Galesia 3:17 - Saniyo-Hiyewe17 Peri ano lo eti ane fene ma'e te'eye. Owane Sitewi lai meni Abraham ma'e peri te'e naneiyei ta au te'eye. Sosu Owane Sitewi le ma'e eiye. “Ane peri te'e naneiyei werese ano umasinamirowa.” Moses lo yo peri iyu menei 430 me'iye su henerairowa. Moses lo yo peri ape lai Owane Sitewi lo peri te'e naneiyei atati arurowata. အခန်းကိုကြည့်ပါ။ |
Galesia 3:17
39 ပူးပေါင်းရင်းမြစ်များ
Owane Sitewi lai le ma'e apou eiye, ‘Nowe me'iye su lu tewi no awei pani ape arunatirowa. Lu tere'e lo pani sahe iroteyei. Lu tewi tere'e ape mo lowe ma'e au luwaruwerowa. Lowe lu tewi no wafei se ti tawesirowa. Sosu wiyawi yahowa'i erasi ta'anerowa. Ma'aru anirowata. Lowe wiyawi yahowa'i ta'anerowa. Lowe pani ape sahe iyu menei (400 aiwawe a'i) iroteye.
Owane Sitewi lai meni eime lo hi awei ma'e temeniyeyei ne eimawe arosai. Jisas me tape'i sahe temeniyeye su, lu taune werese Jisas ne tote tawesiyei ape, fisa'i lo yo seni luwaru a'i lowe lo au hu pamowe sasariyei. Owane Sitewi lai Jisas lo fisa'i se nomo lo yo seni luwaru a'i irowe ape au hu pamowe sasariye su, le nomo ma'e yo seni aseyaro wara'i a'i lo au atuatu areiyeye. Tu naifa weriyei lu taune werese yo seni luwaru a'i ironamiteye su, Owane Sitewi lai lowe ne ninawe ninaweteye. Le yo seni luwaru a'i lowe lo atati awera'iyenatiyewe, lowe ma'e fofowei erasi witane se itiya'u au ta'ame. Owane Sitewi lai yo seni luwaru a'i lowe lo atati awera'iyenati.
Peri ape, ane fene ne wanuteye ape, lu tamo apou a'i te'esiya. “Nomo lai Pol lo marepi umasisiya.” Lu tere'e tamo apou te'esiya, “Ahowa, nomo lai Apolos lo marepi umasisiya.” Lu tere'e tamo apou te'esiya, “Nomo Sifas lo marepi umasinamisiya.” Lu tere'e tamo apou te'esiya, “Nomo Krais lo marepi umasinamisiya.”
Krais ane lu taune ma'e au huwei ne eimawesawi ta'ame. Ahowa, le ane Krais lo peri heneruwe wisere a'i lu taune ma'e au te'e fiyariyei ne eimawesawi. Le awei lo marepi wisere a'i ane ma'e au ta'ame. Ahowa, ane peri ta au te'eyei su, ane Krais lo me tape'i lo peri a'i ne au te'e fiyariyei. Serai Krais lo me tape'i yahowa'i a'i henerairowata.
Ane peri eite au te'esiya su, ane piye marepi sitewi ano au te'esiya awere? Fe sipsip lo lo'u tewi a'i lowe god wawero ma'e au heseteye ape, yahowa'i ne. Fene fe sipsip lo'u tewi a'i god wawero ma'e auwe ape, ene ayei su, lo'u ape lai lire fene lo au luwaruwerowata. Aiwawe a'i god wawero werese yahowa'i ne. Lowe kairefi se ta'ame. Lowe fene au luwaruwerowata.
Owane Sitewi lai peri te'e naneiyei tomu ne'ese nomo werese ma'e au te'eteye su, peri te'e naneiyei ape mo, Jisas lo iyape se peri wiyeme a'i au te'e fiyariye. Serai nomo peri wisere a'i Owane Sitewi ma'e Jisas lo iyape se au te'eyei su, Owane Sitewi lai nomo ma'e peri wiyeme a'i itiya'u au te'erowa. Serai nomo Owane Sitewi lo iyape ne ei ani aroweyei.
Kaiyemo mo, ane fene ma'e peri ta au te'e areiyesiya. Lu hesi peri ta one towe sahe peri pefine te'e naneiyei su, lowesi marepi ta'i a'i apou te'erowa. “Notosi peri pefine te'e naneinamiyei ape, wanu umasirowa.” Lowesi peri ape te'e tepa'asiyei su, owe meni ta peri ape einamirowata. Aiwawe a'i owe meni ta peri he'i a'i peri pefine te'e naneinamiyei ape, papu leserowata.
Sosu a'i pe fene eiwerou totesiya awere? Moses lo yo peri ape lai Owane Sitewi lo peri te'e naneiyei ape se ai atu tiyatisiya awere? Opiyai! Yo peri ta nomo ma'e marepi hepene he'i a'i aurowa ape, irorowa su, sosu nomo yo peri ape umasiyei su, Owane Sitewi lo nihe se nomo lu taune aseyaro a'i ironamitorowa.
Tu naifa fene Krais eyeri ma'e iroteye. Pani Israel lai omo pani sitewi fene lo ta'ama. Owane Sitewi lai fene ma'e peri te'e naneiyei lo au te'e nanei ta'ame. Ahowa, le Juda lo lu tewi ma'e peri te'e naneiyei werese au te'e naneiteye. Tu naifa fene te'e naneiyei lo ninawe te ta'ame. Tu naifa fene hi awei sahe iroteye ape, fene Owane Sitewi pefine so'oru ta'ama.
Sosu a'i pe lu taune ape mo lowe Owane Sitewi ne tote tawesinamiteye. Peri te'e naneiyei werese lo, le lowe ma'e au te'e naneiye ape, le etiri ape mo ne wiyeme pefine a'i au iro henerairowa. Lowe hi awei sato iroteye su, lowe etiri ape mo Owane Sitewi lowe ma'e te'e naneiye ape, ani te ta'ame. Ahowa, lowe etiri werese ape mo eyeri yaro siyeteye su, marepi lowe lo tote wisereye nine'iteye. Sosu mo'o lowe ta'i ta'i a'i temeniyeye. Lowe lu taune werese ma'e apou te'e areiyeye. “Nomo hi awei sato ipari lu taune wou a'i irosiya.” Sosu mo'o lowe ta'i ta'i a'i temeniyeye
Sosu yo peri weriyei ape mo kairefi se ta'ama. Serai yo peri ape lu taune ne au ferafereirowata. Serene Owane Sitewi lai yo peri weriyei ape hi ani ararowe. Yo peri weriyei ape, Owane Sitewi lai Moses auwe ape, yo peri ape lai lu taune ma'e marepi hepene he'i a'i aurowata. Owane Sitewi lai etiri ta aiwawe a'i siye so'oruweye su, le nomo ma'e etiri he'i wisere a'i ta auwe. Etiri wisere a'i ape, nomo ninawesiya ape, nomo fara'u Owane Sitewi ma'e i ataheyerowa.
ကြော်ငြာတွေ