Jisas Krais lo Peri Heneruwe, Luk leseteye ape ne 19:13 - Saniyo-Hiyewe13 Le etiri werese ta'uweye su, le wiyawi yahowa'i a'i ta'ane siye lu ereti feni hesi (10) ei aniye. Sosu le lowe ma'e eiye, ‘Ane fene ta'i ta'i a'i ma'aru meni ta werese (20) auwei. Fene ma'aru meni ta werese ape se wiyawi erasi a'i au ta'anere. Serai ane si tame aiyeyei su, fene ma'aru tomu ne'ese werese a'i ane ma'e itiya'u aure.’ အခန်းကိုကြည့်ပါ။ |
Sosu mo'o meni owane ape wiyawi ani siye meni tere'e ei aniye. Meni ape meni owane lo ma'e henerai su, le, le se eiye, ‘Meni owane, ane marepi no so'oruwe tepa'asiye. Ne meni marepi kairefi luwaru a'i ne. Ne etiri tomu ne'ese ta'aneyei awei tere'e ma'e ani ta'uwerai. Ne lu tere'e lo me so asiye. Ane ne ne atoweiyesiya.
Ane peri eito eite au te'eyei su, ane lu lo marepi nine'iyei wanuwei ne totesiya awere? Opiyai! Ane Owane Sitewi lo marepi nine'iyei wanuwei ne totesiya awere. Ane lu taune ma'e marepi wisere a'i wanuwei ne totesiya awere? Ahowa, ane lu taune lo nine'iyei wanuwei ne toteyei su, ane Krais lo wiyawi yahowa'i siye meni irorowata.
Iyape ano Jems. Ane Owane Sitewi lo wiyawi yahowa'i ani siye meni. Ane Owane Jisas Krais lo wiyawi yahowa'i ani siye meni aiwawe a'i ne. Ane one towe eite Juda lo lu tewi niyene ereti feni hesi lowe hesi a'i (12) ma'e Jisas lo yo umasisiya ape lese ausawiyei. Ane fene werese ma'e omo pani werese howei fiyarisiya ape, lese ausawiyei. Ane fene werese eritesiya.
Ane, Saimon Pita, owane Jisas Krais lo wiyawi yahowa'i ta'ane siye meni. Le lai ane peri lo lu taune ma'e au te'e fiyariyei ne ariariyeye. Ane one towe eite fene ma'e, Jisas ne tote tawesi umasisiya ape, ausawiyei. Tote tawesiyei nomo lo sosu tote tawesi fene lo Owane Sitewi lo nihe se aiwawe a'i ne. Jisas Krais, Owane Sitewi nomo lo sosu meni ape yo seni luwaru a'i au sasari pamoweteye. Marepi hepene he'i a'i auwe ape yo seni wara'i a'i ironamiteye su, fene tote tawesiyei ape aniye.