19:5 - Saniyo-Hiyewe

⁵ Sosu Jisas me sesi ma'e henerai su, le me ape hire ma'e aute siyeye. Le le ma'e apou eiye, “Sakius, ne witane a'i itora. Ane wesi no ma'e ne mase aiwawe iroteyei ne iyei.”

Jisas Krais lo Peri Heneruwe, Luk leseteye ape ne 19:5 ပူးပေါင်းရင်းမြစ်များ

Jisas Krais lo Peri Heneruwe, Luk leseteye ape ne 19:10

Ane, meni hire ma'e itorai ape, lu taune werese yo seni luwaru a'i ironamisiya ape, ane lai lowe ne siye nehiyei ne fai. Ane lowe siyeyei su, ane yo seni luwaru a'i lowe lo ani pamoweyei. Sosu ane lowe ma'e marepi hepene he'i a'i aurowa.”

Jisas Krais lo Peri Heneruwe, Luk leseteye ape ne 19:2

Omo ape sahe meni ta, iyape Sakius, iroteye. Meni ape takis ma'aru ani siye meni owane. Meni ape ma'aru tomu ne'ese iroteye.

Jisas Krais lo Peri Heneruwe, Luk leseteye ape ne 19:4

Sosu le Jisas siye ta'ame su, le soro ma'e iteroti iteye. Le me sesi hire ma'e Jisas siyeyei ne wiye. Jisas yo mai ape ma'e aiyeteye.

Jisas Krais lo Peri Heneruwe, Luk leseteye ape ne 19:6

Le Jisas lo peri wanuwe su, le me ape witane a'i itorai. Le Jisas eriteyewe, wesi lo ma'e heneti.

Jisas Krasi lo Peri Heneruwe, Jon leseteye ape ne 1:48

Sosu Nataniel Jisas ma'e ei toweriye, “Ne ane ne so'oruwe awere?” Sosu Jisas itiya'u eiye, “Ane tu ne me owarape unahi sahe siye onuwe. Mo'o, Filip lai ne ei aniye.”

Jisas Krasi lo Peri Heneruwe, Jon leseteye ape ne 14:23

Sosu Jisas le ma'e itiya'u eiye, “Lu taune ta ane ne marepi erasi a'i tote wawesiyenamisiya su, lowe peri werese ano wanu umasiyei. Sosu Owane Sitewi Tai Pefine a'i ano lowe ne marepi erasi a'i tote wawesiyenamiyei. Notosi lowe ma'e aiyeyei su, notosi lowe mase ironamiteyei.

2 Korin 6:1

Serai Owane Sitewi lai wiyawi lo nomo ma'e ta'aneyei ne auwe su, nomo fene ma'e peri kairefi se au te'e towerisiya. Fene le ne tote tawesi umasiyei su, fene ferafereiyei lo ape ne, marepi fene lo papu irosiya ape, yahowa'i a'i owe ape totete.

Efesus 3:17

Aiwawe a'i ane peri tere'e ta le ma'e ei towerisiya. Fene le ne tote tawesi umasisiya su, Krais lai marepi hepene fene lo papu ironamitorowa. Sosu marepi hepene lo sitewi fene lo fa heneraire. Fene lu taune tere'e ne tote wawesiye tiyatinamite.

Hibru 13:2

Lu taune tamo, fene so'oru ta'ama ape, wesi no sahe henerai su, fene lowe ma'e me'iyeni owe ape atati tei arute. Ahowa, fene lowe ma'e au isafiye nine'ite. Tu nowe ta se lu taune tamo meni ta ma'e au isafiyeteye su, lowe etiri ape so'oru ta'ama. Ahowa, meni ape le Owane Sitewi lo ipari wara'i a'i ne.

Kamapim Tok Hait 3:20

Wanure. Ane marepi hepene lo yo sahe teisiyawe, yo tewiye sahe aine ta'arusiya. Ane lowe ma'e peri utesiya. Lu taune tamo peri ano wanurowawe, marepi hepene lowe lo tosowei su, sosu ane marepi hepene lowe lo papu wirowa. Sosu ane lowe ma'e aiwawe a'i isafiye tiyatinamitorowa.