Jisas Krasi lo Peri Heneruwe, Jon leseteye ape ne 5:25 - Saniyo-Hiyewe25 Wiyeme a'i ne! Ane fene ma'e eiwa. Peri ano wiyeme a'i ne. Nowe ta ataheye heneraiwa. Ahowa, nowe eite henerai tepa'asiye. Lu taune werese yo seni luwaru a'i ironamisiya. Lowe Owane Sitewi lo meni eime lo peri no'u a'i wanuwei. Lu taune tamo peri no'u lo wanuwei su, lowe mi mi pasi pasi weriyei marepi hepene he'i anirowa. အခန်းကိုကြည့်ပါ။ |
Jisas Krasi lo Peri Heneruwe, Jon leseteye ape ne 5:25
19 ပူးပေါင်းရင်းမြစ်များ
Ahowa, Jisas le ma'e itiya'u eiye, “Lu tamo peri ano wanu umasi se ta'ama ape, lowe fara'u tahe pa'are werese towasi nariyei. Ne lai Owane Sitewi lo nowe se, le lu taune werese au noweinoweitorowa ape, ne lu taune ma'e omo omo werese sahe au te'e fiyarite. Ne lai Owane Sitewi lo kairefiyeyei ne omo omo werese sahe lu taune ma'e au te'e fiyarite.”
Juda lo ta'uwe hereiyei tutawe, iyape Pasova, atahe a'i heneraiyei. Sosu Jisas, temeniyete lo atahe a'i heneraiyei ape, so'oruweye. Le awei eite arunatiyei, sosu Owane Sitewi Tai Pefine a'i lo omo hire ma'e wiyei. Lu taune werese Jisas lo yo umasiye ape, lowe awei ma'e ironamiteye. Le lowe werese arunatiyei. Le lowe werese ne marepi erasi a'i tote wawesiyenamiteye. Sosu aiwawe le lowe werese mi mi pasi pasi marepi erasi a'i tote wawesiyenamirowa.
Wiyeme a'i ne. Nowe ta aiyeyei. Ahowa, nowe eite henerai tepa'asiye. Lu taune werese Owane Sitewi Tai Pefine a'i ma'e wiyeme a'i au te'e wisereyesiya ape, lowe peri wiyeme a'i au te'e wisereyesiya. Sosu marepi lo se Owane Sitewi ma'e au te'e wisereyesiya. Lu taune Owane Sitewi ma'e apou au te'e wisereye irosiya su, Owane Sitewi Tai Pefine a'i lai lowe ne marepi wisere a'i totenamisiya.
Fene marepi tomu ne'ese owe ape totere. Nowe ta ataheyeraiwa. Lu taune werese, fisiye yo sahe irosiya ape, Owane Sitewi lo meni eime lo peri ahi wanuwei su, lowe werese marepi hepene aniyei, sosu fisiye nowe ma'e heneraiyei. Lu taune werese yo seni wisere a'i iroteye ape, Owane Sitewi lai lowe ma'e si tame norohuwe hene aniyei. Sosu mi mi pasi pasi weriyei tei ironamirowa. Sosu aiwawe lu taune werese, yo seni luwaru a'i iroteye ape, Owane Sitewi lai lowe ma'e si tame hene aniyei. Sosu yo seni werese lowe lo au hese ereirowa. Serai lowe werese mi mi pasi pasi weriyei temeniye ironamitorowa.
Nomo yo seni luwaru a'i Owane Sitewi ma'e iroteye su, marepi hepene nomo lo temeniyeye. Ahowa, nomo Krais ne tote tawesi umasiteye su, Owane Sitewi lai marepi hepene he'i a'i nomo ma'e auwe. Owane Sitewi fene ma'e ferafereiyei lo au atuatuwe su, fene marepi hepene temeniyeteye ape, awera'iyenatiyewe, sosu le fene ma'e marepi hepene he'i a'i aunamiye.
Tu naifa fene yo seni luwaru a'i ironamiteye su, marepi hepene fene lo temeniyeye. Marepi luwaru a'i fene nate tawesinamiteye. Ahowa. Fene meni Krais ne tote tawesi umasiye su, Owane Sitewi lai fene marepi hepene he'i a'i au ta'aneye. Sosu le yo seni luwaru werese a'i fene lo tote i'anenamiye. Fene Krais mase hepene norohu he'i a'i ironamisiya.
“Sosu a'i pe ne Owane Sitewi lo ipari wisere a'i ape ma'e, lu taune, Omo Sadis sahe au noweinoweinamisiya ape, peri eite lese ausawire. Meni ape Owane Sitewi lo ipari wisere a'i ereti feni werese feni hesi a'i (7) au ironamisiya ape, sosu eiwariyemi ereti feni werese feni hesi a'i (7) ereti lo sahe anitesiya ape, le lowe ma'e au te'esiya. ‘Ane wiyawi, fene ta'anesiya ape, siye so'oruwesiya. Lu taune yo seni fene lo siyesiya su, lowe fene ne apou totesiya. Fene marepi hepene norohuwesiya. Ahowa, fene marepi hepene fene lo temeniyeye. Fene yo seni ano umasi ta'ame.
ကြော်ငြာတွေ