Hibru 4:9 - Saniyo-Hiyewe

⁹ Serai nomo etiri ta so'oruwe tene! Josua lowe omo pani ape sahe hene wi onu fetaneye ta'ame. Serai peri te'e naneiyei lo ape nomo ne wei sato ironamisiya. Owane Sitewi lo lu feni pefine a'i omo pani ape sahe wi onu fetaneyerowa. Lowe onu fetaneyerowa su, apou aiwawe a'i Owane Sitewi poweiye to'u se onu fetaneyeye.

Hibru 4:9 ပူးပေါင်းရင်းမြစ်များ

Matyu 1:21

Nowe me'iye su, le meni eime auteiyei. Ne iyape lo Jisas au paporowa. Owane Sitewi lai meni eime ape lu taune werese lo yo seni luwaru a'i au sasariyei ne ariariyeye. Serai le lu taune werese si tame ete hene anirowa.”

Taitus 2:14

Tu naifa le nomo ne temeniyeye. Le nomo ne temeniyeye su, le yo seni luwaru werese a'i nomo lo si tame ete hene aniyewe, au pamowe sasarisawi. Le marepi hepene nomo lo aseyaro a'i au irorowa. Serai nomo werese a'i marepi hepene a'i aseyaro a'i henerai tepa'asiye ape, nomo Owane Sitewi lo lu taune aseyaro heneraiyei. Serai nomo wiyawi wisere a'i ta'ane tohoteyei.

Hibru 11:25

Le apou toteye, “Ane yo seni luwaru a'i lowe lo umasirowata. Lowe yo seni luwaru a'i ironamisiya su, marepi lowe lo oso po'o a'i terite nine'isiya. Serai ane yo seni luwaru a'i lowe lo arunatirowawe, Owane Sitewi lo lu tewi mase ironamirowa. Ahowa! Ane fofowei lowe lo aiwawe a'i teritenamirowa.”

Hibru 3:11

Ane lowe ma'e ai marepi toteyewe, lowe ma'e apou te'e naneiye. Awei pani ano, ane lowe ne au ariariyeye ape ma'e, ane lowe ma'e au itawiye. Lowe omo pani ape wirowata. Lowe omo pani ape sahe onu fetaneyerowata.” Sng 95:7-11; Nam 14:21-23

Hibru 4:1

Sosu a'i pe Owane Sitewi lai peri te'e naneiyei ape nomo ma'e au te'eye. Peri te'e naneiyei ape apou te'esiya, “Nomo peri werese lo wanu tote umasiyei su, nomo omo hire ape sahe wirowawe, mi mi pasi pasi onu fetaneyerowa.” Serai nomo werese ta'i ta'i a'i weiyai! Nomo peri lo arisiyei su, Owane Sitewi lai yo seni luwaru a'i nomo lo au hese ereirowa. Serai nomo aiwawe a'i omo ape sahe onu fetaneyeyei ape anirowata.

Hibru 4:10

Owane Sitewi lai peri te'e naneiyei ape au te'eye su, lu taune tamo omo pani ape sahe wi onu fetaneyeyei ape, lowe wiyawi werese towafi lowe lo arunatirowawe, onu fetaneyerowa. Apou a'i Owane Sitewi wiyawi lo ta'ane tepa'asiye su, le onu fetaneyeye.

Hibru 4:3

Sosu nomo Owane Sitewi ne tote tawesisiya ape, le peri te'e naneiyei ape nomo ma'e au te'eye. Serai nomo tei kairefiyeyei su, nomo fara'u omo lo ma'e wirowawe, onu fetaneyetorowa. Owane Sitewi apou eiye, “Ane lowe ma'e ai marepi erasi a'i totenamiteye. Sosu ane peri te'e naneiyei ta lowe ma'e au te'e kairefiyeyei. Omo pani ape sahe ane lowe au ariariyeye ape sahe, lowe mi mi weriyei wi onu fetaneyerowata.” Sng 95:11 Nowe ape se le peri te'e naneiyei ape au te'eye su, nowe sitewi se le awei etiri werese ta'ane tepa'asiye.

Hibru 4:8

Omo pani ape sahe Owane Sitewi lowe ma'e au ariariyeye ape ne, Josua lai lu tewi ape mo omo pani ape sahe hene wi onu fetaneyeye su, Owane Sitewi lai poweiye tere'e ta se, nowe me'iye henerairowa ape, au ariariye ta'ame.

1 Pita 2:10

Tu naifa fene werese lu tewi yahowa'i ne. Ahowa, pereye nowe eite se fene Owane Sitewi lo lu tewi henerai. Tu naifa Owane Sitewi fene ma'e au seremareye ta'ame. Pereye nowe eite se Owane Sitewi lai fene ma'e au seremareyeye.

Kamapim Tok Hait 14:13

Sosu ane peri no'u ni'arawe hire ma'e uteyei aute wanuwe. Le ane ma'e apou eiye, “Ne one towe ta sahe lesere. Pereye nowe eite se, sosu nowe me'iye se, lu taune werese Jisas ne tote tawesi umasiyei ape, ai lu tamo lowe aine tera'e temeniyerowa su, lowe marepi wisere a'i nine'inamirowa.” Serai Owane Sitewi lo Hepene Wara'i a'i eiye, “Peri ape pefine a'i ne. Etiri luwaru orese a'i lowe ma'e henerai ape, tepa'asiye su, lowe mi mi weriyei fetane a'i ironamitorowa. Lowe Owane Sitewi lo yo seni ta'aneteye su, yo seni wisere ape mo lowe lo ta'aneteye ape, lowe ma'e aiwawe mo'o umasitirowa.”

Kamapim Tok Hait 21:4

Sosu le lai marepi luwaru orese a'i lowe lo ani sasari po'uterowa. Etiri weriyei werese a'i po'uterowa. Serai lowe tame lurowata. Temeniyeyei werese po'uterowa. Lowe uruwei irorowata. Luwei werese po'uterowa. Fofowei werese po'uterowa.”