Jisas Krais lo Peri Heneruwe, Luk leseteye ape ne 10:11 - Saniyo-Hiyewe

¹¹ ‘Peri nomo lo wanure! Peperi werese fene lo lowe nomo lo sahe nate tawesisiya su, nomo peperi werese au sasariyei. Nomo peperi fene lo au sasariyei su, marepi sitewi apou a'i totesiya, Owane Sitewi lai fene ma'e ai marepi totenamisiya. Fene werese etiri ta ani so'oruwere. Nowe ape se, Owane Sitewi lu taune au noweinoweirowa ape, wiyeme a'i fene ma'e ataheyewa.’

Jisas Krais lo Peri Heneruwe, Luk leseteye ape ne 10:11 ပူးပေါင်းရင်းမြစ်များ

Matyu 10:14

Lu tamo fene ma'e isafiye ta'ame su, sosu peri fene lo wanu arisiyei su, fene wesi ape, omo ape arunatire. Fene wesi omo ape arunatiyei su, fene awei peperi lowe tahe irosiya ape, ato periperenatire.

Matyu 10:7

Fene iyei su, fene lu taune werese ma'e peri apou au te'e fiyarire. Nowe ape se Owane Sitewi lai lu taune werese ma'e au noweinoweirowa ape ataheyewa.

Matyu 3:2

“Fene werese yo seni luwaru a'i me'iyeni ma'e atati arunatite! Wanure! Nowe ape Owane Sitewi lu taune werese au noweinoweinamirowa ape ataheyewa.”

Krais lo Peri Heneruwe, Mak leseteye ape ne 6:11

Fene omo ta Owane Sitewi lo peri au te'e fiyariyei ne iyei su, lu taune ape mo peri fene lo wanu ta'ame, fene omo ape arunatire. Omo nowe ma'e iyei su, fene awei peperi lowe tahe sahe iroteyei ape ani ato periperenatiyei su, lu taune werese etiri ape siye so'oruwerowa. Owane Sitewi lai lowe ma'e ai marepi erasi a'i totesiya.”

Jisas Krais lo Peri Heneruwe, Luk leseteye ape ne 10:10

Ahowa, fene omo ta ma'e wiyei su, lu taune fene erite ta'ame su, fene omo lo pani amerame a'i ma'e ire! Lu taune werese ma'e apou eire,

Jisas Krais lo Peri Heneruwe, Luk leseteye ape ne 10:9

Lu taune ta u tahe se, fene u tahe lowe lo au ta'ane fara'uwere! Sosu lowe ma'e eiye, ‘Nowe ape se, Owane Sitewi lu taune au noweinoweirowa ape, fene mase ataheyewa!’

Jisas Krais lo Peri Heneruwe, Luk leseteye ape ne 9:5

Lu taune tamo lai fene ma'e erite ta'ame su, fene lowe me'iyeni ma'e atati arure. Fene omo lowe lo arunatiyei su, fene awei onopu, lowe fene lo sahe irowei ape, aine tasenere. Fene peperi ato periperenatiyei su, fene lowe ma'e Owane Sitewi lo ai peri au atuatu areiyeyei.”

Aposel 13:26

Kaiyemo mo ano, Abraham lo lu tewi, sosu lu tewi tere'e tere'e, Owane Sitewi ne marepi erasi a'i tote etiteye ape, wanure! Owane Sitewi lai marepi hepene he'i a'i lo peri fene ma'e ausai.

Aposel 13:40

Sosu Weiyai! Fene Owane Sitewi lo au te'e siye lu lo peri wanu etire. Fene peri lowe lo wanu ta'ame su, etiri ape mo fene ma'e henerairowa. Lowe apou leseye,

Aposel 13:46

Sosu Pol, Barnabas aiwawe a'i lowesi lowe ma'e itiya'u peri kairefi a'i se apou te'eye, “Tutawe nomo fene ma'e, Juda lo yo peri umasisiya ape, Jisas lo peri au te'eye. Ahowa, fene peri ape wanu tote tawesi ta'ame su, serai fene apou totesiya, ‘Nomo lu yahowa'i a'i ne. Nomo marepi hepene he'i a'i mi mi pasi pasi anirowata.’ Fene le ne tote tawesi ta'ame. Serai, nomo a'i lai lu tewi tere'e ma'e au te'e fiyariyei.

Aposel 13:51

Sosu a'i pe lowesi omo arunati su, lowesi lowe lo oro'oru werese sasari arosawi. Lowesi oro'oru sasari arosawi su, lowesi lu taune werese ma'e, Owane Sitewi lai lowe me'iyeni atati arunati ape, atuatuwe. Sosu lowesi omo Aikoniam ma'e fi.

Pol One Towe eite Omo Rom maꞌe Lese Ausawi 10:21

Ahowa, meni Aisaia Owane Sitewi lo peri Israel lo lu tewi ape ne apou leseye. “Fene peri ano arisinamiteye. Sosu marepi fene lo luwaru kairefi a'i iroteye. Mi mi weriyei, ane fene ne ninawenamiteye. Ahowa, fene werese ane me'iyeni ma'e atati arunatinamiteye.” Ais 65:2

Pol One Towe eite Omo Rom maꞌe Lese Ausawi 10:8

Owane Sitewi lo one towe sahe apou leseye, “Owane Sitewi lo peri pefine a'i fene ma'e atahe a'i ironamisiya. Peri pefine ape ahi fene lo papu irosiya. Aiwawe a'i Owane Sitewi lo peri pefine a'i marepi fene lo papu ironamisiya.” Lo 30:14 Owane Sitewi lo peri pefine a'i ape ne nomo fene ma'e au te'e areiyenamisiya. Owane Sitewi lo peri pefine ape apou ape lu taune werese Krais ne tote tawesinamisiya.

Hibru 1:3

Meni eime lo lai Owane Sitewi lo mi erasi pefine a'i au tewi mitaiyenamiteye. Sosu Marepi werese lo ape, sosu yo seni wara'i werese a'i lo, lowe Owane Sitewi ne aiwawe pefine a'i tene! Kairefiyeyei erasi lo se le omo pani, etiri werese ma'e au te'esiyawe, lowe peri lo wanu umasinamiteye. Le nomo au ta'ane fareraiyeye su, nomo lu taune aseyaro farere a'i henerai. Wiyawi ape ta'ane tepa'asiye su, le Owane Sitewi Pefine a'i lo ereti eyate feni sahe onunamiteyei ne wiye.