Jisas Krasi lo Peri Heneruwe, Jon leseteye ape ne 20:17 - Saniyo-Hiyewe17 Le peri “Rabonai ” au te'eye su, le Jisas ma'e ereti se ya'oreiye. Sosu Jisas le ma'e eiye, “Ne ane owe ape ya'orere! Ane Owane Sitewi Tai Pefine a'i ano hire ma'e wi ta'ame. Weiya. Ne lu feni ano ma'e au te'eri. Ane Tai Pefine a'i ano, Tai Pefine a'i fene lo aiwawe hire ma'e wiyei. Ane Owane Sitewi ano, Owane Sitewi fene lo aiwawe a'i ma'e wiyei.” အခန်းကိုကြည့်ပါ။ |
Jisas Krasi lo Peri Heneruwe, Jon leseteye ape ne 20:17
48 ပူးပေါင်းရင်းမြစ်များ
Fene lu taune, si norohuwe sinerowa ape, lo peri totere! Meni Moses one towe sahe leseye. Owane Sitewi lai Moses ma'e ipo me oso po'o yehe lai ti etineye ape te'eye. Owane Sitewi lai Moses ma'e apou eiye, ‘Ane lai Abraham lo Owane Sitewi Pefine a'i tene! Ane lai aiwawe a'i Aisak lo Owane Sitewi Pefine a'i tene! Sosu ane Jekop lo Owane Sitewi Pefine a'i tene.’” Kis 3:6
Juda lo ta'uwe hereiyei tutawe, iyape Pasova, atahe a'i heneraiyei. Sosu Jisas, temeniyete lo atahe a'i heneraiyei ape, so'oruweye. Le awei eite arunatiyei, sosu Owane Sitewi Tai Pefine a'i lo omo hire ma'e wiyei. Lu taune werese Jisas lo yo umasiye ape, lowe awei ma'e ironamiteye. Le lowe werese arunatiyei. Le lowe werese ne marepi erasi a'i tote wawesiyenamiteye. Sosu aiwawe le lowe werese mi mi pasi pasi marepi erasi a'i tote wawesiyenamirowa.
Ane fene ma'e apou au te'eye su, ‘Ane feni yaro iyei, sosu ane si tame aiyeyei,’ Fene peri ano wanuwe. Fene ane ne marepi erasi a'i tote wawesiyeyei su, fene marepi apou a'i totesiya. ‘Le Owane Sitewi Tai Pefine a'i lo hire ma'e wiyei.’ Fene marepi apou a'i totesiya su, fene marepi se au te'e nine'isiya. Fene etiri eite mo siye so'oruwesiya. Owane Sitewi Tai Pefine a'i ano erasi a'i ne. Ane kairefi erasi lo unahi irosiya.
Nowe ataheyewa, ane awei sahe arunati wiyei. Ane ne ma'e omo hire ma'e wiyei. Lowe ape mo awei sahe ironamiyei. Owane Sitewi Tai Pefine a'i Wara'i a'i ano, ne lu taune werese iyape no sahe fa tote tawesire. Iyape no ape ne ane ma'e auwe. Serai lowe iyape no aniyei su, lowe marepi ta'i a'i tote ironamiyei. Notosi aiwawe a'i marepi ta'i a'i ironamisiya.
Tu naifa weriyei weriyei Owane Sitewi etiri werese ta'aneye ape henerai ta'ama su, le lu taune werese le ariariyeye ape, so'oruwe tepa'asiye. Nowe ape se tu naifa weriyei Owane Sitewi lai apou toteye, “Lu taune werese ano ariariye tepa'asiye ape, lowe meni eime ano wou a'i henerairowa.” Serai Jisas airu tutawe nomo lo henerairowa. Nomo werese pa'ise lo henerairowa.
Ahowa, etiri ape pefine a'i ne. Omo pani he'i wisere pefine a'i ape ne, lowe erasi a'i totenamiteye. Omo pani ni'arawe hire sahe irosiya. Serai lowe Owane Sitewi ma'e apou au te'eye su, “Ne a'i lai Owane Sitewi nomo lo ne.” Ahowa, le lowe ne neritaseye ta'ame. Piyene awere? Le lai lowe ne omo weniyei erasi ta au ta'ane naneiye.
Meni Owane Pefine a'i aiwawe a'i eiye. Nowe me'iye ta su, ane marepi he'i a'i Israel lo lu taune werese ma'e lese aurowa. Ane yo peri werese ano marepi hepene lowe lo papu furowa. Sosu ane yo peri ano marepi lowe lo ma'e au leserowa. Ane Owane Sitewi lowe lo henerairowawe, lowe lu tewi pefine a'i ano henerairowa.
Owane Sitewi lai nomo werese ma'e seremareyeyei lo aunamiteye. Serai nomo marepi hepene norohu he'i a'i henerai. Le Jisas Krais tapiye fisiye sahe si tame ta'ane norohuwe sineye su, le nomo ma'e marepi hepene he'i a'i auwewe, nomo le ne ninawenamisiya. Serai nomo werese Owane Sitewi, nomo lo ne Owane Jisas Krais lo tai nomo lo iyape lo pei ei ani arowete.
Kaiyemo mo ano! Nowe pereye a'i nomo Owane Sitewi lo eimane henerai. Sosu nowe ye'ewi su, nomo piye henerairowa awere? Nomo so'oru ta'ama. Ahowa, sosu etiri ta nomo so'oruwesiya. Krais si tame itoraiyei su, nomo le siyerowa. Serai nowe ape se nomo le wou aiwawe a'i heneraiyei. Sosu marepi hepene nomo lo wara'i a'i henerairowa.
Sosu ane peri no'u erasi a'i me tuto'u pefine a'i ma'e apou uteyei wanuwe, “Wanure! Owane Sitewi lai lu taune mase saro ironamitorowa. Le lowe mase mi mi pasi pasi weriyei ironamitorowa. Lowe werese lu feni pefine lo henerairowa. Sosu Owane Sitewi a'i lai lowe aiwawe a'i ironamitorowa. Le a'i lai Owane Sitewi lowe lo henerairowa.
ကြော်ငြာတွေ