Galesia 3:6 - Saniyo-Hiyewe

⁶ Abraham lo yo seni tote etire. Owane Sitewi lo peri apou te'esiya, “Le Owane Sitewi ne wanu tote tawesi umasiteye. Serene Owane Sitewi lai tote tawesiyei lo siyeye su, le Owane Sitewi lo nihe se meni aseyaro a'i henerai.” Stt 15:6

Galesia 3:6 ပူးပေါင်းရင်းမြစ်များ

Pol One Towe eite Omo Rom maꞌe Lese Ausawi 4:24

Aiwawe a'i nomo werese Owane Sitewi ne tote tawesinamirowa su, Owane Sitewi lai nomo aiwawe a'i lu taune wara'i a'i au eirowa. Le a'i lai meni owane nomo lo Jisas si tame norohuwe sineye.

Galesia 3:9

Abraham lai Owane Sitewi ne tote tawesinamiteye. Serai Owane Sitewi lai le ma'e marepi wisere erasi a'i au totenamiteye. Serene lu taune werese Owane Sitewi ne tote tawesiyei su, Owane Sitewi lai lowe ma'e aiwawe a'i marepi wisere erasi a'i totenamitorowa.

Jems 2:23

Tu naifa weriyei Owane Sitewi lai one towe lo sahe apou eiye, “Abraham Owane Sitewi ne tote tawesiye. Sosu Owane Sitewi lo nihe se Abraham lo yo seni werese aseyaro wara'i a'i siyeye.” Stt 15:6 Owane Sitewi lo one towe sahe meni Abraham ne apou eiye, “Meni ape Owane Sitewi lo nati wafei wiyeme a'i ne.” Peri ape wiyeme a'i henerai tepa'asiye.