Jisas Krais lo Peri Heneruwe, Luk leseteye ape ne 18:10 - Saniyo-Hiyewe

¹⁰ Sosu Jisas peri anowe lowe ma'e au te'eye. “Lu hesi Owane Sitewi lo wesi tutawe ma'e wiye. Lowesi Owane Sitewi ma'e au te'eyei ne toteye. Meni Farisi ta Moses lo yo peri werese umasinamiteye. Meni tere'e takis ma'aru ani siye meni. Lu taune werese meni apou ape toteye. Takis ma'aru ani siye lu werese lu luwaru a'i tene.

Jisas Krais lo Peri Heneruwe, Luk leseteye ape ne 18:10 ပူးပေါင်းရင်းမြစ်များ

Matyu 10:3

Filip, meni tere'e Bartolomyu, sosu Tomas, sosu Matyu, meni ape takis ma'aru ani se meni. Meni tere'e iyape Jems, Alfius lo meni eime, sosu meni tere'e Tadius.

Jisas Krais lo Peri Heneruwe, Luk leseteye ape ne 19:46

Le lowe ma'e apou uteye, “Wanure! Tu naifa weriyei meni ta apou leseye. ‘Wesi ano sahe fene lai Owane Sitewi ne au te'e wisereyesiya.’ Mal 3:1 Ahowa, fene Owane Sitewi lo wesi ape ta'arei wesi wou au iro henerai ne.”

Aposel 26:5

Lowe mi mi werese ane siye so'oruweteye. Lowe aiwawe a'i toteyei su, lowe peri wiyeme a'i ape fara'u ne ma'e au te'e areiyerowa. Ane Farisi lo marepi werese umasi etiteye su, lowe fara'u ne ma'e au te'e areiyerowa.

Aposel 3:1

Sosu a'i pe Pita, sosu Jon lowesi, poweiye wati su, Owane Sitewi lo wesi tutawe ma'e wiye. Poweiye wati su, Juda lo lu taune Owane Sitewi ma'e au te'e tiyatinamiteye.

Filipai 3:5

Mai ano ane auteiye su, nowe ereti feni werese feni hesi heta i tepa'asiye su, lowesi ane Owane Sitewi lo wesi ma'e tahe ano towei ne heneti. Ane Israel lo lu tewi pefine a'i ne. Ane Benjamin lo lu feni ma'e fai. Ane Hibru lo meni pefine a'i henerai. Tai mai ano aiwawe a'i Hibru lo lu feni ma'e fai. Ane Moses lo yo peri werese tote umasinamiteye. Serai ane meni Farisi henerai.