Jisas Krasi lo Peri Heneruwe, Jon leseteye ape ne 12:42 - Saniyo-Hiyewe

⁴² Ahowa, lu taune tomu ne'ese Jisas lo peri wanu tote tawesinamiteye. Aiwawe Juda lo lu owane tamo peri lo wanu tote tawesi umasiteyei. Juda lo lu owane, Jisas umasiteye ape, Jisas ne au te'erowata. Ahowa, lowe lu Farisi taweiru a'i ne. Lowe Jisas ne au te'eyei su, lu Farisi lai lowe ta'uweyei wesi nowe ma'e ani fusawiyei.

Jisas Krasi lo Peri Heneruwe, Jon leseteye ape ne 12:42 ပူးပေါင်းရင်းမြစ်များ

Matyu 10:32

“Fene iyape ane ne lu taune werese ma'e au te'e fiyariyei su, ane lai fene ne tai ano ma'e omo hire ma'e ironamisiya ape, au te'e areiyerowa.

Jisas Krais lo Peri Heneruwe, Luk leseteye ape ne 12:8

Sosu ane fene ma'e eisiya, lu taune tamo ane ne lu taune ma'e au te'e fiyariyei su, ane meni hire ma'e itorai ape, ane lowe ne Owane Sitewi lo ipari werese ma'e au te'e areiyerowa.

Jisas Krais lo Peri Heneruwe, Luk leseteye ape ne 23:13

Sosu a'i pe lowe Jisas meni Pailat si tame henetai su, Pailat lai, au heseyei lu owane werese awei lu owane werese, lu taune werese, le lowe werese ta'uweyei wesi ma'e ei aniye.

Jisas Krais lo Peri Heneruwe, Luk leseteye ape ne 6:22

Ane, meni hire ma'e itorai ape, fene peri ano wanu umasinamiyei su, lu tamo fene ne ai marepi totenamiyei. Sosu lowe fene hi ani araronamiyei. Sosu lowe fene ma'e peri te'e narunamiyei. Sosu lowe iyape fene lo au luwaruweyei. Lu tamo etiri luwaru a'i ape fene ma'e irowei su, fene marepi wisere a'i irorowa.

Jisas Krasi lo Peri Heneruwe, Jon leseteye ape ne 11:45

Sosu a'i pe Juda lo lu taune tamo, Maria ma'e marepi fetaneyeyei ne fai ape, lowe Jisas lo wiyawi erasi pefine a'i siyeye su, lowe le ne tote tawesiye.

Jisas Krasi lo Peri Heneruwe, Jon leseteye ape ne 12:11

Piyene awere? Juda lo lu taune tomu ne'ese Lasarus lo peri ne wanuwe su, serai lowe Juda lo ya'ariyei lo yo seni arunatirowawe, Jisas lo yo seni umasinamiteye.

Jisas Krasi lo Peri Heneruwe, Jon leseteye ape ne 16:2

Fene ane umasiyei su, Juda lo lu owane fene ma'e Owane Sitewi lo wesi nowe ma'e ani fusawiyei. Lowe lu feni ano ma'e aine tera'eyei su, lowe marepi apou a'i toteyei, ‘Nomo lu taune ape mo aine tera'eyei su, nomo Owane Sitewi lo wiyawi au irowei.’ Wawero a'i tene!

Jisas Krasi lo Peri Heneruwe, Jon leseteye ape ne 19:38

Mo'o su, meni ta, iyape Josep, omo Arimatea ma'e fai ape, le ereseni a'i Jisas lo peri wanu umasinamiye. Le Juda lo lu owane werese marepi atoweiyeteye. Sosu le meni owane Pailat ma'e ei toweriyei ne fi. Le apou ei toweriye, “Ane Jisas lo tahe pa'are hene aitiyei ne totesiya. Tapiye fisiye yo ma'e fuwei.” Pailat le ma'e itiya'u eiye, “Ei, fara'u Jisas lo tahe pa'are aiti.” Serai meni ape Jisas lo tahe pa'are aiti.

Jisas Krasi lo Peri Heneruwe, Jon leseteye ape ne 3:2

Pasi a'i su, le Jisas ma'e sewiyeyei ne fai. Le Jisas ma'e apou eiye, “Atuatu siye meni, Nomo ne ne te'e atuatu siye meni, Owane Sitewi ma'e fai ape, so'oruweye. Wiyeme a'i! Owane Sitewi lai lu mase iro ta'ame su, lowe wiyawi erasi pefine a'i eite mo irorowata.”

Jisas Krasi lo Peri Heneruwe, Jon leseteye ape ne 7:13

Lu taune werese Juda lo lu owane ne taweiru a'i ne. Serai lowe werese Jisas ne amerame a'i au te'e ta'ame.

Jisas Krasi lo Peri Heneruwe, Jon leseteye ape ne 7:31

Sosu lu taune tomu ne'ese Jisas lo peri wanu tote tawesiye. Lowe apou eiye, “Meni eite lai Krais tene! Meni tere'e wiyawi erasi a'i ta'aneyei awere? Ahowa, meni ape lo wiyawi lai wiyawi werese hi ani ararowe. Marepi nomo lo apou a'i toteye. Meni ape Krais tene!”

Jisas Krasi lo Peri Heneruwe, Jon leseteye ape ne 9:22

Meni eite lo tai mai Juda lo lu owane ne taweiru a'i ne. Juda lo lu owane werese marepi ta'i a'i toteye, “Lu taune tamo Jisas ne meni Krais au te'e fiyarisiya su, lu owane lowe ma'e Owane Sitewi lo wesi nowe hene ani fusawiyei.”

Jisas Krasi lo Peri Heneruwe, Jon leseteye ape ne 9:34

Sosu lowe ai marepi se itiya'u le ma'e eiye, “Mai no ne auteiye su, yo seni luwaru a'i marepi hepene no papu teme'eriyeye. Serai ne nomo ma'e au atuatuwei ne totesiya awere? Marepi owe ape totere!” Sosu lowe le ta'uwe wesi nowe ma'e hene ani fusawi. Sosu apou eiye, “Ne ta'uwe wesi si tame owe ape aiyete.”

Aposel 5:41

Lowe ta'uweyei wesi arunati su, lowe Owane Sitewi ne au te'e wisereye nine'iteye. Lowe Jisas lo iyape se neritase ta'ame. Serai lowe Owane Sitewi ma'e peri au te'e wisereye nine'iteye.

Pol One Towe eite Omo Rom maꞌe Lese Ausawi 10:10

Nomo le ne marepi papu tote tawesisiya. Serai Owane Sitewi lo nihe se nomo lu taune aseyaro wara'i a'i ironamitorowa. Sosu nomo peri ahi nomo lo se apou te'eyei su, “Nomo meni owane Jisas ne tote tawesinamisiya.” Serai Owane Sitewi lo ferafereiyei nomo ma'e ironamirowawe, nomo marepi hepene he'i a'i weriyei weriyei ironamitorowa.

1 Jon 4:15

Serai lu taune tamo apou a'i au te'eye, “Jisas lai Owane Sitewi lo meni eime topo lo tene!” Lowe au te'eye su, Owane Sitewi lai marepi lowe lo papu ironamisiya. Sosu aiwawe a'i lowe lai Owane Sitewi papu ironamisiya.

1 Jon 4:2

Fene Owane Sitewi lo Hepene Wara'i a'i eiwerou siye so'oruwerowa awere? Pefine a'i ne. Ipari ta apou au te'esiya, “Meni eite Jisas Krais tahe pa'are sahe itorai.” Ipari ape Owane Sitewi ma'e fai.