Jisas Krasi lo Peri Heneruwe, Jon leseteye ape ne 7:42 - Saniyo-Hiyewe

⁴² Tu naifa weriyei Owane Sitewi lo peri apou leseteye, ‘Krais, Devit lo ya'ariyei lu feni. Devit lo omo sitewi iyape pani Judia sahe Betlehem ma'e fai.’” Sng 89:3-4; Mai 5:2

Jisas Krasi lo Peri Heneruwe, Jon leseteye ape ne 7:42 ပူးပေါင်းရင်းမြစ်များ

Matyu 1:1

Ane, iyape ano Matyu, peri ape ne Jisas lo ya'ariyei lo lu tewi werese au lesesiya. Jisas Krais lo ya'ariyei sitewi aiwawe a'i Devit. Devit lo ya'ariyei sitewi aiwawe a'i Abraham.

Matyu 2:5

Sosu lowe le ma'e itiya'u eiye, “Krais nomo lo omo Betlehem pani tewi Judia sahe henerairowa. Owane Sitewi lo peri au te'e siye meni apou leseye,

Matyu 2:6

‘Fene lu taune werese omo Betlehem pani tewi Judia sahe irosiya. Omo Betlehem fene iyape erasi irosiya. Fene omo tomu ne'ese fene ma'e hi ani ararowe. Wanure! Meni ta, meni owane tutawe fene ma'e aiyerowa ape, henerairowa su, le Israel lo lu taune werese au noweinoweirowa.’” Mai 5:2

Jisas Krais lo Peri Heneruwe, Luk leseteye ape ne 2:11

Pereye, Devit lo omo sitewi sahe, menitani ta meni eime poto auteiye. Tu naifa weriyei Owane Sitewi lai meni eime poto ape ariariyeye. Meni eime ape lu taune werese lo seni luwaru a'i au ta'ane sasarirowa. Le a'i lai meni owane Krais. Meni ape Owane Sitewi lai ariariyeye. Fene iyei su, fene meni eime poto fara'u siyerowa.

Jisas Krais lo Peri Heneruwe, Luk leseteye ape ne 2:4

Sosu a'i pe meni ta iyape Josep omo Nasaret arunatiyewe, omo Betlehem ma'e yaneye. Omo Nasaret pani tewi Galili sahe iroteye. Sosu omo Betlehem pani tewi Judia sahe iroteye. Piyene Josep omo Betlehem ma'e yaneye awere? Omo Betlehem ya'ariyei Devit lo omo sitewi a'i ne. Josep Devit lo meni lu te'eye. Serai le omo Betlehem ma'e yaneye. Le menitani ta mase, naituwei ei naneiye ape, omo Betlehem ma'e yaneye.

Jisas Krasi lo Peri Heneruwe, Jon leseteye ape ne 7:27

Ahowa, meni ape lo omo sitewi nomo so'oruwe tene! Ahowa, meni ape Krais heneraiyei su, omo lo sitewi lu taune werese so'oruwe ta'ama.”