Jisas Krais lo Peri Heneruwe, Luk leseteye ape ne 1:33 - Saniyo-Hiyewe

³³ Sosu meni eime ape Meni Owane Pefine a'i henerairowa su, le ya'ariyei Jakop lo lu tewi werese mi mi pasi pasi weriyei au noweinoweirowa. Kairefiyeyei lo po'uterowata.”

Jisas Krais lo Peri Heneruwe, Luk leseteye ape ne 1:33 ပူးပေါင်းရင်းမြစ်များ

Matyu 1:1

Ane, iyape ano Matyu, peri ape ne Jisas lo ya'ariyei lo lu tewi werese au lesesiya. Jisas Krais lo ya'ariyei sitewi aiwawe a'i Devit. Devit lo ya'ariyei sitewi aiwawe a'i Abraham.

Matyu 28:18

Sosu Jisas lowe ma'e henerai su, le lowe ma'e apou eiye, “Owane Sitewi lai ane ma'e kairefi erasi a'i auwe. Kairefiyeyei werese hire ma'e irosiya ape, le ane ma'e au tepa'asiye. Aiwawe a'i kairefiyeyei werese hi awei sahe irosiya ape, le ane ma'e au tepa'asiye.

Jisas Krais lo Peri Heneruwe, Luk leseteye ape ne 1:34

Sosu menitani Maria ipari Gebriel ma'e itiya'u eiye, “Ne piye te'esiya awere? Ane meni ta mase howei ta'ame. Ane eime tahe se ta'ama.”

Pol One Towe eite Omo Rom maꞌe Lese Ausawi 9:6

Ahowa, Owane Sitewi lo peri te'e naneiyei pefine a'i lai lowe ma'e winetai ta'ame. Ahowa, Owane Sitewi lo peri te'e naneiyei weriyei weriyei iro kairefiyenamitorowa. Israel lo lu tewi tamo, lowe ya'ariyei Israel pefine wou a'i henerai ta'ame.

Galesia 3:29

Fene Krais lo lu tewi pefine a'i iroteye su, fene Abraham lo eimane auwe wou a'i ne. Serai etiri Owane Sitewi lai Abraham au te'e naneiye ape, fene Owane Sitewi lo etiri aiwawe a'i anirowa.

Galesia 6:16

Sosu lu taune Krais lo yo peri ape tote umasisiya ape, ane lowe ne Owane Sitewi ma'e ei towerisiya. Owane Sitewi lai lowe ma'e marepi fetane pefine a'i sosu ferafereiyei lo mi mi weriyei weriyei au ironamitorowa. Ei, Owane Sitewi lai marepi fetane a'i lo, sosu ferafereiyei lo lu tewi pefine a'i lo ma'e weriyei weriyei au ironamitorowa.

Filipai 3:3

Nomo Meni Owane Krais lo marepi tote tawesi umasiyei su, Owane Sitewi lai yaru lo ta nomo ma'e au furowa. Nomo Owane Sitewi lo lu taune pefine a'i henerairowa. Nomo Owane Sitewi ma'e Hepene Wara'i a'i lo se au nine'i wisereyerowa. Nomo Meni Owane Krais ma'e nateyei su, marepi hepene nomo lo tote nine'i wisereyerowa. Nomo awei yo seni weriyei tote umasinamitorowata.

Hibru 1:8

Ahowa le meni eime lo ma'e apou te'eye, “Ne lai Owane Sitewi a'i ne. Ne me tuto'u tutawe ape sahe mi mi pasi pasi weriyei onunamitorowawe, lu taune werese au noweinoweinamitorowa. Ne marepi farere a'i se lu taune werese lo yo seni au hese ereirowa.

Kamapim Tok Hait 11:15

Sosu a'i pe Owane Sitewi lo ipari to'u mene'e mapefuwe lo fateye. Sosu peri erasi tamo ni'arawe ma'e kairefi a'i apou uteye, “Owane Sitewi nomo lo sosu meni ape le hi awei ma'e eimawe arosai ape, lowesi lai yo seni luwaru a'i ape mo hi ani araro sasari pamoweteye. Lowesi meni Owane tutawe heneraiyewe, lu taune omo omo pani werese irosiya ape, au noweinoweinamitorowa.”