Kolosi 3:18 - Saniyo-Hiyewe

¹⁸ Sosu a'i pe taune meni se ane fene ma'e te'esiya. Fene meni fene lo unahi ironamite. Peri lowe lo fene wanu umasite. Fene Meni Owane Krais ne au nine'iyei ne toteyei su, fene yo seni apou ape irote.

Kolosi 3:18 ပူးပေါင်းရင်းမြစ်များ

Aposel 5:29

Sosu a'i pe Pita lu feni mase lowe itiya'u te'eye, “Nomo Owane Sitewi lo peri wiyeme a'i umasiyei. Nomo lu lo peri umasirowata.

1 Korin 11:3

Sosu ane peri tere'e fene ma'e au te'esiya. Fene peri ano wanu etire. Meni Krais, le a'i lai lu werese lo Meni Owane ne. Menitani lo meni owane apou a'i meni lo ne. Meni owane ape tani lo marepi au noweinoweisiya. Sosu Owane Sitewi, le a'i lai Krais lo Meni Owane Pefine a'i ne. Meni ta Owane Sitewi ma'e au te'eyei su, le mato lo tuhe ani tahe ani asire. Serai le yo seni wisere a'i irowei. Meni ta Owane Sitewi lo marepi au te'e fiyariyei su, le mato tuhe ani tahe ani asire. Le mato lo napetuwei ape, Owane Sitewi ma'e au te'eyei su, le Krais ma'e au neritaseyeyei.

1 Korin 14:34

Fene Owane Sitewi ne au te'e nine'iyei ne ta'uweraiyei su, taune werese Owane Sitewi lo wesi sahe peri owe ape te'ere. Owane Sitewi lo yo peri, apou a'i te'eye, “Taune werese towafi lowe lo unahi ironamite.”

Efesus 5:22

Taune, fene Meni Owane Pefine tote umasisiya ape, fene meni towafi fene lo saro unahi ironamite.

Efesus 5:3

Tafa'e yo seni luwaru a'i fene mase owe ape ironamite. Aiwawe a'i fene yo seni unou a'i apou ape owe ironamite. Fene etiri werese owe ape siye wisereyenamite. Owane Sitewi lo lu tewi pefine a'i etiri werese apou ape mo, lowe fa owe ape irote. Etiri werese ape mo luwaru a'i tene.

Efesus 5:9

Mitaiyeyei ape papu etiri hesi heta irosiya. Etiri wisere werese a'i ne, sosu yo seni wara'i a'i ne, sosu peri wiyeme a'i ne.

1 Timoti 2:12

Taune werese ape mo lu werese owe ape au te'e atuatute. Sosu lowe lu tamo ma'e owe ape au te'e kairefiyete. Ahowa, lu taune ta'uweyei su, taune werese owe ape te'ete.