Hibru 11:3 - Saniyo-Hiyewe

³ Owane Sitewi lai awei etiri werese, sosu etiri werese ni'arawe hire sahe ta'aneye su, le peri topo lo te'eyewe, etiri werese ape mo henerai. Serai nomo le ne tote tawesiyei su, nomo etiri werese ape mo, le ta'aneye ape, siye so'oruwesiya. Sosu etiri tere'e werese, nomo pereye nowe eite se siyesiya ape, le lai ta'aneye.

Hibru 11:3 ပူးပေါင်းရင်းမြစ်များ

Jisas Krasi lo Peri Heneruwe, Jon leseteye ape ne 1:3

Owane Sitewi awei etiri werese au ta'aneyei ne toteye su, le meni eime lo ma'e apou eiye, “Meni eime ano, ne etiri werese au ta'anere.” Serai le etiri werese au ta'aneye. Etiri werese ta'aneye ape, peri pefine lai au ta'aneye. Owane Sitewi tere'e lai etiri werese au ta'ane ta'ame.

Aposel 14:15

“Lu werese, fene piye irosiya awere? Notosi god ta ta'ama. Notosi lu yahowa'i a'i ne. Fene aiwawe a'i ne. Notosi Owane Sitewi lo peri heneruwe wisere a'i fene ma'e au te'eyei ne fai. Fene werese etiri yahowa'i ape atati arosawire. Fene Owane Sitewi lo marepi ma'e atati tote umasire. Owane Sitewi, mi mi pasi pasi weriyei irosiya ape, le lai etiri werese ape mo ta'aneye. Etiri werese ni'arawe hire ma'e Owane Sitewi lai ta'aneye. Etiri werese, awei sahe irosiya ape mo, Owane Sitewi lai ta'aneye. Etiri werese, sa'i papu irosiya ape mo, Owane Sitewi a'i lai ta'aneye.

Aposel 17:24

Owane Sitewi pefine a'i lai awei werese werese ta'aneye. Le a'i lai etiri werese, papu irosiya ape, ta'aneye. Le a'i lai hire ni'arawe werese lo Meni Owane Pefine a'i ne. Le a'i lai awei werese werese lo Meni Owane Pefine a'i ne. Le wesi ta, lu ta'aneye ape, sahe iro ta'ame.

Pol One Towe eite Omo Rom maꞌe Lese Ausawi 4:17

Nomo peri ape wiyeme a'i so'oruwesiya. Meni ta Owane Sitewi lo peri one towe sahe apou leseye. Owane Sitewi apou eiye, “Ne lu taune tomu ne'ese lo ya'ariyei sitewi henerairowa.” Stt 17:5 Owane Sitewi lo nihe se peri te'e naneiyei ape pefine a'i henerai. Owane Sitewi ape, meni Abraham le ne tote tawesiteye ape, le lai lu taune, temeniyeye irosiya ape, au ta'ane norohu sineteye. Etiri werese awei sahe henerai ta'ame irosiya ape, Owane Sitewi Pefine a'i lai au ta'ane henerairowa.

1 Korin 2:7

Ahowa, nomo Owane Sitewi lo marepi wisere a'i fareyareye ape, au te'e fiyarisiya. Owane Sitewi lo marepi wisere a'i fareyare a'i ape, Owane Sitewi lai tu naifa weriyei weriyei nomo ma'e au atuatuwei ne au te'e naneiteye. Serai nomo le ne tote tawesiye su, le marepi pefine a'i lo, nomo ne auwe. Serai nomo marepi werese lo siye so'oruwerowa.

1 Timoti 4:5

Serai fene ayei tamo ne Owane Sitewi ma'e au te'e wisereyeyei su, Owane Sitewi lai peri lo se etiri ape aseyaro au irorowa.

Hibru 1:2

Ahowa, pereye nowe eite henerai su, le meni eime lo nomo ma'e au te'eyei ne eimawe arosai. Tu naifa weriyei Owane Sitewi lai le ma'e awei pani, etiri werese au ta'aneyei ne auwe. Le nowe ye'ewi se le etiri werese werese a'i ape mo aniyei ne ariariyeye.

Hibru 6:5

Mi mi werese lowe Owane Sitewi lo peri wanu tote nine'iteye. Sosu lowe Owane Sitewi lo kairefi se lu taune au noweinoweisiya ape, siye so'oruweye.

2 Pita 3:5

Peri ape lowe mi mi werese au te'eteye su, lowe etiri tamo marepi tote i'aneye. Tu naifa weriyei weriyei Owane Sitewi lai peri ta au te'eye. Le lai peri te'eye su, sosu etiri werese hire ma'e henerai. Aiwawe a'i le peri ta tame au te'eye su, le awei werese ta'aneye. Le sa'i ei apuweyewe, awei pani wirai.

Kamapim Tok Hait 4:11

“Ne Meni Owane Tutawe Pefine a'i ne. Ne Meni Owane Pefine a'i, Owane Sitewi nomo lo ne. Lu taune werese ne ma'e fa au nine'inamite. Nomo iyape no ma'e weriyei weriyei ei ani arowete. Kairefi no se lowe ne ma'e au wisereyenamite. Ne a'i lai etiri werese au ta'ane henerai. Marepi no se etiri werese iroteye. Ne a'i lai marepi hepene norohu a'i lowe ma'e auwe.”