Galesia 5:25 - Saniyo-Hiyewe

²⁵ Owane Sitewi lo Hepene Wara'i a'i fene papu ironamisiya su, fene marepi lo tote umasinamite.

Galesia 5:25 ပူးပေါင်းရင်းမြစ်များ

Jisas Krasi lo Peri Heneruwe, Jon leseteye ape ne 6:63

Lu taune werese ta'u marepi hepene he'i anirowata. Sosu mi mi pasi pasi teinamirowata. Owane Sitewi lo Hepene Wara'i lai marepi hepene he'i aunamisiya. Peri ano, fene ma'e au te'eye ape, fene peri ano Owane Sitewi lo Hepene Wara'i ne wanuwei su, fene marepi hepene he'i a'i aniyei. Serai fene mi mi pasi pasi ironamirowa.

Pol One Towe eite Omo Rom maꞌe Lese Ausawi 8:10

Fene yo seni luwaru a'i ironamiteye su, tahe pa'are fene lo temeniyerowa. Ahowa, Meni Owane Krais fene papu iroteye su, Owane Sitewi apou eiye, “Nihe ano se, fene lu taune wara'i a'i ironamisiya. Serai fene mi mi pasi pasi ironamitorowa.”

Pol One Towe eite Omo Rom maꞌe Lese Ausawi 8:2

Ane Krais Jisas mase natenamisiya. Serai Owane Sitewi lai ane etirowata. Ane nihe lo se meni wara'i a'i ironamitorowa. Piyene awere? Owane Sitewi lo Hepene Wara'i a'i lo yo peri ape ane ma'e marepi he'i a'i auwe. Sosu meni yo seni weriyei marepi ano papu iroteye ape, Owane Sitewi lai le hi ani ararowe. Serai nomo le unahi iro ta'ame. Marepi weriyei yo seni luwaru wou a'i ne. Yo seni weriyei lo yo peri ane ma'e yo seni luwaru a'i au tewi ite itenamiteye. Serai ane yo seni luwaru a'i irowe su, hepene ano temeniyeye.

1 Korin 15:45

Owane Sitewi lo one towe sahe meni ta apou leseye, “Meni tutawe Owane Sitewi lai ta'aneye ape iyape Adam. Owane Sitewi lai le ma'e marepi hepene norohuwe a'i auwe.” Tahe pa'are nomo lo Adam he'i a'i wou a'i ne. Le nomo ma'e marepi hepene he'i a'i auwe. Serai nomo mi mi pasi pasi weriyei ironamitorowa.

2 Korin 3:6

Owane Sitewi a'i lai kairefiyei lo nomo ma'e wiyawi lo ta'aneyei ne auwe. Serai nomo Owane Sitewi lo peri te'e naneiyei he'i a'i au te'e fiyariteye. Peri te'e naneiyei ape lu lo yo peri, lu tamo lesesiya ape, wou ta'ama. Peri te'e naneiyei he'i a'i ape Owane Sitewi lo Hepene Wara'i a'i ma'e fai. Moses lo yo peri apou te'esiya. “Lu taune werese yo seni luwaru a'i irowei su, lowe temeniyerowa.” Fene Moses lo yo peri umasiyei su, fene mi mi pasi pasi weriyei temeniye po'uterowa. Ahowa, Owane Sitewi lo Hepene Wara'i a'i marepi hepene he'i a'i aurowa.

Galesia 5:16

Ahowa, ane fene ma'e te'esiya. Fene Owane Sitewi lo Hepene Wara'i a'i se Krais lo yo seni tote umasite. Owane Sitewi lo Hepene Wara'i a'i fene papu ironamisiya su, fene lu marepi tote umasirowata.

Filipai 3:3

Nomo Meni Owane Krais lo marepi tote tawesi umasiyei su, Owane Sitewi lai yaru lo ta nomo ma'e au furowa. Nomo Owane Sitewi lo lu taune pefine a'i henerairowa. Nomo Owane Sitewi ma'e Hepene Wara'i a'i lo se au nine'i wisereyerowa. Nomo Meni Owane Krais ma'e nateyei su, marepi hepene nomo lo tote nine'i wisereyerowa. Nomo awei yo seni weriyei tote umasinamitorowata.

1 Pita 4:6

Lu tamo Jisas lo peri lu taune ma'e tu temeniyeye ape, au te'e areiye fiyariteye. Piyene awere? Aiwawe a'i ne. Tu naifa Owane Sitewi lai yo seni luwaru wou a'i lowe lo au hese ereiteye. Serai lowe temeniyeye. Lu taune werese aiwawe ne. Lowe Jisas lo peri wanuwe su, lowe Jisas ne tote tawesi umasiteye. Serai lowe temeniyeye su, hepene lowe lo Owane Sitewi mase mi mi pasi pasi ironamitorowa.

Kamapim Tok Hait 11:11

Poweiye hesi heta tewi oso a'i tepa'asirowa su, Owane Sitewi lai hepene norohuwe lowesi lo si tame ta'ane fate norohuwerowa. Sosu lowesi si tame ta'ane norohuwe sinerowa su, lu taune lowesi siyerowa su, lowe werese hepene se su'arirowa.