Apou aiwawe a'i ane, meni hire ma'e itorai ape, ane hi awei ma'e lu taune ane ma'e wiyawi fa au ta'aneyei ne itorai ta'ama. Ane hi awei ma'e lu taune werese ne au temeniyeyei ne itorai. Ane lu taune tomu ne'ese ne au ferafereiyei ne itorai. Ane temeniyerowa su, ane lu taune tomu ne'ese si tame ete hene anirowa.”
Kolosi 1:14 - Saniyo-Hiyewe14 Meni eime pefine lo lai yo seni luwaru werese a'i nomo lo si eteyewe, au ani sasarisawi. Serai nomo le ne tote tawesi umasiyei su, le yo seni luwaru werese a'i nomo lo au ani pamowe sasarisawirowa. Le a'i lai yo seni luwaru werese a'i nomo lo tote i'anenatinamirowa. အခန်းကိုကြည့်ပါ။ |
Kolosi 1:14
32 ပူးပေါင်းရင်းမြစ်များ
Sosu Pita itiya'u apou eiye, “Fene marepi fene lo yo seni luwaru a'i atati tote awetore. Yo seni luwaru a'i atati arunatiyei su, fene ta'i ta'i a'i sa'i au ani hure. Fene Jisas lo iyape se ei aniyei su, Owane Sitewi yo seni luwaru a'i fene lo ani sasari pamowerowa. Yo seni luwaru a'i au sasari pamoweye su, Owane Sitewi lai Hepene Wara'i a'i lo marepi hepene fene lo papu neri a'i se eimawe arosairowa.
Ane lai ne lu taune tomu ne'ese ma'e au te'e fiyariyei ne eimawesawirowa. Lowe peri ano, ne au te'e fiyariyei ape, wanuwe su, lowe yo seni luwaru a'i towafi lowe lo aresaiye atati arunatirowa. Lowe Owane Sitewi ma'e si tame atati toterowa. Pereye lowe pasi wou a'i iroteye. Lowe peri ano umasirowa su, lowe mi a'i wou a'i tei irotorowa. Lowe sepei Satan lo kairefi fa atati arunatirowa su, lowe Owane Sitewi ne umasirowa. Lowe ane umasirowa su, Owane Sitewi lai yo seni luwaru a'i lowe lo au ani sasari pamowerowa. Lowe yo seni luwaru a'i lowe lo au ani sasari pamowerowa su, Owane Sitewi lu taune werese lo aiwawe omo hire ma'e hene ani wirowa.’
Fene, Krais lo peri wanu umasinamiteye ape, Owane Sitewi lai fene Krais Jisas papu hene ani funamiteye. Krais Jisas, marepi wisere pefine a'i, Owane Sitewi ma'e fai ape, henerai. Serai le marepi wisere pefine a'i nomo lo, lo sitewi ne. Le yo seni wara'i a'i nomo lo, lo sitewi ne. Owane Sitewi lai fene siyesiya su, le Krais Jisas lo yo seni wara'i a'i, fene papu irosiya ape, siyesiya. Sosu le lai fene ma'e Krais Jisas se marepi hepene he'i a'i auwe. Serai fene mi mi pasi pasi lu taune wara'i a'i ironamirowa.
Serai Moses lo yo peri ape nomo ma'e au luwaruweteye. Ahowa, Krais lai nomo si tame ete hene aniye. Le yaru nomo lo atati aniye. Serai yo seni luwaru werese a'i nomo lo le lai aniye. Owane Sitewi lo peri one towe sahe apou leseye, “Meni ta me tape'i sahe aine tawere tawesiye su, le Owane Sitewi lo ai marepi unahi iroteye.” Lo 21:23
Fene marepi wisere a'i Owane Sitewi lo lu taune ma'e iro tiyatinamite. Lowe ma'e marepi tote wawesiye tiyatinamite. Owane Sitewi lai Krais se yo seni luwaru a'i fene lo tote i'aneyewe, ani sasarisawi. Serene lu taune tamo fene ma'e au luwaruweyei su, fene yo seni luwaru a'i lowe lo fa tote i'anenamite.
Mi mi weriyei lu taune ma'e marepi wawesiyeyei au atuatunamite. Krais nomo ma'e marepi erasi a'i tote wawesiyeteye su, fene lu taune tere'e ma'e tote wawesiyenamite. Krais lai nomo ne au temeniyeye. Le me tape'i sahe temeniyeye su, le Owane Sitewi lo au heseyei heneri wisere a'i le ma'e henerai. Serai Owane Sitewi le ne marepi wisereye nine'inamisiya.
Tu naifa fene yo seni luwaru a'i ironamiteye su, marepi hepene fene lo temeniyeye. Marepi luwaru a'i fene nate tawesinamiteye. Ahowa. Fene meni Krais ne tote tawesi umasiye su, Owane Sitewi lai fene marepi hepene he'i a'i au ta'aneye. Sosu le yo seni luwaru werese a'i fene lo tote i'anenamiye. Fene Krais mase hepene norohu he'i a'i ironamisiya.
Fene kaiyemo mo fene lo ma'e ai marepi owe ape tote tiyatite. Ahowa, fene lu taune lo yo seni luwaru a'i tote i'ane arosawi tiyatite. Lu tamo fene ma'e au luwaruweyei su, fene yo seni lowe lo tote i'anenamite. Tu naifa fene yo seni luwaru a'i ironamiteye. Meni Owane Pefine a'i lai yo seni luwaru a'i fene lo au ani sasari pamoweye. Serai fene lu taune tere'e lo yo seni luwaru a'i tote i'anenamite.
Meni ape lai Owane Sitewi ma'e tahe pa'are lo au hese ereiye. Serai le tahe pa'are lo au hese ereiye su, Owane Sitewi lai yo seni luwaru werese a'i nomo lo le ma'e fu arosawi. Nowe ape wiyeme a'i henerai. Apou a'i nowe wiyeme ape se Owane Sitewi lai lu taune werese marepi hepene he'i a'i auwei ne totesiya.
Tu naifa le nomo ne temeniyeye. Le nomo ne temeniyeye su, le yo seni luwaru werese a'i nomo lo si tame ete hene aniyewe, au pamowe sasarisawi. Le marepi hepene nomo lo aseyaro a'i au irorowa. Serai nomo werese a'i marepi hepene a'i aseyaro a'i henerai tepa'asiye ape, nomo Owane Sitewi lo lu taune aseyaro heneraiyei. Serai nomo wiyawi wisere a'i ta'ane tohoteyei.
Serai Krais ta'uweyei wesi tewi tutawe ape nowe ta'i ta se awera'iyenatiyewe, Wesi Tewi Wara'i Pefine a'i papu wiye su, le fe meme, fe bulmakau lo fisa'i se Wesi Tewi Wara'i a'i Owane Sitewi ma'e au heseyei ne wi ta'ame. Ahowa, le fisa'i topo lo se nomo ne au heseyei ne wiye. Serai le nomo ne si tame ete hene aniyewe, nomo ma'e marepi hepene norohuwe he'i a'i mi mi pasi pasi weriyei ironamitorowa ape, auwe.
Krais nowe ta'i a'i se yo seni luwaru werese a'i ani sasari pamoweyei ne temeniyeye. Serai nomo mi mi pasi pasi temeniyerowata. Le yo seni aseyaro wara'i a'i ironamiteye. Nomo werese yo seni luwaru a'i ironamiteye. Serai le yo seni luwaru werese nomo lo ani sasari pamowe po'utesawi. Sosu le nomo werese Owane Sitewi ma'e heneti. Lu tamo tahe pa'are me tape'i sahe aine tera'e ti tawesiye. Ahowa, Owane Sitewi lai hepene lo fisiye papu si tame ta'ane norohuwe sineye. Pereye le mi mi pasi pasi hepene se ironamisiya.
Lu tewi ape mo lai lowe taune tafa'e yo seni luwaru a'i irote ta'ame. Ahowa, lowe werese yo seni aseyaro a'i ne. Lowe fe sipsip yene mo'o umasititeye. Owane Sitewi lai lowe lu taune werese tiyati ponei sahe si ete hene aniye. Serai lu ape mo lowe lu tewi tutawe Owane Sitewi ma'e, sosu fe sipsip yene ma'e aiwawe a'i au hese ereiteye.
Lowe omoyawi he'i a'i sinesiya, apou te'esiya. “Ne meni owane wara'i a'i ne. Ne fara'u one towe ape lo me unere lo fito, nate tawesiye ape, fara'u erau toso fiyarirowa. Tu naifa lu tamo ne aine tera'eye. Sosu lowe ne aine tera'eye su, fisa'i no lu taune werese ne si ete hene aniye. Lu taune ape mo Owane Sitewi lo lu taune pefine henerai. Lu taune omo omo werese ma'e ete hene aniye. Lu taune peri tere'e tere'e se ape mo ete hene aniye. Lu taune tahe tere'e tere'e se ape mo ma'e ete hene aniye. Sosu lu taune niyene werese ape mo ma'e ete hene aniye.
ကြော်ငြာတွေ