Jisas Krais lo Peri Heneruwe, Luk leseteye ape ne 11:10 - Saniyo-Hiyewe

¹⁰ Lu taune werese Owane Sitewi ma'e ei toweriteyei su, le a'i lai lowe ma'e etiri ape auwei. Lowe Owane Sitewi ma'e siye nehi etiteyei su, le lai lowe ma'e au atuatu areiyeyei. Lowe Owane Sitewi lo yo tewiye sahe ereti se aineteyei su, le a'i lai yo ape lo lowe ne ani tosowei.

Jisas Krais lo Peri Heneruwe, Luk leseteye ape ne 11:10 ပူးပေါင်းရင်းမြစ်များ

Matyu 5:42

Sosu meni ta fene ma'e etiri ta ne ei toweriyei su, fene etiri ape le ma'e fu aure! Meni ta fene ma'e etiri neri a'i fa au ne ei toweriyei su, fene le ma'e etiri neri a'i fa aure!”

Matyu 7:8

Lu taune werese etiri ta Owane Sitewi ma'e te'e toweriyei su, Owane Sitewi lai lowe ma'e etiri ape aurowa. Lu taune werese etiri ta ani nehitiyei su, Owane Sitewi lai lowe ma'e au atuaturowa. Lu taune werese yo sahe ereti se aine ta'aruwei su, Owane Sitewi lai lowe ma'e yo ape au tosorowa.

Jisas Krais lo Peri Heneruwe, Luk leseteye ape ne 11:11

Ane fene, aite werese ne, eisiya. Meni eime no, ne ma'e hare ta'i ei toweriraiyei su, ne haru aimesi le ma'e aurowa awere? Ahowa!

Jisas Krais lo Peri Heneruwe, Luk leseteye ape ne 11:9

Sosu ane fene ma'e eisiya, fene Owane Sitewi ma'e etiri ta ne te'e toweriyei su, le fene ma'e aurowa. Fene Owane Sitewi lo marepi siye so'oruweyei ne toteyei su, le a'i lai fene ma'e marepi lo ne au atuatu areiyerowa. Ne Owane Sitewi lo yo tewiye sahe ereti se aineyei su, le ne ne yo ape au ani tosorowa.

Jisas Krais lo Peri Heneruwe, Luk leseteye ape ne 18:1

Sosu a'i pe Jisas lu disaipel lo ma'e peri anowe ta au te'eye. Le lowe ma'e apou au te'eye, “Fene mi mi werese Owane Sitewi ma'e fa te'e towerinamire! Fene Owane Sitewi ma'e te'e toweriyei su, fene marepi orese a'i owe ape totere. Owane Sitewi lai peri fene lo wanuwei.”

Jems 4:3

Aiwawe fene Owane Sitewi ma'e etiri ta te'e toweriyei su, sosu fene etiri ape ani ta'ame. Piyene awere? Wanure! Fene marepi luwaru a'i se Owane Sitewi ma'e te'e toweriyei su, Owane Sitewi fene ma'e aurowata. Owane Sitewi lai marepi fene lo siye so'oruwe tepa'asiye. Fene Owane Sitewi ma'e apou te'e toweriyei su, “Owane Sitewi, ne etiri ape ane ma'e aure. Ne ane ma'e auwei su, ane marepi wisere a'i totenamisiya.” Ahowa, Owane Sitewi lai marepi luwaru a'i fene lo siye ereisiya. Serai le etiri ta aurowata.

Jems 5:11

Lu ape mo, lowe lai fofowei erasi a'i teriteteye. Sosu lowe Owane Sitewi lo marepi ne kairefi a'i teinamiteye. Serai nomo lowe ne apou te'esiya, “Lu ape mo wisere a'i ne!” Tu naifa weriyei Owane Sitewi lo one towe sahe meni ta iyape Jop, fene meni ape lo peri heneruwe wanuwe awere? Le marepi orese tomu ne'ese a'i teritenamiteye. Sepei Satan lai nohuweripi awaripi lo au luwaruweye. Le enite kairefi a'i tahe werese lo sahe au fuwe. Etiri werese lo yehe ti sero'o po'uteye. Weiya! Etiri orese tomu ne'ese meni ape au napetu luwaruweye su, le Owane Sitewi lo ne kairefi a'i teinamiteye. Sosu etiri orese a'i po'uteye su, Owane Sitewi lai le ma'e marepi ferafereiyei lo auwe. Le meni ape etiri wisere tomu ne'ese si itiya'u tame auwe.