Hibru 2:13 - Saniyo-Hiyewe

¹³ Le apou tame te'eye, “Ane Owane Sitewi ne tote tawesi umasinamirowa.” Ais 8:17 Sosu le tame eiye, “Lu taune werese Owane Sitewi lai ane ma'e auwe ape, ane lowe mase ironamisiya.” Ais 8:18

Hibru 2:13 ပူးပေါင်းရင်းမြစ်များ

Matyu 27:43

Meni ape Owane Sitewi pefine a'i ne tote tawesiyei su, sosu Owane Sitewi le ne marepi erasi a'i totenamisiya su, Owane Sitewi le ma'e au ferafereirowa. Meni ape topo le ne apou eiye, ‘Ane a'i lai Owane Sitewi lo meni eime pefine a'i ne!’”

Jisas Krasi lo Peri Heneruwe, Jon leseteye ape ne 10:29

Owane Sitewi Tai Pefine a'i ano lu taune werese ano ane ma'e au tepa'asiye. Le a'i lai lu werese hi ani fu araro tepa'asiye. Lu tamo lu feni ano Tai Pefine a'i lo ereti sahe ani tepa'asi anirowata.

1 Korin 4:15

Lu tomu ne'ese fene ma'e Krais lo peri ne au atuatuwei su, fene aite tomu ne'ese ta'ame. Ane Owane Sitewi lo peri fene ma'e au te'e fiyariye su, ane a'i lai tai fene lo henerai.