Hibru 4:7 - Saniyo-Hiyewe

⁷ Peri ape nomo ma'e au te'e atuatu areiyesiya. Owane Sitewi lai poweiye tere'e ariariyeye. Poweiye ape ne le apou eisiya, “Pereye nowe eite se.” Me'iye su, iyu menei tomu ne'ese i tepa'asiyei su, le meni Devit lo ahi se apou te'eye, nomo tu peri ape siye te'e tepa'asiye. Le apou eiye, “Fene pereye nowe eite se Owane Sitewi lo peri wanuwei su, fene marepi kairefi a'i owe ape totenamite.” Sng 95:7-8

Hibru 4:7 ပူးပေါင်းရင်းမြစ်များ

Matyu 22:43

Serai Jisas lowe ma'e itiya'u eiye, “Meni ape Devit lo meni eime su, piyene Devit lai Owane Sitewi lo Hepene Wara'i a'i se meni ape apou eiye, ‘Ne meni owane ano ne.’

Krais lo Peri Heneruwe, Mak leseteye ape ne 12:36

Ya'ariyei nomo lo Devit, Owane Sitewi lo Hepene Wara'i a'i se apou te'eye. ‘Meni Owane Pefine a'i lai meni owane ano apou eiye, ne ereti eyate feni ano se onura. Ane lai airame werese no ape kairefiyeyei no unahi ani furowa.’ Sng 110:1

Jisas Krais lo Peri Heneruwe, Luk leseteye ape ne 20:42

Owane Devit, tu naifa weriyei one towe sahe apou leseye, ‘Owane Sitewi lai Krais ma'e eiye, Meni owane ano, ne eyate feni ano onura.

Aposel 2:29

Sosu Pita apou tame eiye, “Kaiyemo mo, ane fene peri wiyeme ta au te'esiya. Meni ape Devit, ya'ariyei aite nomo lo temeniyeyewe, lowe fisiye yo papu fuwe. Sosu nowe pereye eite se fisiye yo lo sato irosiya.

Aposel 2:31

Devit peri ape leseye su, etiri ape henerai ta'ame. Le meni ape ne, Owane Sitewi ariariyeye ape, temeniyerowawe, si ta'ane norohuwe sinerowawe, le meni ape ne te'eteye. Sosu Owane Sitewi lai meni ape fisiye yo papu irotorowata. Ahowa, tahe pa'are lo uwaserowata.

Aposel 28:25

Lu taune tere'e tamo marepi tere'e tere'e toteteye. Sosu Pol peri ta lowe ma'e te'e, “Owane Sitewi lo Hepene Wara'i a'i ya'ariyei nomo lo ma'e Owane Sitewi lo au te'e siye meni, Aisaia, ahi lo se peri wiyeme a'i apou au te'eye,

Hibru 3:15

Owane Sitewi lai peri ta one towe lo sahe apou te'esiya. “Fene pereye nowe eite se Owane Sitewi lo peri wanuwei su, fene le ne marepi kairefi a'i owe ape tote ta'orete. Tu naifa weriyei ya'ariyei fene lo Owane Sitewi ne marepi kairefi a'i toteteyewe, lowe peri werese lo arisinamiteye.” Sng 95:7-8 Serai fene yo seni lowe lo owe ape umasite.